დიდი მწუხრი

მკითხველი

საწყისი ლოცვები

ლოცვითა წმიდათა მამათა ჩვენთათა, უფალო იესო ქრისტე, ღმერთო ჩვენო, შეგვიწყალენ ჩვენ. ამინ.

დიდება შენდა, ღმერთო ჩვენო, დიდება შენდა.

აკურთხევს სული ჩემი უფალსა. უფალო ღმერთო ჩემო, განსდიდენ ფრიად; აღსარებაჲ და დიდადშუენიერებაჲ შეიმოსე.

შეიმოსე ნათელი, ვითარცა სამოსელი; გარდაჰფინენ ცანი, ვითარცა ტყავი.

დიაკონი

მშვიდობით უფლისა მიმართ ვილოცოთ.
უფალო, შეგვიწყალენ.

ზეგარდამო მშვიდობისა და ცხოვრებისათვის სულთა ჩვენთასა, უფლისა მიმართ ვილოცოთ.
უფალო, შეგვიწყალენ.

მშვიდობისათვის ყოვლისა სოფლისა, კეთილად დგომისათვის წმიდათა ღმრთისა ეკლესიათა და ყოველთა ერთობისათვის, უფლისა მიმართ ვილოცოთ.
უფალო, შეგვიწყალენ.

ნეტარ არს კაცი, რომელი არა მივიდა ზრახვასა უღმრთოთასა. ალილუია.

საზოგადო აღდგომა პირველ ვნებისა შენისა სარწმუნო-ჰყავ, რამეთუ მკვდრეთით აღადგინე ლაზარე, ქრისტე ღმერთო.

მღვდელი

დიდება შენდა, ქრისტე ღმერთო, სასოებაო ჩვენო, დიდება შენდა.