აჰა ესე სიძე მოვალს შუაღამესა და ნეტარ…
ტროპარი
აჰა ესე სიძე მოვალს შუაღამესა და ნეტარ არს მონაი იგი, რომელი იპოვოს მღვიძარე, ხოლო ვაი არს მონისა მის, რომელი იპოვოს უდებებით; იხილე სულო ჩემო და ნუ გრულის ძილისათვის, რაითა არა გამოვარდე სასუფევლისაგან, არამედ აღიმსთვე შუაღამესა და ხმობდი: წმინდა ხარ, წმინდა ხარ, წმინდა ხარ შენ, ღმერთო ჩუენო, ღმრთისმშობელისა მიერ შეგვიწყალენ ჩუენ.
იოსებისა წარწყმედასა იგლოვდა მწარედ იაკობი, ხოლო მას…
კონდაკი
იოსებისა წარწყმედასა იგლოვდა მწარედ იაკობი, ხოლო მას დაედგნეს ახოვნებისა შარავანდედნი და მეფობდა ამისთვის, რამეთუ არა დაამონა გულსთქუმა თვისი მეძავისა ნებასა და სამართლად იდიდა იგი გულთმეცნიერებისა ღმრთისაგან, და მიეცა გვირგვინი უხრწნელებისა.
კლდე განაპო ქრის-ტემან, და განაძღო ერი, იგი…
სძლისპირი
კლდე განაპო ქრის-ტემან, და განაძღო ერი, იგი წყურიელი და მანანა უწჳმა, რათამცა, გულის-ჴმა-ჰყუეს, ძლი-ერება იგი მისი.
შევჰკრბეთ ჩუენ ზეთის ხილთა, მთასა საიდუმლოდ, ქრისტეს…
დიდება შენდა ღმერთო ჩუენო დიდება შენდა.
შევჰკრბეთ ჩუენ ზეთის ხილთა, მთასა საიდუმლოდ, ქრისტეს თანა ძმანო, და მოციქულტა თანა დავადგრეთ და ვისმინოთ, ღუთიუ ბრწყინუალე ჰსწავლა მისი.
გულის-ჴმა-ჰყავ იგავი, იგი წისქჳლისა რა არს რომელი…
დიდება შენდა ღმერთო ჩუენო დიდება შენდა.
გულის-ჴმა-ჰყავ იგავი, იგი წისქჳლისა რა არს რომელი ჰსთქუა, ქრისტემან სულო ჩემო, და მოსწრაფედ განიფრთხუე, და განეშორე ბოროტთა.
განჰმზადე თავი შენი, სულო უბადრუკო, მიცუალებად სოფლით…
დიდება შენდა ღმერთო ჩუენო დიდება შენდა.
განჰმზადე თავი შენი, სულო უბადრუკო, მიცუალებად სოფლით, რამეთუ მსაჯულისა თუალ უხუაჳსა მოსლუა ესერა მოახ-ლოებულ არს.
უხრწნელო ღვთის-მშობელო, ყოვ-ლად-დიდებულო, და საგალობელო, ძესა შენსა…
დიდება შენდა ღმერთო ჩუენო დიდება შენდა.
უხრწნელო ღვთის-მშობელო, ყოვ-ლად-დიდებულო, და საგალობელო, ძესა შენსა ევედრე, ჩუენ მონათა შენთა-თჳს, რათა გჳჴსნნეს განსაცდელთაგან.
სასწაულად იხილუებოდა, მოსე მსახური ღუთისა ვინაითგან იხილა…
სხუა სძლის-პირი
სასწაულად იხილუებოდა, მოსე მსახური ღუთისა ვინაითგან იხილა მან ღმერთი უხილავი, რომელსა ერნი ებრაელთანი, ვერ იკადრებდეს თუალთა მიდგმად, ხატსა პირისა მისისათა, და ვითარცა ნათელსა თუალსა მზისასა.
იხილეთ, იხილეთ რამეთუ მე ვარ ღმერთი რომელმან…
დიდება შენდა ღმერთო ჩუენო დიდება შენდა.
იხილეთ, იხილეთ რამეთუ მე ვარ ღმერთი რომელმან ყოველივე უწყი, ვიდრე ყოფადმდე მისა, და პირველ ცათა და ქუეყანისა, არსებად მოყუანებისა საზღუარი მათი დავჰსდევ და განვაწესე, მამისა თანა და სულისა წმიდისა.
რომელმან სიტყჳთ დაამყარენ ცანი და ქუეყანა ერთბამად…
დიდება შენდა ღმერთო ჩუენო დიდება შენდა.
რომელმან სიტყჳთ დაამყარენ ცანი და ქუეყანა ერთბამად, რომელი მამისა თანა მჯდომარე ხარ, და ყოველსა იპყრობ სიტყჳთ, ვითარცა სიყუა და სიბრძნე, და ძალი და სახე მოქმედებითა და თანა ჰსწორებითა.
ვინ დაამტკიცნა საზრუარნი, ვინ შექმნნა ჟამნი და…
დიდება შენდა ღმერთო ჩუენო დიდება შენდა.
ვინ დაამტკიცნა საზრუარნი, ვინ შექმნნა ჟამნი და წელნი, ანუ თუ ვინ დაჰსდუა საზღუარი ქუე-ყანასა, ვინ იპყრობს და ჰმართებს ყოველთა, გარნა ძე თანა დაუსაბამო, მამისა და სულისა წმიდისა, ნათელთა განუყოფელი ნათელი.
ჵ უსაზღურო კაცთ-მოყუარება შენი მჴსნელო რამეთუ გუაუწყე…
დიდება შენდა ღმერთო ჩუენო დიდება შენდა.
ჵ უსაზღურო კაცთ-მოყუარება შენი მჴსნელო რამეთუ გუაუწყე, ყოველივე აღსასრულამდე ჟამთა, ხოლო ჟამი იგი დაიდუმე, დაღა-ცათუ ბუნებანი მოსლჳსა მისისანი ცხად ჰყუენ ბრწყინუალედ, დიდე-ბა განგებულებათა შენთა.
ყოველი უწყი, ყოვლისა მეცნიერ ხარ იესუ, ვითარცა…
დიდება შენდა ღმერთო ჩუენო დიდება შენდა.
ყოველი უწყი, ყოვლისა მეცნიერ ხარ იესუ, ვითარცა მამულისა სიბრძნისა და ცნობისა უფსკ-რულმან სახიერ და ხატმან და ბრწყინუალებამან სულისა წმიდი-სა თანა, დამბადებელმან სოფლი-სამან, და მფლობელმან და განმგებელმან არსთამან.
ქრისტე ღმერთო მეუფეო ჩუენო, საუკუნეთა მფლობელო, ღირს…
დიდება შენდა ღმერთო ჩუენო დიდება შენდა.
ქრისტე ღმერთო მეუფეო ჩუენო, საუკუნეთა მფლობელო, ღირს მყუენ ჩუენ უღირსნი ესე მონანი შენნი, სმენად ჴმისა მის საწა-დელისა, რომლითა უწოდ კურთ-ხეულისა მამისა შენისა თანა სუფევად სასუფეველსა შინა ზეცათასა.
დაუსაბამოო აღუგებელო, და განუყოფელო სამებაო, სამო არსებით…
დიდება მამასა, და ძესა, და წმიდასა სულსა.
დაუსაბამოო აღუგებელო, და განუყოფელო სამებაო, სამო არსებით ერთო, მამაო, ძეო, და სულო ერთ-ღუთაებაო, მიითუალე გალობა მიწიერთა ამათ, ვითარცა ბაგეთა მიერ უჴორცოთასა.
ქალწულო და დედაო უხრწნელო, რომელი იგი შენ-თანა…
აწდა მარადის, და უკუნითი უკუნისამდე. ამინ.
ქალწულო და დედაო უხრწნელო, რომელი იგი შენ-თანა მკჳდრ იქმნა, ღუთიუ-შუენიერად, დედოფალო, და შენ შორის განაღმრთო ბუნება ჩუენი, მას ევედრე რათა აცხოვ-ნნეს, ყოველნი ქალაქნი და სოფელნი, რომელთა შორის იქების სახელი მისი.
მოწყალებით მოხუედ ქრისტე რომელი ნებსით ვნებად მოხუალ…
მოწყალებით მოხუედ ქრისტე რომელი ნებსით ვნებად მოხუალ სახიერ, და გნებავს ვნებათა მიერ ჰჴსნაჲ ჩუენი რომელნი იტანჯებიან ჯოჯოხეთს შინა, ამის-თჳსცა უგალობთ წმიდათა ვნებათა შენთა და გადიდებთ მაცხოვარო, რომელი წმიდა ხარ ყოველთა შინა, და ვადიდებთ ყოველნი უმწუერუალესსა შენსა გარდამოსლუასა.
მთასა ზედა მოსეს თანა-მზრახუელმან, მაყლოვანით სახედ გამოაჩინა…
სძლისპირი
მთასა ზედა მოსეს თანა-მზრახუელმან, მაყლოვანით სახედ გამოაჩინა, და ქალწუ-ლისაგან შობილსა უვნებელად ყოველნი ვაკურთხევთ, და აღუამაღლებთ მას უკუნისამდე.
გულის-ჴმა-ჰყუენ სიტყანი უფლი-სანი, ვითარ იგი, აუწყა აღსას-რული…
დიდება შენდა ღმერთო ჩუენო დიდება შენდა.
გულის-ჴმა-ჰყუენ სიტყანი უფლი-სანი, ვითარ იგი, აუწყა აღსას-რული მოწაფეთა სულო ჩემო და შეჰსძრწუნდი, რამეთუ ესერა სიკუდილი შენი მოახლებულ არს.
გესმა სულო, სახე იგი მედგრისა მის მონისა…
დიდება შენდა ღმერთო ჩუენო დიდება შენდა.
გესმა სულო, სახე იგი მედგრისა მის მონისა, შეჰსძრწუნდი და ნუ გცონის, მადლთა მათთჳს რომელნი მოგენიჭნეს შენ, რათა არა დაჰ-ფლნე მიწასა, არამედ რათა განამრავლნე.
განაბრწყინუე ლამპარი და აღუგე წყალობისა ზეთი, ჵ…
დიდება შენდა ღმერთო ჩუენო დიდება შენდა.
განაბრწყინუე ლამპარი და აღუგე წყალობისა ზეთი, ჵ სულო ჩემო, ვითარცა იგი მაშინ ბრძენთა მათ ქალწულთა, რათა ჰპოვო სასძლო იგი ქრისტეს ღუთისა შენთჳს განღებულად.
შაბათსა და ზამთარსა სივლ-ტოლვითა, შჳდეულთა ჟამთა აღსრულებისა…
დიდება შენდა ღმერთო ჩუენო დიდება შენდა.
შაბათსა და ზამთარსა სივლ-ტოლვითა, შჳდეულთა ჟამთა აღსრულებისა მოასწავა მჴსნელ-მან, და ვის ჴელეწიფების მაშინ სივლტოლა.
ელვის სახედ გულის-ჴმა-ჰყავ უფლისა საშინელი იგი მოსლუა…
დიდება შენდა ღმერთო ჩუენო დიდება შენდა.
ელვის სახედ გულის-ჴმა-ჰყავ უფლისა საშინელი იგი მოსლუა მეორედ, სულო ჩემო, და მზა იქმენ მერმისა მისთჳს მართალთა შუე-ბასა.
მოარვიდეს მსაჯული ბევრეულთა ძალთა თანა და ანგელოსთა…
დიდება შენდა ღმერთო ჩუენო დიდება შენდა.
მოარვიდეს მსაჯული ბევრეულთა ძალთა თანა და ანგელოსთა გუნდსა, ვითარი შიში და ძრწოლა გეწიოს სულო, რაჟამს ყოველნივე ქედ-დადრეკილნი და შიშუელნი წარვჰსდგეთ.
არა სადა იცუალების მამა ძედ, და არცა…
ვაკუღთხევთ მამასა, და ძესა, და წმიდასა სულსა უფალსა.
არა სადა იცუალების მამა ძედ, და არცა ძე სულად ანუ მამად, რამეთუ თჳთებანი უცუალებელ არაინ, ვინაცა სამებად აღჳარებ და ვჰმონებ სამებასა წმიდასა.
ვედრებითა დედისა შენისათა, ქრისტე ღმერთო ისმინე ლოცუა…
აწდა მარადის, და უკუნითი უკუნისამდე. ამინ.
ვედრებითა დედისა შენისათა, ქრისტე ღმერთო ისმინე ლოცუა ჩუენი, და მოგუმადლენ უხუად წყალობანი შენნი, და მშჳდობა შენი მოეც ერსა შენსა მრავალ მოწყალე.
მთასა ზედა მოსეს თანა-მზრახუელმან, მაყლოვანით სახედ გამოაჩინა…
ვაქებთ, ვაკურთხევთ, თაყუანის-ვჰსცემთ უფალსა, უგალობთ და აღუამაღლებთ მას უკუნისამდე. სძლისპირი
მთასა ზედა მოსეს თანა-მზრახუელმან, მაყლოვანით სახედ გამოაჩინა, და ქალწუ-ლისაგან შობილსა უვნებელად ყოველნი ვაკურთხევთ, და აღუა-მაღლებთ მას უკუნისამდე.
რომელმან წინასწარ მოასწავა შობა უხრწნელად, მომცემელსა ჰსჯულისასა…
სძლისპირი
რომელმან წინასწარ მოასწავა შობა უხრწნელად, მომცემელსა ჰსჯულისასა, მთასა ზედა სინასა, ცეცხლითა მაყლო-ვანსა მას შინა დაუდუმებელად მას ვადიდებდეთ.
აჰა ესერა მსაჯულმან გასწავა სულო ჩემო, ვითარმედ…
დიდება შენდა ღმერთო ჩუენო დიდება შენდა.
აჰა ესერა მსაჯულმან გასწავა სულო ჩემო, ვითარმედ ჭეშმარი-ტებით, ყოფად არს აღსასრული, აწ უკუე მზა იქმენ უბადრუკო, რათა არა განჰვარდე ცხოვრებისაგან.
ლეღჳსაგან გულის-ჴმა-ჰყავ, სულო ჩემო, რამეთუ რაჟამს რტონი…
დიდება შენდა ღმერთო ჩუენო დიდება შენდა.
ლეღჳსაგან გულის-ჴმა-ჰყავ, სულო ჩემო, რამეთუ რაჟამს რტონი დაჩჩჳან და ფურცელნი გამოვალნნ ზაფხული კართა ზედა მოსრულ არს, და შენცა სიკუდილსა შენსა მხილუელ იქმენ.
ვინმე უწყის მამა შენი შენსა გარეშე მჴსნელო…
დიდება შენდა ღმერთო ჩუენო დიდება შენდა.
ვინმე უწყის მამა შენი შენსა გარეშე მჴსნელო, გინა დღე იგი და ჟამი, ჟამთა აღსასრულისა, რამე-თუ სიბრძნისა საუნჯენი შენ-თანა დაუნჯებულ-არიან.
მაშინ საყდარნი დაიდგნენ, ხოლო წიგნნი განეხუნენ, და…
დიდება შენდა ღმერთო ჩუენო დიდება შენდა.
მაშინ საყდარნი დაიდგნენ, ხოლო წიგნნი განეხუნენ, და საქმენი ამხილებდენ შიშუელთა მდგომა-რეთა და მოწამენი გინა შემას-მენელნი არად საჴმარ იყუნენ მაშინ ყოვლადვე.
მოვალს ყოველთა მსაჯული, რათა წარჰსდგეს სასჯელად, და…
დიდება შენდა ღმერთო ჩუენო დიდება შენდა.
მოვალს ყოველთა მსაჯული, რათა წარჰსდგეს სასჯელად, და მჯდო-მარე ქერაბიმთა წარსდ-გების პილატესსა, და ჩუენ-თჳს ყო-ველთავე ვნებათა თავს-ისხამს რათა აცხოვნოს ადამ.
მოახლოებულ არს პასექი, ჩუენი საღმრთო და წმიდა…
დიდება შენდა ღმერთო ჩუენო დიდება შენდა.
მოახლოებულ არს პასექი, ჩუენი საღმრთო და წმიდა, და შემდგომად ორისა დღისა შეიწირავს მამისა ვითარცა კრავი ყოვლად უბიწო, ქრისტე ღმერთი ჩუენი, ცხოვრებად ჩუენდა.
წინაშე ჯუარისა მდგომარე უბიწო დედა შენი ჰხედვიდა…
დიდება შენდა ღმერთო ჩუენო დიდება შენდა.
წინაშე ჯუარისა მდგომარე უბიწო დედა შენი ჰხედვიდა რა უმჰს-ჯავროსა დაკლვასა შენსა მჴსნელო, გოდებით ჰღაღადებდა ჵ ჩემდა, რასა დაისაჯე უსჯულო-თაგან.
სამებით და ერთ-არსებით გიგა-ლობთ სამებაო, სამ თჳთებით…
დიდება მამასა, და ძესა, და წმიდასა სულსა.
სამებით და ერთ-არსებით გიგა-ლობთ სამებაო, სამ თჳთებით ერთ-ბუნებად, აღგიარებთ და გმონებთ ღუთაებით ერთო განუყოფელო, იჴსენ განსაცდელთაგან სულნი ჩუენნი.
მიითუალე ვედრება დედისა შენი-სა ქრისტე რათა ვედრებითა…
აწდა მარადის, და უკუნითი უკუნისამდე. ამინ.
მიითუალე ვედრება დედისა შენი-სა ქრისტე რათა ვედრებითა მისითა სოფელსა მშჳდობა მოანიჭო, და კუერთხი მეფეთა განაძ-ლიერნე, და ეკლესია შენი ერთობით დაიცუენ.
რომელმან წინასწარ მოასწავა შობა უხრწნელად, მომცემელსა ჰსჯულისასა…
სძლისპირი
რომელმან წინასწარ მოასწავა შობა უხრწნელად, მომცემელსა ჰსჯულისასა, მთასა ზედა სინასა, ცეცხლითა მაყლო-ვანსა მას შინა დაუდუმებელად მას ვადიდებდეთ.
ჰოი მსაჯულო უხილავო, ხორცითა იხილვე და მოხუალ…
წარდგომანი. ხმად ა ძლ. შენ სიტყუაი და...
ჰოი მსაჯულო უხილავო, ხორცითა იხილვე და მოხუალ უშჯულოთა მიერ დასჯად დამშჯელად ჩუენისა დაშჯისა; ამისთვისცა ერთობით შევსწირავთ შენდა ქებასა, დიდებასა და მადლობასა და ვჰმონებთ ხელმწიფებასა შენსა.
ცხოველსმყოფელთა ვნებათა, ვითარცა ნათელთა, დღეინდელი ესე დღე აწ მიჰფენს მდიდრად სოფელსა, რამეთუ უფალი მოვალს ვნებად, მპყრობელი დაბადებულთაი, რაითა დამოკიდებითა ძელსა ზედა აცხოვნოს კაცთა ნათესავი.
ჰოი ღმრთეებით უვნებელო ქრისტე, ღმერთო ჩუენო, რომელმან ხორციელად შეიწყნარენ ვნებანი ჩუენთვის, აღდგომისა შენისა დღე და დღესასწაულთა თავი მშვიდობით მოჰმადლე ხილვად სულთა ჩუენთა მადლითა ვნებათა შენთაითა.
რომელნი უზომოდ ვცოდავთ, მდიდრად შეგვნდვე ჩუენ, ქრისტე, და დაუშჯელად ღირს მყვენ თაყუანისცემად შენსა დიდებულსა აღდგომასა მეოხებითა წმიდისა დედისა შენისაითა, მრავალმოწყალე, და ყოველთა წმიდათა შენთაითა.
საღმრთოთა ვნებათა დასაბამითა ბრწყინავს დღეინდელი ესე დღე…
სხუანი. ხმაი გ გუერდი ძლ. მჯდომარე ეტ...
საღმრთოთა ვნებათა დასაბამითა ბრწყინავს დღეინდელი ესე დღე. მოვედით, მოყუარენო დღესასწაულისანო, მივეგებნეთ სიხარულით, რამეთუ მოვალს შემოქმედი ჩუენი ჯუარცუმისა და ნერწყვისა და გუემათა ჩუენთვის თავსდებად და პილატეს განსჯისა და ყურიმლისცემისა და ყოველსავე სიმშვდით მიითუალავს, რაითა გუაცხოვნნეს ჩუენ. ამისთვს ღაღად-ვყოთ: ქრისტე სახიერო, ბრალთა შენდობაი მოგუეც, რომელნი ვნებათა შენთა ქებით ვდღესასწაულობთ!
ვეცხლისმოყუარებისა ტყუექმნული იუდა მოძღურისა თვსისა განცემად აღიჭურვის, ნათელსა დააკლდების, ბნელსა შეეძინების ძმაცუავს განსყიდად ყოულად-უსასყიდლოისა მის და შიშთვილსა მოიღებს შესაძინელად განსყიდისა წილ ღმრთისა, ყოულადსაწყალობელი. მისისა მის ნაწილისაგან გვიხსნენ, ქრისტე მეუფეო, და ცოდვათა ჩუენთა შენდობაი მოგუმადლე, რომელნი ქებით ვდღესასწაულობთ ვნებათა შენთა ბრწყინვალესა კრებასა.
საიდუმლოთა ვნებათა შენთა მგალობელნი, ქრისტე, ნათლითა შენითა…
რომანოზ მელოდოსი იბაკონი დიდსა ორშაბათსა. ხმაი დ გუერდი ძლ. არაი დააკლდი
საიდუმლოთა ვნებათა შენთა მგალობელნი, ქრისტე, ნათლითა შენითა წმიდა გუყვენ ვნებათაგან და გვიხსნენ ცოდვათაგან, ყოულადძლიერო, და ყოულადვე გუფარევდ მადლითა შენითა და ღირს გუყვენ მკვიდრ-ყოფად სასუფეველსა შენსა ღმრთივბრწყინვალესა, ვითარცა მხოლოი კაცთმოყუარე ხარ
გარეშეუწერელი ღმრთეებითა და ყოულად-უვნებელი, შეუხებელი და მიუახლებელი…
სხუანი ძლ. ედემთა ზედა...
გარეშეუწერელი ღმრთეებითა და ყოულად-უვნებელი, შეუხებელი და მიუახლებელი. ვითარცა კაცი, მოვალს წყალობით ვნებათა დათმენად ჩუენთვს, რაითა გვიხსნნეს ჩუენ ყოვლისა ვნებისაგან და ნეფსითისა მის სიკუდილისა მოისწრაფის სულგრძელი და ღაღადებს მოწაფეთა მიმართ: „მივეცემი მე უშჯულოთა, რომელსა მაქუს ფლობაი სულისა ჩემისა დადებად და კუალად მოღებად ამას ხელთა მამისათა, წადიერად შევჰვედრებ ყოველთათვს სახსრად, რომელნი მესვენ, ვითარცა მხოლოი კაცთმოყუარე ვარ“.
რომელნი-იგი პირველ ბაიათან უგალობდეს უფალსა, აჰა ესერა, მოკლვად აღიჭურვიან მისა უმადლონი ჰურიანი და განიზრახვენ ბოროტსა, რაითა უკუდავი იგი მოკლან უღმრთოთა ხოლო ქრისტე, შემოქმედი და დამბადებელი ყოველთაი, არაი ხმობს, არცა ღაღადებს, არამედ, ვითარცა კრავი – დაკლვად, მოვალს გულსმოდგინედ; ამისთვის ძრწიან ყოველნი დაბადებულნი ზარგანხდილნი და ცოფნი ჰურიანი ისწრაფიან, რაითა სიკუდიდ მისცენ მხოლოი მრავალმოწყალე და სახიერი და კაცთმოყუარე.
ვჰბაძვიდეთ, ძმანო, იოსებს, დამონებულსა ხორცითა, ხოლო სულითა დაუმონებელსა და ყოვლადქებულსა და აზნაურსა, და ჩუენცა სიწმიდე აღმამაღლებელი შევიტკბოთ, რომელმან მფლობელ-ყო იგი ეგვიპტისა და მოსცემს შემსხმელთა თვისთა დიდსა წყალობასა.
ეჰა, სიმდაბლე ღმრთისაი მიუწდომელი, რამეთუ ჩუენთვის კაც…
კოზმა მაიუმელი ხუედრნი. უგალობდითსა. ხმად ბ ძლ. რომელმან განახმო ზღუაი
ეჰა, სიმდაბლე ღმრთისაი მიუწდომელი, რამეთუ ჩუენთვის კაც იქმნა, ვითარცა ინება, არაი უღირს იჩინა მონათა მსგავსებაი ღმერთმან, არამედ აჩუენა მოწაფეთა თვისთა დიდებით დიდებულებაი
მოვედ მე, დამბადებელი, მსახურებად ადამის სიგლახაკესა, რომელი შევიმოსე და დავიმდაბლე თავი ჩემი ნეფსით თვისით, რომელიცა ღმრთეებით ვჰგიე ბუნებით უვნებელი ხორცითა ვივნე კაცთათვის
რაჟამს იხილა დამბადებელმან ადამ სიკუდილისაგან ვნებულად ურჩებისა მისთვს, გარდამოვიდა სიმდაბლით და შეიმოსა მოკუდავი ბუნებაი კაცთაი და მით განარინა სიკუდილისაგან ადამ
ღმრთ. რომელმან ღმრთისმშო...
ჰრქუა მხსნელმან საყუარელთა მათ: „მას ჟამსა უწყოდიან…
აკურთხევდითსა ძლ. შეძრწუნდა უბიწ...
ჰრქუა მხსნელმან საყუარელთა მათ: „მას ჟამსა უწყოდიან ყოველთა კაცთა. ვითარმედ ხართ თქუენ ჩემნი მოწაფენი, რაჟამს დაიმარხნეთ მცნებანი ჩემნი და იყუარებოდით თქუენ ურთიერთარს სიმდაბლითა სულიერითა და მეცნიერებით მიგალობდეთ მოძღუარსა და მკსნელსა და ღმერთსა თქუენსა მე უკუნისამდე.
ხელმწიფებაი თქუენი იყავნ უაღრეს ხელმწიფებისა წარმართთაისა, მთავრობისმოყუარეთაისა, რომელთა არაი უც ნაწილი სამკვიდრებელსა ჩემსა, ხოლო თქუენგანსა რომელსა უნდეს მთავარ-ყოფაი. იყავნ იგი მსახურ ყოველთა და უკუანაისკნელ მოყუასთა და ესრეთ ამაღლდეს იგი საუკუნესა
ასწავა მეთევზურთა მათ მხსნელმან და ღმერთმან ყოველთამან სიმდაბლე, აღმამაღლებელი სულთაი, რამეთუ დაიმდაბლა თავი ნეფსით თვსით ცხორებისათვს ჩუენისა, რომელ არს მეუფე ყოველთა დაბადებულთაი, ყოველნი საქმენი უფლისანი უფალსა უგალობდენ
ღმრთ. აღვიარებთ მორწმუნენი...
სიბრძნეო ჭეშმარიტო, პირველ ეტყოდე მოწაფეთა: „მოისპეთ ყოველი…
ადიდებდითსა ძლ. ადიდე შენ, მაცხოვარ
სიბრძნეო ჭეშმარიტო, პირველ ეტყოდე მოწაფეთა: „მოისპეთ ყოველი ვნებაი და მოიგეთ თქუენ აწ გონიერებაი საღმრთოისა სიბრძნისაი, რომლითა განბრწყინვებულ იქმნნეთ სასუფეველსა ჩემსა. უბრწყინვალესად ნათელსა მზისასა“
არქუ, ქრისტე, მოწაფეთა: „მომხედეთ მე დღეს გონებითა და ნუ შეორგულდებით სიმდაბლისათვის, რომელი მაღალ ვარ, არამედ შეზავეთ ღმრთეებაი და კაცებაი ჩემი, რამეთუ მნებავს შესუმად სასუმელი ესე სახსრად მრავალთათვს
იხილე რაი, უფალო, ქმნული შენი ჯოჯოხეთს შინა, აღგძრა მოწყალებამან და სახიერი სიმდაბლით მოხუედ და ბუნებაი ჩუენი მოკუდავი შემოსად თავს-იდევ და მით აღმოიყვანენ დაბადებულნი ჯოჯოხეთისაგან.
ღმრთ. გონებაი განცვიფრდების...
ქრისტე ღმერთი, მომავალი ვნებად კაცთათვს დღეს იერუსალემს…
ანდრეა კრიტელი დიდსავე ორშაბათისა სხუანი ხუედრნი უგალობდითსა. ხმაი დ გუერდი ძლ. გალობაი შევწიროთ
ქრისტე ღმერთი, მომავალი ვნებად კაცთათვს დღეს იერუსალემს აღვალს მოწაფითურთ აღსრულებად დიდსა მას და ყოლადბრწყინვალესა საიდუმლოსა ამისთვს, მორწმუნენო, ამას უგალობდეთ
შეუდგეთ მხსნელსა, ვნებად მომავალსა და განვემზადნეთ ვნებად მისთვს და თავს-ვისხნეთ ჩუენცა ბასრობაი და კიცხევაი და ყოველწი გუემანი, რაითა ვნებათა მათ მისთა დიდებულთა თანა ვიდიდნეთ ჩუენ
ვნებითა ვნებანი იგი ჩუენნი განკურნნა ღმერთმან მაცხოვარმან, რაჟამს თავს-იდვა მან ბუნებითა მით, რომელ ჩუენგან მიიღო, ვნებათ და ჩუენ, წარწყმედულნი ესე, მოგვიძინა ტკბილმან მეუფემან.
ლეღვისა მის უნაყოფოებასა ვევლტოდით ჩუენ მოსწრაფედ, ძმანო, განვიცადოთ სახე მისი და ნუ განვხმებით, ვითარცა-იგი მაშინ, რაჟამს შეემშია მხსნელსა და მოვიდა მისსა და განახმო.
კეთილთა უქმობაი ემსგავსა ლეღუსა. რომლისაგან-იგი ვივლტოდით, რაითა არაი განვხმეთ, ვითარცა იგი მაშინ, რომელი ჰურიათა შესაკრებელსა, ფურცლითა აღვსებულსა, უნაყოფოდ ცხად-ჰყოფდა
იოსების სიწმიდე შევიტკბოთ, მორწმუნენო, და გულისხმა-ვყოთ ძალი სიწმიდისაი. რომელიცა შეამკობს არსებასა კაცთასა და ყოვლითა კრძალულებითა ვცხოვნდებოდით სათნოდ და კეთილად.
სახე ექმნა ნეტარი იოსებ ქრისტეს, მაცხოვრისა, ვნებასა მღვიმედ შთაგდებითა და თვისთა განსყიდითა და ყოვლისა მადლობით და ახოვნად თავსდებითა დიდებული და ყოლადქებული.
სამგუამოვნებით და ერთარსებით აღსარებულო სამებაო. სამო თვისებითა და ერთო ბუნებითა, ყოველთა შემოქმედო, მამაო, ძეო და სულო, გუაცხოვნენ ჩუენ, შენნი მორწმუნენი
მოსეს და აჰრონის კუერთხთა იგი საკვრველი შეცვალებაი და უცხოი განედლებაი ცნობათა უვაღრესსა ქრისტეს განკაცებასა შენგან მოასწავებდეს ღმრთისმშობელო, ყოლადდიდებულო.
ხვიდოდე რაი სოფლისა გზასა შინა, მაცხოვარო, შეგემშია…
აკურთხევდითსა ძლ. მთასა ზედა მო...
ხვიდოდე რაი სოფლისა გზასა შინა, მაცხოვარო, შეგემშია განზრახვით კაცთა ცხორებისა წადიერებითა, რამეთუ ამისთვის გშიოდა, რაითამცა ცხოვნდეს შეცთომილნი
იხილა რაი ხისა მის გემოი ადამ, შიშუველ იქმნა და სირცხვლეულ, მხსნელო, ვინაიცა ფურცლითა ლეღვსაითა დაიფარა რამეთუ ჰურიათა შესაკრებელსა, შენგან განშიშულებულსა, ცხად-ჰყოფდა
ვითარ არაი შეძრწუნდეს ჯოჯოხეთი და სიკუდილი ვითარ არაი განცუვიფრდეს, გიხილონ რაი ნეფსით ვნებად მომავალი, მხსნელო, და ბრალეულთათვის უბრალოი დაშჯილად ცოდვათა შემნდობელი.
იხილეს რაი აღდგომაი ლაზარესი ჰურიათა, შეშთობილნი შურითა მოკლვისა შენისათვს შეიზრახნეს, მხსნელო, რაითა მიგცენ ჯუარცუმად პილატეს, მსაჯულსა სიცრუვისასა.
განემზადე, სულო, განსლვად ამიერ და შეიმკვე უბიწოდ ცხორებითა და ისწრაფე ქრისტეს თანა ვნებად სურვილით და რაითა მის თანა მოჰკუდე და აღსდგე და მის თანა იდიდო
ევაის მსგავსად აზმნობდა ცთუნებასა მეგვიპტელი იოსებ მართლისასა, არამედ არაი იძლია მამათმთავარი, არცა წარიტყუენა კუეთებისაგან ბილწთა ვნებათაისა.
სიწმიდითა გავაშუენოთ ცხორებაი და სიბრძნისა მიერ სარწმუნოებად და სიმხნისა მიერ წარვჰმართოთ სიმართლე და თანა-ჯუარს-ვეცუნეთ ქრისტეს, მხსნელისა. გულქველობითა.
რომელი ხარ არსებით უხილავი და ბუნებით მიუწდომელი ღმერთი, მამაო და ძეო და სულო სახიერო, ყოველნი გაკურთხევთ და აღგამაღლებთ უკუნისამდე.
გევედრების ღმრთისმშობელი, უფალო. შეგივრდების მოციქულთა კრებული. რაითა მოსცე მშვდობაი სოფელსა შენსა და მოწყალებანი შენნი მოგუმადლნე უკუნისამდე.
უცნაურ არს უღმრთოთაგან ღმრთისმსახურებაი და კეთილად მოქალაქობაი…
ადიდებდითსა ძლ. შეძრწუნდეს დაბა...
უცნაურ არს უღმრთოთაგან ღმრთისმსახურებაი და კეთილად მოქალაქობაი და უცხო მორწუნეთაგან ურწმუნოებაი და საღმრთოთა მცნებათა ურჩებად, ხოლო ჰურიანი უცხო იქმნნეს ამათგან უღმრთოებით, ამისთვს მხოლოთა დაიმკვიდრეს, ვითარცა-იგი ლეღუმან მან წყევაი იგი უფლისაი.
ჰშიოდა კაცთა ცხორებაი ქრისტესა, პურსა ცხორებისასა, ჰოი ჰურიანო. ხოლო ვითარცა ლეღუსა მოუხდა რაი უნაყოფოსა შესაკრებელსა თქუენსა, სავსესა ფურცლითა მით შჯულიერითა და ნაყოფისა მისგან საქმეთაისა უცხოსა, და ესრეთ რაი იხილა იგი, მეყსეულად დაწყევა.
პირველად კუერთხი მოსესი გუელად შეიცვალა, ხოლო კუალად აჰრონისი შემდგომად მისსა განედლდა და განხმელმან გამოიღო ფურცელი და ნაყოფი და უნაყოფოი ნაყოფიერ იქმნა, ხოლო შესაკრებელი ჰურიათაი, უშჯულოი, ლეღვი უნაყოფო იქმნა და განხმა და დაიწყევა.
დასწყევენ შჯულისა იგი უნაყოფოებაი, რომელსა მსგავსად ფურცელთა ხშირთა აღმოეცენა ცნობაც წიგნისაი ცალიერი ნაყოფისაგან საქმეთაისა, რომელთა გემცნო მოგებაი ღრმად უშჯულოებითა, მხსნელო, და ჩუენ, ყოველნი, შვილნი ესე მადლისანი, გუაკურთხენ, სახიერო
განჰმზადენ”, ჰურიასტანო, მღდელნი შენნი და კუალად აღჭურენ ხელნი შენნი ღმრთისმკლველობისა მიმართ, რამეთუ, აჰა ესერა, მოიწია შენდა ვნებად, ვითარცა მშვდი და მყუდროი ტარიგი მწყემსი ჩუენი და ღმერთი, მჯდომარე ქერობინთა, მეუფე ისრაწლისაი, მაცხოვარი სოფლისაი.
„გარდააქცინა ქრისტემან, ჰურიასტანო, დღესასწაულნი შენნი გლოვად, რომელმან კლდე უღაღი გარდააქცია ოდესმე უდაბნოს ტბად წყალთა“, – ვითარცა გალობს დავით მგალობელი: ამისთვს, რამეთუ იქმენ ღმრთისმკლველ და ურწმუნო და დაივიწყენ ყოველნი კეთილისყოფანი მისნი
შეიწყნარე, ჰურიასტან, მეუფე შენი, რომელი ნეფსით მოვალს ვნებად. რაითა ივნოს და იხსნნეს, რომელნი ჰხმობენ მისსა მიმართ დაუცხრომელად: კურთხეულ არს მეუფე საუკუნეთა, მომავალი წყალობით ჯუარცუმითა და ვნებითა ცხორებად დაბადებულთა, რომელნი ადიდებენ.
მოძაგებულ არს ბილწთაგან სიწმიდე და უცხო არს წმიდათაგან არაწმიდათ და იხილეთ იოსებ, ვითარ ახოვნად განიშორა უშჯულოი იგი, რომელი აიძულებდა არაწმიდებად, ამისთვისცა იწოდა იგი სახლ სიწმიდისა და სახე ქრისტესა იქმნა ბრწყინვალედ სანატრელი.
გამოუთქუმელსა ნათელსა ღმრთეებისასა, მოუგონებელსა კაცთაგან, რომელსა ანგელოზნი უხილავად აქებენ ცათა შინა მარადის მამასა, დაუსაბამოდ მშობელსა, ძესა მხოლოდშობილსა და სულსა თანაარსსა. ყოველნი მორწმუნენი გალობით ვადიდებდეთ.
მიგიპყრობთ სავედრებელად მეოხებასა მშობელისა შენისასა, მხსნელო, და შენთა მოციქულთა ვედრებასა ზიარ მყვენ ჩუენ კეთილთა შენთა და ღირს მყვენ ხილვად წმიდათა ვნებათა შენთა და ყოვლადდიდებულსა აღდგომასა შენსა და მოუგონებელთა მათ სატანჯველთაგან გვიხსნენ.
ოდეს-იგი აგყვანდეს საყუარელნი მოწაფენი შენნი, უფალო, იერუსალემდ…
გამოავლინე. ხმაი გ ძლ. მამისაგან შობილ...
ოდეს-იგი აგყვანდეს საყუარელნი მოწაფენი შენნი, უფალო, იერუსალემდ, მაშინ დედაი ძეთა ზებედესთაი გევედრებოდა შენ დასხდომად ძეთა მისთა ერთი მარცხენით და ერთი მარჯუენით სასუფეველსა შენსა, ხოლო შენ, უკუდავო, არქუ მათ, ვითარმედ: „არა ჩემი არს მიცემად, არამედ მამისაი, რომელმან მომავლინა მე ქუეყანად ვნებად“
დღეს განჰკრთეს და შეძრწუნებულ იქმნნეს უხორცონი ზეცისა ძალნი და მთავრობანი, რაჟამს ყოველთა შემოქმედი ღმერთი ქუეყანად ვნებად გარდამოვიდა მოძიებად და ცხორებად წარწყმედულისა მის კაცისა და მოუწოდა ათორმეტთა მოწაფეთა თვისთა და ჰრქუა მათ: „აჰა ესერა, აღვალთ იწრუსალემდ და ძე კაცისაი მიეცეს ჯუარცუმად.
ნუ ვითარცა უნაყოფოსა მას ლეღუსა განმახმობ მე…
სხუაი. ხმაი გ გუერდი ძლ. ღმერთო, მაცხოვარო ჩუენო
ნუ ვითარცა უნაყოფოსა მას ლეღუსა განმახმობ მე, ჰოი ქრისტე, სიტყვითა შენითა, არამედ პირველ მოკუეთისა მომეც ნაყოფი კეთილისა მის საღმრთოისა სინანულისაი, უფალო ღმერთო ჩემო, და მაცხოვნე მე.
გუშინ ბაიაითა გაქებდეს კრებულნი ჰურიათანი, ქრისტე, ვითარცა…
სტეფანე საბაწმიდელი დიდსა ორშაბათსა მწუხრი. ცმაც ა ძლ. სასწაულთა მოქმედ...
გუშინ ბაიაითა გაქებდეს კრებულნი ჰურიათანი, ქრისტე, ვითარცა ჯოჯოხეთისა შემმუსრველსა და სიკუდილისა მძლესა, ყოლადძლიერო, და დღეს განიზრახვენ ჯუარსა ზედა ვნებასა შენსა, რომელმან კუერთხითა მეწამული განუპე მამათა მათთა და მონებისაგან მწარისა გამოიხსნენ იგინი. რამეთუ უმადლო იქმნნეს მედგარნი შენ ქველისმოქმედისა მიმართ, სახიერისა, ხოლო ჩუენ გიღაღადებთ: რომელი მოხუალ ჩუენთვის ვნებად, მხსნელო, დიდებაი შენდა!
აჰა, სიძე მოახლებულ არს, ლამპარნი ყოველთა განვაბრწყინვნეთ მოწყალებისა ზეთითა, რაითა სასძლოსა ზეცათასა შევიდეთ ჩუენ სიხარულით და სატანჯველთა მათგან განვერნეთ საუკუნეთა და ღმერთსა ყოველთასა ხმითა მადლობისაითა ვაქებდეთ, რომელმან გვიხსნნა ჩუენ პირველისა მისგან დაშჯისა ვნებათა მათ მიერ, რომელ თავს-ისხნა ნეფსით თვსით ჩუენთვს ჯუარსა ზედა სახიერებით და მოკლა მკლველი ჩუენი ბელიარ ყოლადძლიერითა ძალითა თვსითა.
განცემად შენდა აღიჭურვის მზაკუვარი მოწაფე, კაცთმოყუარე, ვეცხლისა სიყუარულითა ტყუექმნული, და აღსჭურავს ერთა უშჯულოთა კრებულსა ზაკუვით შეპყრობად შენდა და ბასრობად და კიცხევად და ჯუარსა ზედა დამოკიდებად და სუმად ძმრისა და ნავღლისა და ეკლისა გვირგვინითა გვირგვინოსან-ყოფად, რომელნი ნეფსით თავს-ისხენ, სულგრძელო, ლახურისა თანა და სამშჭულითა დამშჭუალვისა, ამისთვს გიღაღადებთ: რომელი მოხუალ ჩუენთვის ვნებად, უფალო, დიდებაი შენდა
რაჟამს-იგი ნეფსითსა მას ვნებასა ღმრთეებით უვნებელი წყალობით…
სხუანი. მაი ბ ძლ. მამისაგან შობილმან
რაჟამს-იგი ნეფსითსა მას ვნებასა ღმრთეებით უვნებელი წყალობით მოხვიდოდე, მოწაფეთა ეტყოდე, ვითარმედ: „ერთსა თქუენგანსა ზაკუვაი შეუკრებიეს გულსა თვისსა და კაცისმკლველთაი ეგულების მისყიდაი ჩემი, ხოლო მე მოვიყიდნე სისხლითა ჩემითა მტერისა იგი დამონებულნი და პირველისა პატივისა წარმწყმედელნი“
ტალანტი, რომელ მოიღე, სულო, განმრავლებად შესძინე, რამეთუ მოახლებულ არს მსაჯული თუალუხუავი აღნადგინებითურთ მივდად მისდა. რომელი პონტიელისა პილატეს ზე შენთვს სიკუდიდ დაისაჯა, რაითა უკუდავ გყოს შენ; აწ უკუე განიფრთხვე ვნებათაგან, რომელთადა დამონებულ ხარ, და ისწრაფე მიგებებად მისსა სიწმიდით
აჰა, მოვალს უფალი, რომელი-იგი წმიდითა გულითა არაიოდეს განეშორების და ცაი და ქუეყანაი სავსე არს დიდებითა მისითა, წყალობით ვნებად ჩუენთვის, რაითა მოგუმადლოს უკუდავებაი, ამას დიდების-ვმეტყუელებდეთ, ერნო. და ვჰმადლობდეთ სიმდაბლეთა მისთა და ურიცხუთა მოწყალებათა, რომელთა მიერ ცხოვნდა ყოველი სოფელი.
მძლავრებაი მუშაკთა ვენახისათაი და ჰურიათა წარმდებობაი განვიშოროთ, წარმართთაგანნო მორწმუნენო, და ვითარცა მონათა სარწმუნოთა ვჰმონოთ ქრისტესა, რამეთუ ჩუენთვის, ესერა, მწყემსი იგი კეთილი დასდებს წყალობით სულსა თვისსა, რაითა გვიხსნეს და გუაცხოვნნეს ჩუენ აღდგომითა თვსითა, ვითარცა ღმერთ არს.
უფალო, ერმან, რომელი იხსენ ეგვიპტით ხელითა მტკიცითა და მკლავითა მაღლითა, მოსე განარისხეს და წინაისწარმეტყუელნი მოსრნეს და აწ განიზრახვენ მოკლვასა შენსა, კრავისა ღმრთისასა, რომელი-ეგე მოხუედ ახუმად ცოდვათა ყოვლისა სოფლისათა. რომელნი-იგი განაბნიენ და შემუსრენ ძალითა შენითა, კაცთმოყუარე.
მოვიწიენით, მორწმუნენო, ქრისტეს ღმრთისა ვნებასა, განმაცხოველებელსა. გამოუთქუმელსა…
სხუანი ხმაია გუერდი ძლ. მოვედით, აღვიდეთ
მოვიწიენით, მორწმუნენო, ქრისტეს ღმრთისა ვნებასა, განმაცხოველებელსა. გამოუთქუმელსა მისსა სულგრძელებასა ვადიდებდეთ, რაითა მოწყალებითა მისითა ჩუენცა აღმადგინნეს მომწყდარნი ცოდვითა მის თანა. ვითარცა არს მხოლოი უცოდველ და სახიერ და კაცთმოყუარე.
მოვიწიენით, მორწმუნენო, ქრისტეს ღმრთისა ნეფსითსა ამას საუფლოსა ვნებასა, აურაცხელსა მისსა მოწყალებასა უგალობდეთ, რაითა ცხოველსმყოფელსა მწუხრსა აღდგომისა მისისასა მხიარულებით მივიწინეთ და ვიხილოთ აღდგომაი მისი და ბრწყინვალედ ვდღესასწაულობდეთ.
მოვიწიენით, მორწმუნენო, განმაცხოველებელთა ამათ ქრისტეს ღმრთისა ვნებათა, რომელნი ნეფსით თვისით თავს-ისხნა ჩუენთვის. ძრწოლით უკუე თაყუანის-ვსცეთ ყოველთა და ფსალმუნითა და გალობითა უგალობდეთ მას და ვადიდებდეთ, ვითარცა მსაჯულსა და მეუფესა და მპყრობელსა დაბადებულთასა.
მოიწინეს აწ ქრისტეს მეუფისა ვნებანი და მოიწინეს…
სხუანი. ხმად გ გუერდი ძლ. მჯდომარე ეტ...
მოიწინეს აწ ქრისტეს მეუფისა ვნებანი და მოიწინეს ჰურიათა სიბორგილნი, რომელთა-იგი მკლველებრ ძმაცუვენ მისსა მიმართ ბილწნი, აწ აღჰლესვენ მახვლთა და განჰმზადებენ საჭურველთა და აღიღებენ ბრჭალთა მათთა, რაითა ზაკუვით შეიპყრან შეუპყრობელი იგი და ჯუარითა მოაკუდინონ უკუდავი, რომელთა შურისა და სიბოროტისა მოძულე ვიქმნნეთ ჩუენ, მორწმუნენო, რაითა ცხორებაი უცვალებელი ვპოვოთ ქრისტეს მიერ.
წინაისწარ იტყვის ყოფადთათვის მეუფე, წინაისწარ იტყვის ნიშთა აღსასრულისათა და პასექისა ძალსა და საიდუმლოსა ცხად ჰყოფს, მოვიდა დასჯად მსაჯულისაგან მსაჯული, მოიწია წარდგომად წინაშე პილატესსა, რაითა ჯუარს-ეცუას ჩუენთვის და ყოველნი ვნებანი დაითმინნეს, ჩუენ, დაშჯილთა ამათთვის, ღაწუნი თვისნი მისცნა ჩუენთვის ყურიმლისცემად. რაითა საუკუნოი ცხორებაი დაგვიმკვდროს მხსნელმან და სუფევისა საუფლოისა ზიარ გუყვნეს.
იუდა განმცემელი და მზაკუვარი შინაგანცემისა ზაკუვასა ქუსავს ძმაცულად და არაი სცნობს, რაბამთა ბოროტთა მთხრებლსა დაინთქმის: ჰოი უბადრუკსა! ვითარღა მწარედ დაბნელდა ვითარ მიხედავს და მოძღურით ხადის მას, რომელსა შემდგომად მცირედისა განსცემს იგი უღმრთოთა სიცრუვისა ამბორისყოფითა და ვერარაი მოსდრეკს მას სიბოროტისაგან, ვიდრემდის შიშთვილი საეშმაკოი შეიძინოს და განსთქდეს და საუკუნოი საშჯელი დაიმკვდროს.
დღეს ნეფსითსა ვნებასა მოვალს უფალი და ჰურიათა მიეცემის ზაკუვისა ამბორისყოფითა და ყოველსავე სულგრძელებით თავს-იდებს ნეფსით ბრალეულთათვის უბრალოი, რაითა განხრწნილნი უხრწნელ მყვნეს, ვითარცა უკუდავმან, და გუაცხოვნნეს წყალობით და აღამაღლოს რქაი ჩუენი; ამისთვისცა ღაღად-ვყოთ მისსა მიმართ ლმობიერად ესრეთ: ჰოი რომელმან ივნე ჩუენთვის, სახიერო, დიდებაი და მადლობაი შენდა, ყოლადძლიერო და ყოლისა მპყრობელო!
უტყუველთა მათ აღთქუმათა შენთა შინა შენთვის იტყოდე…
სხუანი. ხმაი დ გუერდი ძლ. ედემთაი
უტყუველთა მათ აღთქუმათა შენთა შინა შენთვის იტყოდე, მხსნელო, შენთა მათ მიმართ ღირსთა მოციქულთა იგავსა მას ვენახისასა და ქუეყანისმოქმედთასა, რომელნი-იგი ეტყოდეს ჰურიათა რაჟამს გიხილეს: „ესე არს მკვიდრი, მოვედით და მოვკლათ ესე და განვითვისოთ ვენახი იგი მისი ჩუენდა სამკვდრებელად!“ ეჰა, უბადრუკნო, ვითარ ხელ-გეწიფების ესე, ანუ ვის ზედა აღძართ მზაკუვარი ენაი თქუენი, რომელსა წამისყოფით უპყრიან კიდენი სოფლისანი, აღდგეს მკუდრეთით და განგაბნინეს თქუენ.
ვაიმე, რომელი-ესე ვემსგავსე ლეღუსა უნაყოფოსა და თანამდებსა წყევისა საღმრთოისასა! ვაიმე, რომელი-ესე ვემსგავსე უკეთურსა მას მონასა და განხდად ვარ მე ბნელსა მას გარესკნელსა! ჰოი მე, რომელი ვემსგავსე უგუნურთა მათ და ცოფთა ქალწულთა, რომელთაცა დაშრტეს სანთელნი და დაეხშა კარი სასძლოისაი მის, და ვძრწი ხმისა მისგან საღმრთოისა: „განმეშორე, მოქმედო უშჯულოებისაო!“ არამედ შეგივრდები ცრემლით და სულთქუმით საწყალობელი, მსაჯულო თუალუხუავო: მომეც სინანული და მაცხოვნე
ზეცისა სიძეო. ქრისტე, ჰრულოდა სულსა ჩემსა მოწყინებითა…
სხუანი. ხმა ბ
ზეცისა სიძეო. ქრისტე, ჰრულოდა სულსა ჩემსა მოწყინებითა და არაი მოვიგე მე სათნოებისა იგი სანთელი და მივემსგავსე მე უგუნურთა მათ და ცოფთა ქალწულთა და ჟამსა საქმეთასა უდებ ვიქმენი მე, არამედ აწ ნუ დამიხშავ კარსა მას წყალობისასა, ხოლო ღირს მყავ ბრძენთა ქალწულთა თანა ქორწილსა მას ზეცისასა, ვითარცა-იგი აღუთქუ რომელნი ღაღადებენ და იტყგან: „უფალო, დიდებაი შენდა!“
სახიერო ღმერთო, ღირს მყავ მკუდრ-ყოფად კრავთა თანა, რომელ არიან მარჯუენით-კერძო შენსა, რაჟამს მოხვიდე საშინელებით ბევრეულითა მით სიმრავლითა გუნდთა მათ ანგელოზთაითა და დაშჯდე საყდართა მათ საშინელთა მსაჯული, სამართლად მიგებად ყოველთავე, მას ჟამსა შემრაცხე მე', უღირსი ესე, სარწმუნოთა მათ თანა მონათა, რაითა მესმას ხმაი იგი სანატრელი მოწყალებისაი და ესრეთ ღაღად-ვყო უფალო, დიდებაი შენდა!
ქრისტე, სახიერო ღმერთო, მოსლვასა მას შენსა დიდებით მეორედ ზეცით ანგელოზთა გუნდითა, რაჟამს დაშჯდე შენ საყდართა ზედა მსწრაფლ განკითხვისათა და ყოველთა მიაგებდე საქმეთაებრ, მაშინ ნუ დამადგინებ მარცხენეთა თანა თიკანთა ბოროტთა, არამედ მყავ მე წმიდა ცოდვათაგან და შემრაცხე, მაცხოვარ, კრავთა მათ თანა მარჯუენით შენსა მდგომთა, რაითა ღირს ვიქმნე შესლვად სასუფეველსა შენსა და ვღაღადებდე: უფალო, დიდებაი შენდა!
ოდეს მოხვიდე დიდებით ანგელოზთა თანა ძლიერთა, იესუ, და დაიდგნე საყდარნი და დაშჯდე განკითხვად, მაშინ, მწყემსო კეთილო, ნუ განმაშორებ გზასა მარჯუენეთასა, რამეთუ უწყნი განდრეკილნი ალაგნი მარცხენეთა მათნი და ნუ წარმწყმედ თიკანთა მათ თანა მრუმეთა ცოდვითა, არამედ შემრაცხე მარჯუენეთა თანა ცხოვართა პირმეტყუელთა სამწყსოისა შენისათა და მაცხოვნე მე, მხოლოო სახიერო, ვითარცა კაცთმოყუარე ხარ.
მოვედით, ჰოი მორწმუნენო, და ვიქმოდით გულსმოდგინედ უფლისათვის, რამეთუ განუყოფს მონათა სიმდიდრესა და ჰყოფს მათ თანა სიტყუასა და ითხოვს უმრავლესსა მადლსა ტალანტისასა, რომელსამე შეამკობს საქმითა კეთილითა. და სხუასა – მსახურებითა ბრწყინვალითა ნათლისაითა და განბნევითა სიმდიდრისაითა სიბრძნით გლახაკთა ზედა და, ვითარცა განმგეთა მისთა, მადლი მოვიღოთ უფლისაგან, ვითარცა კაცთმოყუარე არს.
სიძე იგი დიდებული და შუენიერი უფროის ყოველთა კაცთა, რომელმან მომხადნა ჩუენ ტაბლასა მას სულიერსა ქორწილისა მისისასა, ამას ვედრებით შეუვრდი, სულო ჩემო, და ესრეთ უღაღადე ლმობიერად, სულთქუმით: სახიერ, განმძარცუე მრჩობლი უშუერებაი ცოდვათა ჩემთაი და სამკაულითა მეცნიერებისა შენისაითა შემამკვე და გამომაჩინე მე ბრწყინვალედ, ქრისტე, შენსა სასუფეველსა, ვითარცა კაცთმოყუარე ხარ.
ზეცისა სძალო უსძლოო, დიდებულო ქალწულო, უხრწნელო მარიამ, შენ გნატრიან ყოველნი დაბადებულნი, რამეთუ სიტყუაი და სიბრძნე მამისაი შენ ზედა გარდამოვიდა, ვითარცა ხმაი, უაღრეს ბუნებათა, და გვიშევ ხორცითა შემოქმედი ყოველთავე ხილულთა და უხილავთაი: ამისთვისცა ვითხოვთ შენგან, უბიწოო, დამიცვენ ჩუენ, მორწმუნენი, ბრძოლათაგან მტერისათა, რომელნი ვღაღადებთ და ვიტყვთ: დიდებაი შობილსა შენგან
ბრწყინვალებასა, ქრისტე, წმიდათა შენთასა ვითარ შევიდე, რამეთუ…
სხუანი. ხმაი გ გუერდი ძლ. ნუგეშინისმცემელი გ
ბრწყინვალებასა, ქრისტე, წმიდათა შენთასა ვითარ შევიდე, რამეთუ, უკუეთუ ვიკადრო შესლვად სასძლოსა მას შენსა, ღირსი სამკაული არაი მაქუს და შეკრულსა რისხვით განმაგდებ
განწმიდე, ქრისტე ღმერთო, მწიკული სულისა ჩემისაი, რაითა რაჟამს-იგი მოვიდე, მაქუნდეს მეცა სამოსელი საქორწინე და ღირს ვიქმნე ბრწყინვალითა ლამპრითა მიგებებად შენდა.
განიფრთხვე, სულო ჩემო, და განწმიდენ შენ სინანულითა და ლამპარი შენი განაბრწყინვე წყალობითა, რამეთუ სიძე უკუდავი მოვალს ჯუარითა აღდგომად და ცხორებად კაცთა
ისმინე, სულო ჩემო, საშჯელი მისი, რომელმან დამალა ტალანტი და ისწრაფე განმრავლებად ტალანტისა საღმრთოისა, რაითა ღირს იქმნე შენ შესლვად სიხარულსა უფლისა შენისასა.
ნათელი უსხეულოი – უხილავი შანთი ღმრთეებისაი – იტვირთე კორცითა, უსძლოო, და შეუწუველად დაიცევ, რამეთუ ძალი მაღლისაი გფარვიდა და გაგრილობდა შენ.
რომელნი-ესე ქრისტეს უფლისა ვნებასა ცხოველსმყოფელსა, მოვიწიენით მიუთხრობელსა…
სხუანი ძლ. მოღუაწენო წ
რომელნი-ესე ქრისტეს უფლისა ვნებასა ცხოველსმყოფელსა, მოვიწიენით მიუთხრობელსა მას სახიერებასა მისსა და გამოუთქუმელსა საიდუმლოსა განგებულებისა მისისასა, ლმობიერებით ვადიდებდეთ, ძმანო, რაითა მოწყალებითა მისითა აღმადგინნეს მის თანა, რომელნი ცოდვითა მოვკუედით და მოგუანიჭოს დიდი წყალობაი.
ვისმინოთ ჩუენ იგავი უნაყოფოისა მის და გახმელისა ლეღვისაი, ძმანო, და ნაყოფი, ღირსი სინანულისაი, მოვიგოთ და სათნოებათა სურნელებაი მიუპყრათ ქრისტესა ღმერთსა, მომავალსა ჯუარითა ცხორებად ჩუენდა, რაითა მდიდრად მოვიღოთ მოტევებაი ცოდვათაი კაცთმოყუარისაგან და აურაცხელი დიდი წყალობაი სულთა ჩუენთათვის.
უფალო, მუშაკთა მათ ყოლადმძვინვარეთა შენისა მის ვენახისათა, ვითარცა იტყოდე უტყუველითა პირითა, გიხილეს რაი ძე ღმრთისაი დაუსაბამოი იტყოდეს: „ესე არს მკვიდრი ვენახისაი, მოვედით და მოვკლათ იგი და შენ თავს-იდევ ხსნისა ჩუენისათვის, რაითა შემიყვანნე ჩუენ სამკვიდრებელსა შენსა ზეცათასა, მრავალმოწყალე
ღმრთ. მოღუაწეო კაც...