კურთხეულ არს ღმერთი ჩვენი ყოვლადვე აწ და…
მღუდელმან:
კურთხეულ არს ღმერთი ჩვენი ყოვლადვე აწ და მარადის და უკუნითი უკუნისამდე, ამინ.
ლოცვითა წმიდათა მამათა ჩვენთათა, უფალო, იესუ ქრისტე…
უკეთუ ერისკაცია,
ლოცვითა წმიდათა მამათა ჩვენთათა, უფალო, იესუ ქრისტე, ღმერთო ჩვენო, შეგვიწყალენ ჩვენ.
დიდება შენდა, ღმერთო ჩვენო, დიდება შენდა.
მეუფეო ზეცათაო, ნუგეშინისმცემელო, სულო ჭეშმარიტებისაო, რომელი ყოველგან ხარ და ყოველსავე აღავსებ მადლითა შენითა, საუნჯეო კეთილთაო, მომნიჭებელო ცხოვრებისაო, მოვედ და დაემკვიდრე ჩვენს შორის და წმიდა მყვენ ჩვენ ყოვლისაგან ბიწისა და აცხოვნენ, სახიერო, სულნი ჩვენნი.
წმიდაო ღმერთო, წმიდაო ძლიერო, წმიდაო უკვდავო, შეგვიწყალენ ჩვენ (3-გზის).
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ყოვლადწმიდაო სამებაო, შეგვიწყალენ ჩვენ, უფალო, გვიხსენ და გვილხინე ცოდავათა ჩვენთაგან,მეუფეო, შეგვინდევ უსჯულოებანი ჩვენნი, წმიდაო, მოიხილე და განჰკურნენ უძლურებანი ჩვენნი სახელისა შენისათვის.
დიდება მამასა და ძესა და წმიდასა სულსა…
უფალო შეგვიწყალენ (3-გზის).
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მამაო ჩვენო, რომელი ხარ ცათა შინა, წმიდა იყავნ სახელი შენი, მოვედინ სუფევა შენი, იყავნ ნება შენი, ვითარცა ცათა შინა, ეგრეცა ქვეყანასა ზედა, პური ჩვენი არსობისა მომეც ჩვენ დღეს, და მომიტევენ ჩვენ თანანადებნი ჩვენნი, ვითარცა ჩვენ მივუტევებთ თანამდებთა მათ ჩვენთა და ნუ შემიყვანებ ჩვენ განსაცდელსა, არამედ მიხსენ ჩვენ ბოროტისაგან.
რამეთუ შენი არს სუფევა, ძალი და დიდებაჲ…
მღუდელმან:
რამეთუ შენი არს სუფევა, ძალი და დიდებაჲ მამისა და ძისა და წმიდისა სულისა აწ და მარადის და უკუნითი უკუნისამდე.
ამინ.
დიდება მამასა და ძესა და წმიდასა სულსა…
უფალო შეგვიწყალენ (12-ჯერ).
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მოვედით, თაყუანის-ვსცეთ მეუფესა ჩუენსა, ღმერთსა.
მოვედით, თაყუანის-ვსცეთ და შეუვრდეთ ქრისტესა, მეუფესა ჩუენსა ღმერთსა.
მოვედით, თაყუანის-ვსცეთ და შეუვრდეთ თჳთ ქრისტესა, მეუფესა და ღმერთსა ჩუენსა.
უფალო, შეისმინე ლოცვისა ჩემისაჲ, ყურად-იღე ვედრებაჲ ჩემი ჭეშმარიტებითა შენითა, შეისმინე ჩემი სიმართლითა შენითა; და ნუ შეხუალ საშჯელსა მონისა შენისა თანა, რამეთუ არა განმართლდეს შენ წინაშე ყოველი ცხოველი. რამეთუ დევნა მტერმან სული ჩემი და დაამდაბლა ქუეყანად ცხორებაჲ ჩემი, დამსუა მე ბნელსა შინა, ვითარცა მკუდარი საუკუნოჲ. და მოეწყინა ჩემ თანა სულსა ჩემსა; და ჩემ შორის შემიძრწუნდა გული ჩემი. მოვიჴსენე დღეთა პირველთაჲ და ვიწურთიდ ყოველთა მიმართ საქმეთა შენთა და ქმნულსა ჴელთა შენთასა ვზრახევდ. განვიპყრენ შენდამი ჴელნი ჩემნი, და სული ჩემი ვითარცა ქუეყანაჲ ურწყული შენდამი. მსთუად შეისმინე ჩემი უფალო, რამეთუ მოაკლდა სულსა ჩემსა; ნუ გარე-მიიქცევ პირსა შენსა ჩემგან, და ვემსგავსო მათ, რომელნი შთავლენან მღჳმესა. მასმინე მე განთიად წყალობაჲ შენი, რამეთუ მე შენ გესავ; მაუწყე მე, უფალო, გზაჲ, რომელსაცა ვიდოდი, რამეთუ შენდამი აღვიღე სული ჩემი. მიხსენ მე მტერთა ჩემთაგან, უფალო, რამეთუ შენ შეგევედრე. მასწავე მე, რაჲთა ვყო ნებაჲ შენი, რამეთუ შენ ხარ ღმერთი ჩემი, სული შენი სახიერი მიძღოდენ მე ქუეყანასა წრფელსა. სახელისა შენისათჲს, უფალო, მაცხოვნო მე და სიმართლითა შენითა გამოიყვანო ჭირისაგან სული ჩემი. და წყალობითა შენითა მოსრნე მტერნი ჩემნი და წარწყმიდნე ყოველნი მაჭირვებელნი სულისა ჩემისანი, რამეთუ მე მონაჲ შენი ვარ.
დიდებაჲ მამასა და ძესა და წმიდასა სულსა აწ და მარადის და უკუნითი უკუნისამდე. ამინ.
ალილუია, ალილუია, ალილუია, დიდებაჲ შენდა ღმერთო;
ალილუია, ალილუია, ალილუია, დიდებაჲ შენდა ღმერთო;
ალილუია, ალილუია, ალილუია, დიდებაჲ შენდა ღმერთო ჩუენო, დიდებაჲ შენდა.
ღმერთი უფალი და გამოგვიჩნდა ჩვენ, კურთხეულ არს მომავალი სახელითა უფლისათა
აუარებდით უფალსა, რამეთუ კეთილ, რამეთუ უკუნისამდე არს…
მუხლი 1.
აუარებდით უფალსა, რამეთუ კეთილ, რამეთუ უკუნისამდე არს წყალობაჲ მისი.
ყოველი თესლები გარე მომადგეს მე და სახელითა…
მუხლი 2.
ყოველი თესლები გარე მომადგეს მე და სახელითა უფლისათა ვერეოდი მათ.
არა მოვკვდე, არამედ ვსცხონდე, და განვსთქვნე მე…
მუხლი 3.
არა მოვკვდე, არამედ ვსცხონდე, და განვსთქვნე მე საქმენი უფლისანი.
ლოდი, რომელ შეურაცხყვეს მაშენებელთა, ესე იქმნა თავ…
მუხლი 4.
ლოდი, რომელ შეურაცხყვეს მაშენებელთა, ესე იქმნა თავ კიდეთა, უფლისა მიერ იყო ესე და არს საკვირველ წინაშე თვალთა ჩუენთა.
ხატად ღმრთისად შექმნილმან, წმიდაო, არა უდებ-ჰყავ პატივი…
ტროპარი, ხმა 8.
ხატად ღმრთისად შექმნილმან, წმიდაო, არა უდებ-ჰყავ პატივი ხატისა ქრისტესი, თვინიერ ხელითა კაცთასა გამოსახულისა, რამეთუ იხილე რა ხელთა შინა ურწმუნოთასა, განხურვებულმან შურითა საღმრთოითა, იტვირთე მხართა ზედა მტვირთველი ყოველთა და მოუძღვანე ქართველსა ერსა; მოღვაწეთა შვენიერებაო ანტონი, ევედრე ქრისტესა ღმერთსა შეწყალებად სულთა ჩვენთათვის.
ხატად ღმრთისად შექმნილმან, წმიდაო, არა უდებ-ჰყავ პატივი…
დიდება მამასა და ძესა და წმიდასა სულსა. (იგივე ტროპარი)
ხატად ღმრთისად შექმნილმან, წმიდაო, არა უდებ-ჰყავ პატივი ხატისა ქრისტესი, თვინიერ ხელითა კაცთასა გამოსახულისა, რამეთუ იხილე რა ხელთა შინა ურწმუნოთასა, განხურვებულმან შურითა საღმრთოითა, იტვირთე მხართა ზედა მტვირთველი ყოველთა და მოუძღვანე ქართველსა ერსა; მოღვაწეთა შვენიერებაო ანტონი, ევედრე ქრისტესა ღმერთსა შეწყალებად სულთა ჩვენთათვის.
არასადა დავსდუმნეთ, ღმრთსმშობელო, ძლიერებათა შენთა ქებად, უღირსნი…
აწ და მარადის და უკუნითი უკუნისამდე, ამინ.
არასადა დავსდუმნეთ, ღმრთსმშობელო, ძლიერებათა შენთა ქებად, უღირსნი ესე მონანი შენნი. რამეთუ არათუმცა შენ გვფარევდი ოხითა შენითა, ვინმცა სადა გვიხსნნა ჩუენ ესოდენთა ჭირთაგან; ანუ ვინმცა დაგვიცვნა ჩუენ აქამომდე ლმობილად? არასადა განგეშორნეთ ჩუენ, დედუფალო კურთხეულო, რამეთუ შენ იხსნი სულთა ჩუენთა ყოველთა განსაცდელთაგან.
მიწყალე მე, ღმერთო, დიდითა წყალობითა შენითა და მრავლითა მოწყალებითა შენითა აჴოცე უშჯულოებაჲ ჩემი. უფროჲს განმბანე მე უშჯულოებისა ჩემისაგან და ცოდვათა ჩემთაგან განმწმიდე მე. რამეთუ უშჯულოებაჲ ჩემი მე უწყი და ცოდვაჲ ჩემი წინაშე ჩემსა არს მარადის. შენ მხოლოსა შეგცოდე და ბოროტი შენ წინაშე ვყავ, რაჲთა განჰმართლდე სიტყუათაგან შენთა და სძლო შჯასა შენსა. რამეთუ ესერა უშჯულოებათა შინა მიუდგა და ცოდვათა შინა მშვა მე დედამან ჩემმან. რამეთუ ესერა ჭეშმარიტებაჲ შეიყუარე, უჩინონი და დაფარულნი სიბრძნისა შენისანი გამომიცხადენ მე. მასხურო მე უსუპითა და განმწმიდე მე, განმბანო მე და უფროჲს თოვლისა განვსპეტაკნე. მასმინო მე გალობაჲ და სიხარული, და იხარებდენ ძუალნი დამდაბლებულნი. გარე-მიაქციე პირი შენი ცოდვათა ჩემთაგან და ყოველნი უშჯულოებანი ჩემნი აჴოცენ. გული წმიდაჲ დაბადე ჩემ თანა, ღმერთო, და სული წრფელი განმიახლე გუამსა ჩემსა. ნუ განმაგდებ მე პირისა შენისაგან და სულსა წმიდასა შენსა ნუ მიმიღებ ჩემგან. მომეც მე სიხარული მაცხოვარებისა შენისაჲ და სულითა მთავრობისაჲთა დამამტკიცე მე. ვასწავლნე უშჯულოთა გზანი შენნი და უღმრთონი შენდა მოიქცენ. მიჴსენ მე სისხლთაგან, ღმერთო, ღმერთო ცხორებისა ჩემისაო; იხარებდეს ენაჲ ჩემი სიმართლესა შენსა. უფალო, ბაგენი ჩემნი აღახუნე, და პირი ჩემი უთხრობდეს ქებულებასა შენსა. რამეთუ უკუეთუმცა გენება, მსხუერპლი შე-მცა-მეწირა; არამედ საკუერთხი არა გთნდეს. მსხვერპლ ღმრთისა არს სული შემუსრვილი, გული შემუსრვილი და დამდაბლებული ღმერთმან არა შეურაცხ-ყოს. კეთილი უყავ, უფალო, ნებითა შენითა სიონსა და აღეშენნენ ზღუდენი იერუსალემისანი. მაშინ გთნდეს მსხუერპლი სიმართლისაჲ, შესაწირავი და ყოვლად-დასაწუველი; მაშინ შეიწირნენ საკურთხეველსა შენსა ზედა ზუარაკნი.
ისრაელი მონაქმნილი გამოიხსენ, უფალო, მკლავითა შენითა მტკიცითა…
გალობა 1 სძლისპირი, ხმა 8
ისრაელი მონაქმნილი გამოიხსენ, უფალო, მკლავითა შენითა მტკიცითა, ამისთვისცა გიგალობთ, რომელიცა დიდებულ ხარ.
მონაზონთა სიქადულსა, მოღუაწესა ანტონის, უდაბნოთა ქალაქ-მყოფელსა, საცთურთა…
ღირსო მამაო ანტონ მარტყოფელო, ევედრე ღმერთსა ჩვენთვის.
მონაზონთა სიქადულსა, მოღუაწესა ანტონის, უდაბნოთა ქალაქ-მყოფელსა, საცთურთა განმდევნელსა მორწმუნენი უგალობდეთ.
ღმრთივგანბრძნობილსა ანტონის, ყოველნი უგალობდეთ, რამეთუ მარხვისა შრომითა…
ღირსო მამაო ანტონ მარტყოფელო, ევედრე ღმერთსა ჩვენთვის.
ღმრთივგანბრძნობილსა ანტონის, ყოველნი უგალობდეთ, რამეთუ მარხვისა შრომითა ვნებანი განიოტნა და ქრისტესა სათნო ეყო.
იოანეს და ელიას მიემსგავსე ნეტარო და პატივ-გცა…
დიდება მამასა და ძესა და წმიდასა სულსა.
იოანეს და ელიას მიემსგავსე ნეტარო და პატივ-გცა ღმერთმან, მათ თანა ჩვენცა მეოხ გვეყავნ, რათა იხსნეს სულნი ჩვენნი.
უზესთაეს ბუნებათა შენთაგან განკაცებულსა ღმერთსა, ევედრე დედუფალო…
აწდა მარადის და უკუნითი უკუნისამდე, ამინ.
უზესთაეს ბუნებათა შენთაგან განკაცებულსა ღმერთსა, ევედრე დედუფალო, ყოველთაგან ურვათა გამოხსნად მონათა შენთა.
არავინ არს წმიდა ვითარ უფალი და არავინ…
გალობა 3 სძლისპირი
არავინ არს წმიდა ვითარ უფალი და არავინ არს მართალ ღმრთისა ჩვენისაებრ, რომელსა ვუღაღადებთ: არავინ არს წმიდა შენებრ, უფალო.
ღირსისა ანტონის სახსენებელსა, ვითარცა თანამდებსა, ვდღესასწაულობდეთ და…
ღირსო მამაო ანტონ მარტყოფელო, ევედრე ღმერთსა ჩვენთვის.
ღირსისა ანტონის სახსენებელსა, ვითარცა თანამდებსა, ვდღესასწაულობდეთ და ქრისტესა ვადიდებდეთ, განმანათლებელსა სულთა ჩვენთასა.
ქვეყანასა ზედა მოღუაწე-იყავ, სანატრელო ანტონი, მსახურო ქრისტესო…
ღირსო მამაო ანტონ მარტყოფელო, ევედრე ღმერთსა ჩვენთვის.
ქვეყანასა ზედა მოღუაწე-იყავ, სანატრელო ანტონი, მსახურო ქრისტესო და პატივცემულ იქმენ მის მიერ ზეცისა სასუფეველსა.
ეკლესია ქართლისა აღასრულებს დღეს სახსენებელსა შენსა და…
დიდება მამასა და ძესა და წმიდასა სულსა.
ეკლესია ქართლისა აღასრულებს დღეს სახსენებელსა შენსა და ეგრეთვე მეფე ქრისტეს-მოყვარე, მოღვაწეო ანტონი, გვითხოვე ღმრთისაგან დიდი წყალობაი.
ჰშევ და ქალწულადვე ეგე სამარადისოდ და უქორწინებელად…
აწდა მარადის და უკუნითი უკუნისამდე, ამინ.
ჰშევ და ქალწულადვე ეგე სამარადისოდ და უქორწინებელად, ღმრთისა დედა იქმენ, სანატრელო მარიამ, რომელსა ევედრე სულთა ჩვენთათვის.
გვიხსენ განსაცდელთაგან მონანი შენნი, ყოვლადწმიდაო ღმრთისმშობელო ქალწულო, რამეთუ ჩვენ ყოველნი, შემდგომად ღმრთისა, შენდა მოვილტვით, ვითარცა უძლეველისა ზღუდისა და შუამდგომელისა.
მოიხილე ჩუენ ზედა, ყოვლადქებულო ღმრთისმშობელო, და ხორცთა ჩუენთა წყლულებანი ბოროტნი განჰკურნენ, და სულისა ჩუენისა სნეულებანი.
შეგვიწყალენ ჩუენ, ღმერთო, დიდითა წყალობითა შენითა, კაცთმოყუარევ…
მღუდელმან:
შეგვიწყალენ ჩუენ, ღმერთო, დიდითა წყალობითა შენითა, კაცთმოყუარევ, გევედრებით, ისმინე ჩუენი და შეგვიწყალენ.
მერმეცა გევედრებით ღმრთივდაცულისა ერისა ჩუენისა, მთავრობისა და…
უფალო, შეგვიწყალენ (სამგზის).
მერმეცა გევედრებით ღმრთივდაცულისა ერისა ჩუენისა, მთავრობისა და მხედრობისა მისისათჳს.
მერმეცა გევედრებით უწმიდესისა და უნეტარესისა, სრულიად საქართველოას…
უფალო, შეგვიწყალენ (სამგზის).
მერმეცა გევედრებით უწმიდესისა და უნეტარესისა, სრულიად საქართველოას კათოლიკოს-პატრიარქისა და მცხეთა-თბილისის მთავარეპისკოპოსისა მამისა ჩუენისა შიოსათვის. და მაღალყოვლადუსამღვდელოესისა ( მოიხსენე ადგილობრივი მღუდელთმთავარი ), და ყოველთა ქრისტეს მიერ ძმათა ჩვენთათვის.
მერმეცა ვევედრნეთ უფალსა ღმერთსა ჩუენსა, რაჲთა შეიწყალოს…
უფალო, შეგვიწყალენ (სამგზის).
მერმეცა ვევედრნეთ უფალსა ღმერთსა ჩუენსა, რაჲთა შეიწყალოს მონანი და მჴევალნი თჳსნი (სახელები) განამრავლე, უფალო, ჟამნი და წელნი ცხორებისა მათისანი და იჴსენ იგინი, უფალო, ყოვლისაგან ჭირისა, რისხვისა და იწროებისა და ყოვლისაგან წყლულებისა სულისა და ჴორცთასა, და მიუტევე მათ ყოველნი შეცოდებანი მათნი ნებსითნი და უნებლიეთნი.
მერმეცა გევედრებით ყოველთა ძმათა და ყოველთა მართლმადიდებელთა…
უფალო, შეგვიწყალენ (სამგზის).
მერმეცა გევედრებით ყოველთა ძმათა და ყოველთა მართლმადიდებელთა ქრისტეანთათჳს.
რამეთუ მოწყალე და კაცთმოყუარე ღმერთი ხარ და…
უფალო, შეგვიწყალენ (სამგზის).
რამეთუ მოწყალე და კაცთმოყუარე ღმერთი ხარ და შენდა დიდებასა აღვავლენთ მამისა და ძისა და წმიდისა სულისა, აწ და მარადის და უკუნითი უკუნისამდე.
ზეცისა შუებათათვის დასთრგუნე სიყვარული სოფლისა და შეურაცხყავ…
ამინ! წარდგომა, ხმა 8
ზეცისა შუებათათვის დასთრგუნე სიყვარული სოფლისა და შეურაცხყავ ვითარცა აჩრდილი, ჰოჲ, ღმრთივგანბრძნობილო მამაო, რამეთუ ვითარცა გონიერი ვაჭარი, ეძიებდი კეთილსა მარგარიტსა და რაჟამს ჰპოვე იგი, მიეც ყოველივე და იგი მხოლო მარტოი მოიყიდე და ურიცხვნი განამდიდრენ, ამისთვის ვდღესასწაულობთ ხსენებასა შენსა, ღმერთ-შემოსილო ანტონი, ევედრე ქრისტესა ღმერთსა, რათა ცოდვათა შენდობა მოგვანიჭოს, რომელნი სურვილით ვდღესასწაულობთ წმიდასა ხსენებასა შენსა.
მესმა მე, ქრისტე, სმენა და შემეშინა, რამეთუ…
გალობა 4 სძლისპირი
მესმა მე, ქრისტე, სმენა და შემეშინა, რამეთუ მამისაგან არა დააკლდი და კაცთა შორის გამოჩნდი ცხოვრებისათვის სულთა ჩვენთასა მრავალმოწყალე.
გესმა რა, ღირსო, სიტყვა სახარებისაი, მუნთქუესვე დაუტევე…
ღირსო მამაო ანტონ მარტყოფელო, ევედრე ღმერთსა ჩვენთვის.
გესმა რა, ღირსო, სიტყვა სახარებისაი, მუნთქუესვე დაუტევე ზრუნვა სოფლისა, აღიღე ჯვარი შენი და შეუდეგ შენ ქრისტესა ღმერთსა და სათნო ეყავ, მამაო ანტონი.
ყოვლითურთ განემზადე მონებად ღმრთისა, ყოვლითურთ მოიძაგე გულისთქუმა…
ღირსო მამაო ანტონ მარტყოფელო, ევედრე ღმერთსა ჩვენთვის.
ყოვლითურთ განემზადე მონებად ღმრთისა, ყოვლითურთ მოიძაგე გულისთქუმა ხორცთა, ღირსო მამაო ანტონი, და მოელოდი მოღებად მადლსა ქრისტესსა, ნეტარო.
მოციქულებრნი ღვაწლნი აღასრულენ შენ და ღირს-იქმენ მოღებად…
დიდება მამასა და ძესა და წმიდასა სულსა.
მოციქულებრნი ღვაწლნი აღასრულენ შენ და ღირს-იქმენ მოღებად მადლსა ღმრთისაგან და ჰხედევდი მოწევნადთა და კურნებასა მიჰმადლებდი შენ სენსა კაცთასა.
ვერ შემძლებელ ვართ ქებად შემსგავსებულად სიწმიდისა შენისა…
აწდა მარადის და უკუნითი უკუნისამდე, ამინ.
ვერ შემძლებელ ვართ ქებად შემსგავსებულად სიწმიდისა შენისა, ღმრთისა დედაო, რამეთუ ზესთა იპოვა ცნობათა ჩვენთა დიდებულება შენი, ყოვლადწმიდაო.
აღმსთობილნი შენ გიგალობთ, უფალო, მაცხოვნენ ჩვენ, ვითარცა…
გალობა 5 სძლისპირი
აღმსთობილნი შენ გიგალობთ, უფალო, მაცხოვნენ ჩვენ, ვითარცა სახიერ ხარ, რამეთუ სხვა ღმერთი არა ვიცით.
ღირს იქმენ მოღებად მადლსა ღმრთისაგან, ანტონი, რამეთუ…
ღირსო მამაო ანტონ მარტყოფელო, ევედრე ღმერთსა ჩვენთვის.
ღირს იქმენ მოღებად მადლსა ღმრთისაგან, ანტონი, რამეთუ დაიმკვიდრა სულმან წმიდამან სულსა შენსა.
რომელნი სურვილით აქებენ დღესასწაულსა შენსა, სანატრელო ანტონი…
ღირსო მამაო ანტონ მარტყოფელო, ევედრე ღმერთსა ჩვენთვის.
რომელნი სურვილით აქებენ დღესასწაულსა შენსა, სანატრელო ანტონი, უთხოვე გამოხსნა ჭირისაგან.
მსახურო ქრისტესო, ღირსო ანტონი, მეოხ-გვეყავ რომელნი აღვასრულებთ…
დიდება მამასა და ძესა და წმიდასა სულსა.
მსახურო ქრისტესო, ღირსო ანტონი, მეოხ-გვეყავ რომელნი აღვასრულებთ სახსენებელსა შენსა, სანატრელო.
შემდგომად შობისა ქალწულად ჰგიე უბიწოო, რამეთუ სიტყვა…
აწდა მარადის და უკუნითი უკუნისამდე, ამინ.
შემდგომად შობისა ქალწულად ჰგიე უბიწოო, რამეთუ სიტყვა ღმრთისა უშევ, ღირსო, ხორცითა სოფელსა.
მომეც მე სამოსელი ბრწყინვალე, რომელმან შეიმოსე ნათელი…
გალობა 6 სძლისპირი
მომეც მე სამოსელი ბრწყინვალე, რომელმან შეიმოსე ნათელი სამოსლად, ღმერთო, მეოხებითა მოწამეთათა.
სახე კეთილისა ექმენ მონაზონთა, ანტონი სანატრელო, სამწყსოთა…
ღირსო მამაო ანტონ მარტყოფელო, ევედრე ღმერთსა ჩვენთვის.
სახე კეთილისა ექმენ მონაზონთა, ანტონი სანატრელო, სამწყსოთა შენთათვის ნუ დასცხრები ვედრებად ღმრთისა მიმართ.
კადნიერება გაქვს უფლისა წინაშე, ანტონი სანატრელო, ითხოვე…
ღირსო მამაო ანტონ მარტყოფელო, ევედრე ღმერთსა ჩვენთვის.
კადნიერება გაქვს უფლისა წინაშე, ანტონი სანატრელო, ითხოვე შეწევნა, რათა განვერნეთ მტერსა სულთა ჩვენთასა.
მოაკვდინენ ვნებანი ხორცთანი, მოღვაწებისა მიერ წმიდაო ანტონი…
დიდება მამასა და ძესა და წმიდასა სულსა.
მოაკვდინენ ვნებანი ხორცთანი, მოღვაწებისა მიერ წმიდაო ანტონი, შეწევნითა სულისა წმიდისათა.
რომელმან გვიშევ ხორცითა სიტყვაჲ, სიტყვისა მიერ, სძალო…
აწდა მარადის და უკუნითი უკუნისამდე, ამინ.
რომელმან გვიშევ ხორცითა სიტყვაჲ, სიტყვისა მიერ, სძალო იხსენ წყალობით მახეთაგან მტერისათა სულნი ჩვენნი.
გვიხსენ განსაცდელთაგან მონანი შენნი, ყოვლადწმიდაო ღმრთისმშობელო ქალწულო, რამეთუ ჩვენ ყოველნი, შემდგომად ღმრთისა, შენდა მოვილტვით, ვითარცა უძლეველისა ზღუდისა და შუამდგომელისა.
მოიხილე ჩუენ ზედა, ყოვლადქებულო ღმრთისმშობელო, და ხორცთა ჩუენთა წყლულებანი ბოროტნი განჰკურნენ, და სულისა ჩუენისა სნეულებანი.
მერმე და მერმე მშვიდობით უფლისა მიმართ ვილოცოთ
მღუდელმან:
მერმე და მერმე მშვიდობით უფლისა მიმართ ვილოცოთ
შეგვეწიენ, გვაცხოვნენ, შეგვიწყალენ და დაგვიცვენ ჩუენ, ღმერთო…
უფალო, შეგვიწყალენ.
შეგვეწიენ, გვაცხოვნენ, შეგვიწყალენ და დაგვიცვენ ჩუენ, ღმერთო, შენითა მადლითა.
ყოვლადწმიდისა უხრწნელისა, უფროსად კურთხეულისა დიდებულისა დედუფლისა ჩუენისა…
უფალო, შეგვიწყალენ.
ყოვლადწმიდისა უხრწნელისა, უფროსად კურთხეულისა დიდებულისა დედუფლისა ჩუენისა ღმრთისმშობელისა და მარადის ქალწულისა მარიამისა და ყოველთა წმიდათა მომჴსენებელთა თავნი თჳსნი და ურთიერთარს და ყოველი ცხოვრებაჲ ჩუენი ქრისტესა ღმერთსა ჩუენსა შევვედროთ.
რამეთუ შენ ხარ მეუფე მშვიდობისა და მაცხოვარი…
შენ უფალო.
რამეთუ შენ ხარ მეუფე მშვიდობისა და მაცხოვარი სულთა ჩუენთა და შენდა დიდებასა აღვავლენთ მამისა და ძისა და სულისა წმიდისა აწ და მარადის და უკუნითი უკუნისამდე.
ამინ!
მნათობად მზეებრ ბრწყინვალედ მოეცნეს ქართველსა ერსა ათორმეტ…
კონდაკი, ხმა 2
მნათობად მზეებრ ბრწყინვალედ მოეცნეს ქართველსა ერსა ათორმეტ რიცხუნი მამანი, მოძღვარნი ყოვლისა სოფლისანი და შუენიერებანი უდაბნოთანი, ხოლო შორის მათთა ბრძენი ანტონი, იდიდებოდეს დღეს ჩვენ მიერ, რომელმან მოგვისუენა ხატი ხელთუქმნელი, მფარველად მეფისა ღმრთისმოყვარისა და სასოდ ყოვლისა სოფლისა.
რაჟამს გესმა ხმაი უფლისა, ერჩდი მას მოსწრაფებით…
იკოსი
რაჟამს გესმა ხმაი უფლისა, ერჩდი მას მოსწრაფებით და შეუდეგ ღირსად და მისდევდი მცნებათა მისთა, შიშველ იქმენ ნივთთაგან მსოფლიოთა და ყოველთაგან ზრუნვათა მისთა მოცალე ექმენ, განხუედ უდაბნოდ, სანატრელო, და მოძღვარსა იოანეს შეეყავ, დიდსა მნათობსა და მისთა თანა მზრახველობითა ზრახუასა ღირს იქმენ წმიდითა გონებითა სასურველისა შენისასა, რომლისა თანა ოხად ნუ დააცადებ ღმრთისა მიმართ, მამაო, დაფარვად მეფისა ღმრთისა მოყვარისა და სასოდ ყოვლისა სოფლისა.
პატიოსან არს წინაშე უფლისა სიკვდილი წმიდათა მისთა
სიბრძნით. წარდგომა, ფსალმუნი დავითისა ხმაჲ 4.
პატიოსან არს წინაშე უფლისა სიკვდილი წმიდათა მისთა.
რაი მივაგო უფალსა ყოვლისავეთვის, რომელი ესე მომაგო…
მუხლი
რაი მივაგო უფალსა ყოვლისავეთვის, რომელი ესე მომაგო მე.
უფალო, შეგვიწყალენ
უფლისა მიმართ ვილოცოთ.
უფალო, შეგვიწყალენ.
რამეთუ წმიდა ხარ შენ, ღმერთო ჩუენო და…
მღუდელმან:
რამეთუ წმიდა ხარ შენ, ღმერთო ჩუენო და რომელი წმიდათა შორის განისვენებ და შენდა დიდებასა აღვავლენთ მამისა და ძისა და წმიდისა სულისა აწ და მარადის და უკუნითი უკუნისამდე.
ამინ!
ყოველი სული აქებდით უფალსა
მღუდელმან
ყოველი სული აქებდით უფალსა.
აქებდით ღმერთსა წმიდათა შორის მისთა, აქებდით მას…
ყოველი სული აქებდით უფალსა.
აქებდით ღმერთსა წმიდათა შორის მისთა, აქებდით მას სამყაროთა ძალითა მისისაჲთა.
ყოველი სული
ყოველი სული აქებდით უფალსა.
ყოველი სული.
ღირს-ყოფად ჩუენდა სმენად წმიდისა სახარებისა, უფალსა, ღმერთსა…
აქებდით უფალსა.
ღირს-ყოფად ჩუენდა სმენად წმიდისა სახარებისა, უფალსა, ღმერთსა ჩუენსა ვევედრნეთ.
სიბრძნით აღემართენით და ისმინეთ წმიდა სახარება
უფალო, შეგვიწყალენ (სამგზის).
სიბრძნით აღემართენით და ისმინეთ წმიდა სახარება.
მშვიდობა ყოველთა.
ლუკასაგან წმიდისა სახარებისა საკითხავი
და სულისაცა შენისა თანა.
ლუკასაგან წმიდისა სახარებისა საკითხავი
მოხედენ !
დიდება შენდა, უფალო, დიდება შენდა.
მოხედენ !
დადგა იესუ ადგილსა ველსა და ერი იგი მოწაფეთა მისთაი და სხვისა ერისა სიმრავლე ფრიადი ჰურიასტანით და იერუსალიმით და ზღვის კიდით, ტვიროსით და სიდონით, რომელნი მოსრულ იყვნეს სმენად მისა და განკურნებად სნეულებათაგან მათთა. და ურვილნი იგინი სულთაგან არაწმიდათა განიკურნებოდეს. და ყოველი იგი ერი ეძიებდა შეახლებად მისა, რამეთუ ძალნი გამოვიდოდეს მისგან და განკურნებდეს ყოველთა. და თავადმან აღიხილნა თვალნი მისნი მოწაფეთა მიმართ და ეტყოდა: ნეტარ ხართ გლახაკნი სულითა, რამეთუ თქვენი არს სასუფეველი ღმრთისაი. ნეტარ ხართ თქვენ, რომელთა გშიის აწ, რამეთუ განსძღეთ. ნეტარ ხართ, რომელნი სტირთ აწ, რამეთუ იცინოდეთ. ნეტარ ხართ, რაჟამს მოგიძულენ თქვენ კაცთა და ოდეს გამოგასხენ თქვენ და გაყუედრებდნენ და განხადონ სახელი თქვენი, ვითარცა ბოროტთა ძისათვის კაცისა. გიხაროდენ მას დღესა შინა და მხიარულ იყუენით, რამეთუ აჰა ესერა სასყიდელი თქვენი, მრავალ არს ცათა შინა.
მეოხებითა ღირსისა მამისა ჩვენისა ანტონისაითა, მოწყალეო, აღხოცენ…
დიდება შენდა, უფალო, დიდება შენდა. დიდება მამასა და ძესა და წმიდასა სულსა.
მეოხებითა ღირსისა მამისა ჩვენისა ანტონისაითა, მოწყალეო, აღხოცენ ცოდვათა ჩვენთა სიმრავლენი.
მეოხებითა წმიდისა ღმრთისმშობელისაითა, მოწყალეო, აღჴოცენ ცოდვათა ჩუენთა…
აწ და მარადის და უკუნითი უკუნისამდე. ამინ.
მეოხებითა წმიდისა ღმრთისმშობელისაითა, მოწყალეო, აღჴოცენ ცოდვათა ჩუენთა სიმრავლენი.
მიწყალე მე, ღმერთო, დიდითა წყალობითა შენითა და მრავლითა მოწყალებითა შენითა აღჴოცენ უშჯულოებანი ჩუენნი და შეგვიწყალენ ჩუენ, ღმერთო.
ნუ უგულებელსყოფ ვედრებასა მოსავთა სიწმიდისა შენისათა ღმერთშემოსილო და სამგზის სანატრელო მამაო ანტონი, არამედ აღიპყრენ ხელნი შენნი წმიდანი ზეცათა მიმათ, რომელსა წინაშე ღმრთივბრწყინვალითა გვირგვინითა დიდებულ ხარ, ღირსო, და გვითხოვე, რათა მოანიჭოს ერსა ჩვენსა მშვიდობაი, ქრისტიანეთა უვნებელობაი და მგალობელთა შენთა დიდი წყალობაი.
აცხოვნე, ღმერთო, ერი შენი და აკურთხე სამკვიდრებელი…
მღუდელმან:
აცხოვნე, ღმერთო, ერი შენი და აკურთხე სამკვიდრებელი შენი, მოხედენ სოფელსა შენსა წყალობითა და მოწყალებითა, აღამაღლე რქა ქრისტეანეთა მართლმადიდებელთა და გარდამოავლინენ ჩვენ ზედა მდიდარნი წყალობანი შენნი; მეოხებითა ყოვლად-წმიდისა დედუფლისა ჩვენისა ღვთისმშობელისა და მარადისქალწულისა მარიამისათა, ძლიერებითა პატიოსნისა და ცხოველსმყოფელისა ჯვარისათა, მეოხებითა პატიოსანთა უსხეულოთა ზეცისა ძალთათა, პატიოსნისა, დიდებულისა, წინასწარმეტყველისა, წინამორბედისა და ნათლისმცემელისა იოანესითა, წმიდათა დიდებულთა და ყოვლადქებულთა მოციქულთა: ანდრია პირველწოდებულისა, სვიმონ კანანელისა და მატათასითა, წმიდათა შორის მამათა ჩვენთა და მსოფლიოთა დიდთა მოძღვართა და მღვდელმთავართა, ბასილი დიდისა, გრიგოლი ღვთისმეტყველისა და იოანე ოქროპირისათა, წმიდათა შორის მამისა ჩვენისა ნიკოლოზ მირონლუკიის მთავარეპისკოპოსისა და საკვირველთმოქმედისათა, წმიდათა დიდებულთა და ღვაწლისმძლეთა მოწამეთა, წმიდისა დიდისა მოწამისა ძლევაშემოსილისა და საკვირველთ მოქმედისა გიორგისათა, არგვეთის მთავართა დავითისა და კონსტანინესითა, ღირსთა და ღმერთშემოსილთა მამათა ჩვენთა, და ღირსისა დედისა ჩვენისა მოციქულთასწორისა ქალწულისა ნინოსითა, წმიდათა და მართალთა მშობელთა ღვთისათა იოაკიმე და ანნასითა (და სახელი წმინდანისა, ვისი სახელობისაც არის ტაძარი, და იმ წმინდანისაც ვისი სახელის ხსენებაცაა იმ დღეს) და ყოველთა წმიდათა შენთათა, გევედრებით შენ, მრავალმოწყალეო ღმერთო, შეისმინე ჩვენ, ცოდვილთა, ვედრება და შეგვიწყალენ ჩვენ.
წყალობითა და მოწყალებითა და კაცთმოყუარებითა მხოლოდშობილისა ძისა…
უფალო, შეგვიწყალენ (12-გზის). მღუდელმან:
წყალობითა და მოწყალებითა და კაცთმოყუარებითა მხოლოდშობილისა ძისა შენისაითა, რომლისა-თანა კურთხეულ ხარ, თანა ყოვლადწმიდით, სახიერით და ცხოველსმყოფელით სულით შენითურთ, აწ და მარადის და უკუნითი უკუნისამდე.
ყრმანი ებრაელთანი სახმილსა შინა ვიდოდეს ცეცხლსა ზედა…
ამინ! გალობა 7 სძლისპირი
ყრმანი ებრაელთანი სახმილსა შინა ვიდოდეს ცეცხლსა ზედა კადნიერებით და შეცვრეულნი ესრეთ ღაღადებდეს და იტყოდეს: კურთხეულ ხარ შენ, უფალო ღმერთო მამათა ჩვენთაო.
იყვნეს ჟამნი შენნი, ანტონი, კიბე საღმრთოთა ჩვენებათა…
ღირსო მამაო ანტონ მარტყოფელო, ევედრე ღმერთსა ჩვენთვის.
იყვნეს ჟამნი შენნი, ანტონი, კიბე საღმრთოთა ჩვენებათა, დღითი-დღე და მით ზრახევდი დამბადებელსა და იტყოდი: კურთხეულ ხარ შენ უფალო, ღმერთო მამათა ჩვენთაო.
ნათლისა სვეტ იქმენ, ანტონი, ბრწყინვალებითა სულითა წმიდისათა…
ღირსო მამაო ანტონ მარტყოფელო, ევედრე ღმერთსა ჩვენთვის.
ნათლისა სვეტ იქმენ, ანტონი, ბრწყინვალებითა სულითა წმიდისათა და წინამძღვარ მონაზონთა და იტყოდი: კურთხეულ ხარ შენ, უფალო, ღმერთო, მამათა ჩვენთაო.
გამოიხურვე ბრძმედსა შინა განსაცდელთასა, ვითარცა ოქრო რჩეული…
დიდება მამასა და ძესა და წმიდასა სულსა.
გამოიხურვე ბრძმედსა შინა განსაცდელთასა, ვითარცა ოქრო რჩეული და გაბრწყინდი მადლისა მიერ და ღაღადებდი: კურთხეულ ხარ შენ უფალო, ღმერთო მამათა ჩვენთაო.
სიბრძნემან ყოველთა დამბადებელმან, იშენა სახლი თვისი შენგან…
აწდა მარადის და უკუნითი უკუნისამდე, ამინ.
სიბრძნემან ყოველთა დამბადებელმან, იშენა სახლი თვისი შენგან, ქალწულო, და მოწყალებითა განაახლა ბუნება პირველქმნილისა, ღმერთმან მამათა ჩვენთამან, ღმრთისა მამისა სიტყვამან.
მთასა ზედა მოსეს თანამზრახველმან, მაყვლოვანით სახედ გამოაჩინა…
გალობა 8 სძლისპირი
მთასა ზედა მოსეს თანამზრახველმან, მაყვლოვანით სახედ გამოაჩინა და ქალწულისაგან შობილსა უვნებელად ყოველნი ვაკუთრთხევთ და აღვამაღლებთ მას უკუნისამდე.
რომელმანცა ადიდე დიდებული, ღმერთმან ჩვენმან, ხსენება ანტონისი…
ღირსო მამაო ანტონ მარტყოფელო, ევედრე ღმერთსა ჩვენთვის.
რომელმანცა ადიდე დიდებული, ღმერთმან ჩვენმან, ხსენება ანტონისი და მადლითა გვირგვინოსან ჰყავ, ყოველნი ვაკურთხევთ და აღვამაღლებთ მას უკუნისამდე.
უდაბნოთა შინა ღირს-მსახურებით და ახოვნად მოღვაწესა ანტონის…
ღირსო მამაო ანტონ მარტყოფელო, ევედრე ღმერთსა ჩვენთვის.
უდაბნოთა შინა ღირს-მსახურებით და ახოვნად მოღვაწესა ანტონის ფრიად დაუცხრომელად ვუგალობდეთ და აღვამაღლებდეთ ღმერთსა უკუნისამდე.
ადინებ შენ წყალსა კურნებისასა მავალთა შენდა სარწმუნოებით…
დიდება მამასა და ძესა და წმიდასა სულსა.
ადინებ შენ წყალსა კურნებისასა მავალთა შენდა სარწმუნოებით, მამრთელებელად სენთა უხილავთა და ხილულთა, რამეთუ მოიგე ესე ნაცვალ შრომათა შენთა.
რომელმანცა ანგელოსისა სიტყვა შეიწყნარე და ღმერთი მხოლო…
აწდა მარადის და უკუნითი უკუნისამდე, ამინ.
რომელმანცა ანგელოსისა სიტყვა შეიწყნარე და ღმერთი მხოლო გვიშევ და ნათელი სოფელსა გამოუბრწყინვე, ყოველნი გაკურთხევთ და აღგამაღლებთ შენ უკუნისამდე.
რომელმან წინასწარ მოასწავა, შობა უხრწნელად მომცემელისა სჯულისასა…
გალობა 9 სძლისპირი
რომელმან წინასწარ მოასწავა, შობა უხრწნელად მომცემელისა სჯულისასა მთასა ზედა სინასა, ცეცხლით მაყვლოვანსა მას შინა, დაუდუმებელად მას ვადიდებთ.
რომელმან საშვებელნი სოფლისანი განიძარცვა და შეიმოსა საჭურველი…
ღირსო მამაო ანტონ მარტყოფელო, ევედრე ღმერთსა ჩვენთვის.
რომელმან საშვებელნი სოფლისანი განიძარცვა და შეიმოსა საჭურველი ქრისტესი, ანტონის, ვითარცა სულთა ჩვენთა მეოხსა, დაუდუმებელად მას ვადიდებთ.
მართალო ანტონი, სათნოებათა მოგებითა ზეცად აღიწიე და…
ღირსო მამაო ანტონ მარტყოფელო, ევედრე ღმერთსა ჩვენთვის.
მართალო ანტონი, სათნოებათა მოგებითა ზეცად აღიწიე და შრომანი შესწირენ ღმერთსა, რამეთუ გზისა მიერ იწროისა შეხვედ სასუფეველად და დაემკვიდრე.
ხატნი სათნოებათანი, მოღვაწებათა მიერ კეთილმსახურებისა წამლითა გამოსახენ…
დიდება მამასა და ძესა და წმიდასა სულსა.
ხატნი სათნოებათანი, მოღვაწებათა მიერ კეთილმსახურებისა წამლითა გამოსახენ და ხატად ღირსისა ჭეშმარიტებით სული შენი განაბრწყინვე.
შენ, ქალწულო, გექმნა სახე მაყვალი აღგზებული, რომელი…
აწდა მარადის და უკუნითი უკუნისამდე, ამინ.
შენ, ქალწულო, გექმნა სახე მაყვალი აღგზებული, რომელი ცეცხლისა მისგან შეუწველად დაიცევ, რამეთუ უხრწნელად დაიტიე ცეცხლი ღვთაებისა და უვნებელად ჰშევ.
ღირს-არს ჭეშმარიტად, რათა გადიდებდეთ, შენ ღვთისმშობელო, რომელი მარადის სანატრელ იქმენ, ყოვლად-უბიწოდ და დედად ღვთისა ჩვენისა. უპატიოსნესსა ქერუბინთასა, და აღმატებით უზესთაესსა სერაბინთასა, განუხრწნელად მშობელსა სიტყვისა ღვთისასა, მხოლოსა ღვთისმშობელსა გალობით გადიდებდეთ.
ქერუბიმთაებრ მრავალთვალებით განიცდი ღმრთისა დიდებასა, სანატრელო მამაო…
მღუდელმან აკმიოს.
ქერუბიმთაებრ მრავალთვალებით განიცდი ღმრთისა დიდებასა, სანატრელო მამაო, რომელიცა დაიმკვიდრე პირველთაგანვე განმზადებული შენებრ ღირსთათვის და ჩვენთვისცა ითხოვე მართალთა თანა სავანეობა.
ხმითა გალობისათა და სურვილითა სულისათა გევედრებით, ღმრთივსანატრელო მამაო, მამისაგან ზეცათასა გვითხოვე, რათა ხელი წყალობისა აღგვიპყრას და ხელთაგან ჰაერისმცველთასა გვიხსნას.
ჯეროვნად ევედრე ქრისტესა ღმერთსა, რათა ჯვარითა ცხოველსმყოფელითა დაგვიფაროს და ჯოჯოხეთისაგან ხსნილნი სასუფეველსა თვისსა ღირს გვყვნეს, ლოცვითა შენითა, მამაო ღმრთივსანატრელო.
სურვილით ევედრე სულსა წმიდასა ლოცვითა შენითა, პატიოსანო მამაო ანტონი, რაითა იგი ღმერთმთავარი გვიძღოდეს ქვეყანასა წრფელსა და საუკუნესა სუფევასა ღირს-ვიქმნეთ დამკვიდრებად.
ჰოი, ყოვლად წმიდაო ქალწულო მარიამ, ყოველთა ანგელოსთა და ღმერთშემოსილთა მამათა თანა ევედრე ქრისტესა ღმერთსა, რათა მივემთხვივნეთ შვენიერებათა მათ ზეცისათა და გვირგვინშემოსილნი ვუგალობდეთ საუკუნოდ.
წმიდაო ღმერთო, წმიდაო ძლიერო, წმიდაო უკვდავო, შეგვიწყალენ ჩვენ (3-გზის).
ყოვლადწმიდაო სამებაო, შეგვიწყალენ ჩვენ, უფალო, გვიხსენ და…
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ყოვლადწმიდაო სამებაო, შეგვიწყალენ ჩვენ, უფალო, გვიხსენ და გვილხინე ცოდავათა ჩვენთაგან,მეუფეო, შეგვინდევ უსჯულოებანი ჩვენნი, წმიდაო, მოიხილე და განჰკურნენ უძლურებანი ჩვენნი სახელისა შენისათვის.
უფალო შეგვიწყალენ (3-გზის).
მამაო ჩვენო, რომელი ხარ ცათა შინა, წმიდა…
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მამაო ჩვენო, რომელი ხარ ცათა შინა, წმიდა იყავნ სახელი შენი, მოვედინ სუფევა შენი, იყავნ ნება შენი, ვითარცა ცათა შინა, ეგრეცა ქვეყანასა ზედა, პური ჩვენი არსობისა მომეც ჩვენ დღეს, და მომიტევენ ჩვენ თანანადებნი ჩვენნი, ვითარცა ჩვენ მივუტევებთ თანამდებთა მათ ჩვენთა და ნუ შემიყვანებ ჩვენ განსაცდელსა, არამედ მიხსენ ჩვენ ბოროტისაგან.
რამეთუ შენი არს სუფევა, ძალი და დიდებაჲ…
მღუდელმან:
რამეთუ შენი არს სუფევა, ძალი და დიდებაჲ მამისა და ძისა და წმიდისა სულისა აწ და მარადის და უკუნითი უკუნისამდე.
ამინ.
მიწყალენ ჩუენ, უფალო, შემიწყალენ ჩვენ, რამეთუ ყოველსავე სიტყვის-მიცემისაგან უღონო ვართ, გარნა ამას ვედრებასა შენ, მეუფისა სახიერისა, ცოდვილნი ესე შევსწირავთ. მიწყალენ ჩუენ, უფალო, შეგვიწყალენ ჩუენ.
უფალო, შემიწყალენ ჩუენ, რამეთუ შენ გესავთ, ნუ…
დიდება მამასა და ძესა და წმიდასა სულსა.
უფალო, შემიწყალენ ჩუენ, რამეთუ შენ გესავთ, ნუ განმირისხდები ჩუენ ფრიად, და ნუცა მოიხსენებ უსჯულოებათა ჩუენთა, არამედ მოიხილე ჩუენზედა წყალობით, ვითარცა სახიერ ხარ, და გვიხსენ ჩუენ სამართლად რისხვისაგან შენისა, რამეთუ შენ ხარ ღმერთი ჩუენი, და ჩუენ ვართ ერნი შენნი, ყოველნივე ქმნულნი ხელითა შენთანი ვართ და სახელი შენი წოდებულ არს ჩუენზედა, და შემიწყალენ ჩუენ.
მოწყალების კარი განგვიღე, კურთხეულო ღმრთისმშობელო, რათა, რომელნი…
აწ და მარადის, და უკუნითი უკუნისამდე, ამინ.
მოწყალების კარი განგვიღე, კურთხეულო ღმრთისმშობელო, რათა, რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა.
შეგვიწყალენ ჩუენ, ღმერთო, დიდითა წყალობითა შენითა, კაცთმოყუარე…
უფალო შეგვიწყალენ (12-ჯერ). მღუდელმან:
შეგვიწყალენ ჩუენ, ღმერთო, დიდითა წყალობითა შენითა, კაცთმოყუარე, გევედრებით შენ, ისმინე ჩუენი და შეგვიწყალენ ჩუენ.
მერმეცა გევედრები შეწყალებისა, სიცოცხლისა, მშვიდობისა, სიმრთელისა, დღეგრძელობისა…
უფალო, შეგვიწყალენ (სამგზის).
მერმეცა გევედრები შეწყალებისა, სიცოცხლისა, მშვიდობისა, სიმრთელისა, დღეგრძელობისა, მყუდროებისა, განათლებისა, ცხოვრებისა, შეწევნისა, შენდობისა და ცოდვათა მიტევებისათვის მონათა და მჴევალთა შენთათვის (სახელები), რაჲთა დაიცვას უფალმან ღმერთმან ჩუენმან სამეუფო ქალაქი ესე და ყოველნი ქალაქნი და სოფელნი სიყმილისაგან, სრვისა, ძრვისა, დანთქმისაგან ცეცხლისა და მახვილისა, უცხოთესლთა ზედა-მოსლვისაგან, ბრძოლისა და სიკუდიდ-შემოსილისა წყლულებისა, რაჲთა მოწყალე გუექმნეს ჩუენ ღმერთი კეთილად დგომისათვის, სახიერებითა და კაცთმოყუარებითა თჳსითა და გარე-წარაქციოს რისხვა მარადდღე ჩუენდა მომავალი და გეიჴსნეს ჩუენ სამართლად ჩუენ ზედა-მოწევნულისა რისხვისაგან და შეგვიწყალნეს ჩუენ.
შეისმინე ჩუენი, ღმერთო, მაცხოვარო ჩუენო, სასოო ყოველთა…
უფალო, შეგვიწყალენ (40-გზის).
შეისმინე ჩუენი, ღმერთო, მაცხოვარო ჩუენო, სასოო ყოველთა კიდეთა ქუეყანისათა და ზღუათა და ჰაერთა შინა შორს მყოფთაო და მლხინებელ და მწყალობელ ექმენ, მეუფეო, შეცოდებათა ჩუენთა და შეგვიწყალენ ჩუენ;
რამეთუ მოწყალე და კაცთმოყუარე ღმერთი ხარ და შენდა დიდებასა აღვავლენთ მამისა და ძისა და სულისა წმიდისა აწ და მარადის და უკუნითი უკუნისამდე. ამინ.
მერმე და მერმე მუხლთ-მოდრეკით უფლისა მიმართ ვილოცოთ
მღუდელმან:
მერმე და მერმე მუხლთ-მოდრეკით უფლისა მიმართ ვილოცოთ.
ჰოი, ღირსო და სანატრელო მამაო ანტონი, რომელი…
უფალო, შეგვიწყალენ (სამგზის). ლოცვა მუხლმოდრეკით სათქმელი
ჰოი, ღირსო და სანატრელო მამაო ანტონი, რომელი აქა კრებულისაგან შორად მარტომყოფ იყავ და აწ ზოგად ყოველთა წმიდათა თანა დამკვიდრებულ ხარ, ტკბილო და საწადელო, ანგელოზთა შორის, მოქალაქეო ზეცისა იერუსალიმისაო, ღირსთა შორის გვირგვინო, წმიდათა შორის თვალო პატიოსანო და მრავალთა სასწაულთა მოქმედო და ღმრთისა მიმართ შუამდგომელო ყოველთა შენდა მვედრებელთაო, წმიდაო ანტონი, ყოვლად განათლებულითა ლოცვითა შენითა, მეოხ გვეყავ, შენგან შეყვარებულისა ქრისტეს ღმრთისა მიმართ, რომლისა წინაშე ბრწყინვალითა გვირგვინითა იხარებ საუკუნოდ, რათა მოგვმადლოს სიწმინდით მოქალაქეობა, სულიერ და ხორციელთა ვნებათაგან გათავისუფლება, წყლულთა განკურნება და ყოვლისა განსაცდელთაგან ხსნა, რომელსა ვუგალობთ, ვაქებთ, ვაკურთხევთ, თაყვანისვსცემთ და აღვამაღლებთ უკუნითი უკუნისამდე, ამინ.
ჰოი, ყოვლად სანატრელო მამაო ანტონი, რომელმან მოუძღვანე ქართველთა ხატი მაცხოვრისა ჩვენისა იესუ ქრისტესი და აღაგზენ გულსა შინა შენსა ცეცხლი სიყვარულისა და წინაშე მისსა დგახარ, ვითარცა ლამპარი ბრწყინვალედ აღნთებული, სამარადისოდ კადნიერება გაქვს წინაშე მისსა, მეოხ გვეყავ მვედრებელთა შენთა, ამინ.
სიბრძნით
მღუდელმან:
სიბრძნით.
უპატიოსნესსა ქერუბიმთასა და აღმატებით უზესთაესსა სერაბიმთასა, განუხრწნელად…
ყოვლადწმიდაო ღმრთისმშობელო, გვაცხოვნენ ჩვენ.
უპატიოსნესსა ქერუბიმთასა და აღმატებით უზესთაესსა სერაბიმთასა, განუხრწნელად მშობელსა სიტყვისა ღმრთისასა, მხოლოსა ღმრთისმშობელსა გალობით გადიდებდეთ.
დიდება მამასა და ძესა და წმიდასა სულსა…
დიდება შენდა, ქრისტე ღმერთო, სასოებაო ჩვენო, დიდება შენდა.
დიდება მამასა და ძესა და წმიდასა სულსა, აწ და მარადის და უკუნითი უკუნისამდე.ამინ.
უფალო, შეგვიწყალენ (სამგზის).
სახელითა უფლისათა უწმიდესო და უნეტარესო მეუფეო, გვაკურთხენ.
მკუდრეთით აღდგომილმან ქრისტემან ჭეშმარიტმან ღმერთმან ჩუენმან მეოხებითა ყოვლადუხრწნელისა დედოფლისა ჩუენისა ღმრთისმშობელისა და მარადის ქალწულისა მარიამისაჲთა, ძლიერებისა პატიოსნისა და ცხოველსმყოფელისა ჯუარისაჲთა, ჯუარისა ნინოჲსითა და ჯუარისა მცხეთისაჲთა, ზეგარდამოქსოვილისა კუართისა უფლისაჲთა და ღმრთივბრწყინვალისა სუეტისა ცხოველისაჲთა მირონმდინარისა, მეოხებითა პატიოსანთა უჴორცოთა ზეცისა ძალთაჲთა: პატიოსნისა, დიდებულისა წინაჲსწარმეტყუელისა, წინამორბედისა და ნათლისმცემელისა იოანესითა, წმიდისა დიდისა წინაჲსწარმეტყუელისა ილია თეზბიტელისაჲთა, წმიდათა დიდებულთა და ყოვლადქებულთა მოციქულთა; წმიდისა მოციქულთა სწორისა ნინო ქართველთა განმანათლებელისათა; მღვდელთმთავართა, მოწამეთა, ღირსთა და ღმერთშემოსილთა მამათა ჩუენთა და წმიდათა და მართალთა მშობელთა ღმრთისმშობელისაითა იოაკიმ და ანნასითა და ყოველთა წმიდათა გვიწყალნეს და გუაცხოვნეს ჩუენ, ვითარცა სახიერ არს და კაცთმოყუარე.
უფალო, შეგვიწყალენ (სამგზის)
ამინ!
უფალო, შეგვიწყალენ (სამგზის).