გულანი
საცდელი · 1.37.0
საღმრთო ლიტურგია 1 / 210მოსახსენებელად უფლისა: ვითარცა ცხოვარი: დაიკლვის: ერთმან მჴედართაგანმან

საღმრთო ლიტურგია

დიდი ხუთშაბათი

29 აპრილი 2027ხმა 6

დღის ხსენებანი (1)
  • დიდი ხუთშაბათი
ამ დღის ყველა ხსენება saint.ge-ზე

მოსახსენებელად უფლისა: ვითარცა ცხოვარი: დაიკლვის: ერთმან მჴედართაგანმან

პირველ შეწირულისა. წმიდასა და დიდსა ორმეოცსა, რაჟამს ეგულვებოდეს მღუდელსა ყოფად პირველ შეწირული, ჰკვეთოს კჳრიაკესა, და ჰყოს ჩვეულებისაებრ, და შემდგომად კვეთისა პირველისა პურისა და დაკლვისა, და განღებისა, ჰკვეთოს მეორე პური, და ჰსთქვას თჳთოეულსა ზედა ესე:

მოსახსენებელად უფლისა: ვითარცა ცხოვარი: დაიკლვის: ერთმან მჴედართაგანმან:

ჰყავ უკუე პური ესე: ერთისათჳს, რამეთუ ერთი…

ეგრეთვე შთაასხამს წმიდასა შინა სასმისსა ღჳნოსა და წყალსა, და იტყჳს ჩვეულებისაებრ, და დააფარებს სამღდელოჲთა დაფარნითა, და უკმევს, და იტყჳს ლოცვასა წინა დაგებულისასა, და ესრეთ იწყების საღმრთო ლიტურღია, და აღესრულების ვითარცა ჩვეულება არს. ხოლო რაჟამს ენებოს კურთხევა პურისა შემდგომად მოწოდებისა სულისა წმიდისა, ჰსთქვას: და

ჰყავ უკუე პური ესე: ერთისათჳს, რამეთუ ერთი არს ქრისტე, და არა პურნი ესე, მრავალ რიცხვად არა ჰსთქვას. და რაჟამს ეგულვებოდეს ამაღლება ტარიგთა, აღამაღლოს ყოველი ერთად, და განჰყოს შეწირული პირველი პური, და ჰშთაასვენოს ნაწილი წმიდასა შინა სასმისსა, და შთაასხას მდუღარება, ვითარცა ჩვეულება არს.

უფლისა მიმართ ვილოცოთ, თჳთოეულსა სამკაულსა ზედა იტყჳს

ეგრეთვე აღიღებს წმიდასა კოვზსა მარჯვენისა ჴელითა, დალტობილსა წმიდასა შინა სისხლსა, ხოლო მარცხენისა ჴელითა მიიღებს თჳთოეულსა პურსა, და აღმოიღებს წმიდასა კოვზსა წმიდით სისხლით დალტობილსა, და ჰშთაუშვებს მას წმიდასა პურსა შინა ჯუარის სახედ, ქვეშე კერძო დასახულისა მის ჯუარისა, ლბილსა მას შინა, და შთაჰსდებს სანაწილესა. ეგრეთვე მიიღებს მეორესა, და ჰყოფს ეგრეთვე თჳთეულსა ზედა, და დაჰკრძალავს მათ ყოველთა სანაწილესა შინა. შემდგომ მღდელი ილოცავს და ეზიარების, ვითარცა ჩვეულება არს, და აღესრულების საღმრთო მღდელ-მოქმედება განწესებისაებრ. ხოლო რაჟამს ეგულვებოდეს მღდელსა მოქმედებად პირველ შეწირულისა, შევალს წმიდასა შინა საკურთხეველსა შეიმოსს სამღდელოსა სამკაულსა, ჯუარსა დასახავს, და ემთხვევის მხოლოდ, არა რაჲსა მთქმელი გარნა,

უფლისა მიმართ ვილოცოთ, თჳთოეულსა სამკაულსა ზედა იტყჳს.

გუაკურთხენ, მეუფეო

და ისწავებს დიაკონი ჟამსა და განვალს, და დაჰსდგების ჩვეულებისაებრ ადგილსა, და იტყჳს:

გუაკურთხენ, მეუფეო.

კურთხეულ არს მეუფება, მამაისა, და ძისა და…

ხოლო მღდელმან ასამაღლებელი:

კურთხეულ არს მეუფება, მამაისა, და ძისა და წმიდისა სულისა, აწ და მარადის და უკუნითი უკუნისამდე.

მოვედით თაყუანის-ვსცეთ

და მეყუსეულად მკითხველმან:

მოვედით თაყუანის-ვსცეთ:

ჭირსა ჩემსა: და იქმნების თაყუანის-ცემა ალილუიასა ზედა…

გ-გზის. და ითქუმის წინა დასაწყისი ფსალმუნი, ხოლო მღდელი წარიკითხავს ლოცვათა განმანათლებელთათა, რომელ არიან მწუხრისანი, მეოთხე ლოცვითგან, ვინაჲთგან პირველნი სამნი ლოცვანი წარიკითხვიან შემდგომად კუერექსებისა. ოდესცა ფსალმუნი აღსრულდების, დიაკონი იტყჳს დიდსა კუერექსსა. და შემდგომად ასამაღლებელისა ვფსალმუნებთ:

ჭირსა ჩემსა: და იქმნების თაყუანის-ცემა ალილუიასა ზედა. ხოლო თჳთოეულსა აღსავალსა, ითქუმის კუერექსი მცირე, დიაკონის მიერ, და ასამაღლებელი მღდელის მიერ. ხოლო დაწყებასა ფსალმუნისას შევალს მღდელი წმიდასა შინა საკურთხეველსა, განსხნის წმიდა ოდიკსა და აღმოიღებს პირველ შეწირულსა პურსა სანაწილისაგან, და დაჰსდებს კრძალულებითა მრავლითა, წმიდასა ზედა ფეშხუმსა, უკმევს გარემო გ-გზის და წარასვენებს სამკვეთლოსა ზედა, და შთაასხამს წმიდასა შინა სასმისსა ღჳნოსა და წყალსა ჩვეულებისაებრ, არა რაჲსა მთქმელი, და მიიღებს სასაკმეველესა, უკმევს ვარსკვლავსა, და დაფარნათა დააფარებს, არა რაჲსა მთქმელი, არცა ლოცვასა წინა დაგებისასა, არამედ:

ლოცვითა წმიდათა მამათა ჩუენთათა, უფალო იესო ქრისტე ღმერთო ჩუენო, შეგჳწყალენ ჩუენ. (ხოლო უკუეთუ მცხეთა-თბილისის ეპარქია იყოს ასე ითქმის: ლოცვითა უწმიდესისა და უნეტარესისა მეუფისა ჩუენისა უფალო იესო ქრისტე ღმერთო ჩუენო შეგვიწყალენ ჩუენ. ხოლო თუ სხვა ეპარქია იყოს და საკათედრო ტაძარში აღესრულებოდეს წირვა განახლებისა მაშინ მღდელი იტყვის: ლოცვითა ყოვლადუსამღვდელოესისა (ან მაღალყოვლადუსამღვდელოესისა) მეუფისა ჩუენისათა უფალო იესო ქრისტე ღმერთო ჩუენო შეგჳწყალენ ჩუენ, და უკუეთუ ეპარქიის საკათედრო ტაძარი არ იყოს მაშინ: ლოცვითა წმიდათა მამათა ჩუენთათა...)

უფალო ღაღად-ვჰყავსა: ჴმასა ზედა თჳთ ჴმოანსა დღისასა…

რამეთუ პირველ შეწირულ არს, და აღსრულებულ ესე ძღუენი. შემდგომად კანონისა,

უფალო ღაღად-ვჰყავსა: ჴმასა ზედა თჳთ ჴმოანსა დღისასა. აღვიღებთ მუხლთა ი და ბ-გზის თჳთ-ჴმოანი, ეგრეთვე მოწამეთა, და გ მსგავსადნი მარხვისანი, და გ თთვენისა, ერთი მუჴლი ბ-გზის, დიდება, აწდა, ღმრთის-მშობელისა. გამოსლვა თჳნიერ სახარებისა. ხოლო რაჟამს ეგულვებოდეს წარკითხვა სახარებისა, დღესასწაულსა ეკლესიისასა, გინა წმიდისასა, მაშინ გამოსლვასა ვჰყოფთ სახარებითა.

სიბრძნით, აღემართენით

დიაკონმან

სიბრძნით, აღემართენით.

ნათელი მხიარული

მგალობელთა

ნათელი მხიარული.

მოხედენ

დიაკონმან

მოხედენ.

მშჳდობა ყოველთა

მღდელმან

მშჳდობა ყოველთა.

სიბრძნით

დიაკონმან

სიბრძნით.

წარდგომა: და შექმნათა საკითხავი: და მეორე წარდგომა

მკითხველმან

წარდგომა: და შექმნათა საკითხავი: და მეორე წარდგომა:

მკითხველი

გამ. 19:10–19

რიგისა

19:10 10. ხოლო უფალი ეტყოდა მოსეს: შთავედ და უწამე ერსა და განწმდენ იგინი დღეს და ხვალე და განირცხნენ სამოსელნი მათნი.

11 11. და იყვნენ მზა დღესა მესამესა, რამეთუ დღესა მესამესა გარდამოვიდეს უფალი მთასა ზედა სინასა წინაშე ყოვლისა ერისა.

12 12. და განაყენო ერი გარემოჲს მეტყუელმან: ეკრძალენით თავთა თქუენთა აღსლვად მთად და შეხებად რასმე მისსა. ყოველი, რომელი შეეხოს მთასა, სიკუდილითა აღესრულოს.

13 13. არა შეეხოს მას ჴელი, რამეთუ ქვითა დაიქოლოს, ანუ სატყორცნითა განიშურდლოს, უკუეთუ საცხოვარი, უკუეთუ კაცი არა ცხოვნდეს, რაჟამს ჴმანი და საყჳრნი და ღრუბელი წარვიდენ მთით, მაშინ აღვიდენ იგინი მთად.

14 14. და შთამოვიდა მოსე მთით ერისა მომართ და განწმიდნა იგინი და განირსხნეს სამოსელნი მათნი.

15 15. და ჰრქუა ერსა: იყვენით მზა, სამთა დღეთა ნუ შეხუალთ დედაკაცისა.

16 16. ხოლო იყო მესამესა დღესა, იქმნა რაჲ ცისკარი, იქმნეს ჴმანი და ელვანი და ღრუბელი ალმურიანი მთასა ზედა სინასა, ჴმაჲ საყჳრისა ოხრიდა დიდად და შეშინდა ყოველი ერი ბანაკსა შინა.

17 17. განიყვანა მოსემან ერი შემთხუევად ღმრთისა გარეშე ბანაკისა და წარდგეს წინაშე მთისა.

18 18. ხოლო მთაჲ სინა მკმოლვარე იყო ყოვლად გარდამოსლვისათჳს ღმრთისა მას ზედა ცეცხლითა. და აღვიდოდა კუამლი ვითარცა კუამლი საჴუმილისა.

19 19. და განკჳრდა ყოველი ერი ფრიად და იყვნეს ჴმანი იგი საყჳრისანი, რაოდენ ვიდოდეს, უძლიერეს იქმნებოდეს ფრიად და მოსე იტყოდა, ხოლო ღმერთი მიუგებდა მას ჴმითა.

იობ. 38:1–23; 42:1–5

რიგისა

38:1 ჰრქუა უფალმან იობს არმურით გამო და ღრუბლით:

2 ვინ არს ესე, რომელი მიმალავს სიტყუათა, და შეუკრებიან ზრახვანი გულსა თჳსსა, და ჩემგან ჰგონებს დაფარვასა?

3 შეირტყენ ვითარცა მამაკაცმან წელნი შენნი, მე გკითხვიდე და შენ მომიგებდ მე.

4 სადა იყავ, რაჟამს დავაფუძნებდ მე ქუეყანასა? მითხარ მე, უკუეთუ იცი გულისჴმის-ყოფაჲ.

5 ვინ დადვა საზომი მისი, უკუეთუ იცი? ან ვინ მოიღო საზომი მის ზედა?

6 ანუ რასა ზედა კარშიკნი მისნი დამსჭუალულ არიან? ანუ ვინ არს, რომელმან დადვა ლოდი იგი საკიდური მის ზედა?

7 ოდეს იქმნნეს ვარსკულავნი, მიქებდეს მე ჴმითა დიდითა ყოველნი ანგელოზნი ჩემნი.

8 და-უკუე-ვჰჴაშ ზღუაჲ ბჭეებითა, რაჟამს-იგი იშუებოდა, დედის მუცლით გამო-რა-ვიდოდა.

9 დავსდევ მას ზედა ღრუბელი სამოსლად და ნისლითა წარვგრაგნე იგი.

10 დავსცენ მას ზედა საზღვარნი და დავაგენ მას კლიტენი და ბჭენი.

11 და ვარქუ: აქამომდე მოხჳდე და არა გარდაჰჴდე, არამედ შენ ზედვე შეიმუსრნენ ღელვანი შენნი.

12 ანუ შენ ზედა დავაწესე ნათელი განთიადისა, და მთიებმან იცნა თჳსი იგი წესი

13 მიწევნად ფრთეთა ქუეყანისათა, და განბნევად უღელნი მისგან?

14 ანუ შენ მოიდე მიწაჲ ქუეყანით და თიჴაჲ შეჰქმენ ცხოვლად და პირმეტყუელად და დაადგინე ქუეყანასა ზედა?

15 ანუ შენ მოუღე ნათელი უღმრთოთა, და მკლავნი ამპარტავანთანი შენ შეჰმუსრენ?

16 მი-მე-სრულ ხარა წყაროსა მას ზღჳსასა, ანუ კუალსა უფსკრულთასა სრულ ხარა?

17 გან-მე-გეხუნენა შიშით ბჭენი სიკუდილისანი, ანუ მეკარეთა ჯოჯოხეთისათა გიხილონ და შეძრწუნდენ?

18 ანუ სწავლულ ხარა სივრცესა ცასა ქუეშე? მითხარ მე: ვითარმე, ანუ რაბამ არს?

19 რომელსა ადგილსა იქცევის ნათელი, ანუ რომელი ადგილი არს ბნელისაჲ?

20 მი-ხოლო-თუ-მიიყვანო საზღვართა მისთა, გინათუ იცნი ალაგნი მისნი?

21 მეცნიერმე ხარა? ვინ უწყის, მაშინ შობილ იყო და რიცხუნი წელთა შენთანი ფრიად იყუნეს?

22 მი-მე-სრულ ხარა საუნჯეთა თოვლისათა, გიხილვანა საუნჯენი სეტყუათანი?

23 რამეთუ დაუუნჯებულ არიან დღედ მტერთა, დღედ ბრძოლისა და ლალვისა.

42:1 მიუგო იობ და ჰრქუა უფალსა:

2 ვიცი, რამეთუ ყოველივე ძალ-გიც და შეუძლებელ არა რაჲ არს შენ მიერ.

3 ვინმე არს, რომელი გიმალავს შენ ზრახვასა? ერიდებოდის სიტყუათა და შენგან ჰგონებდეს დაფარვას? ვინ მომითხრას მე, რომელმან არა ვიცოდე დიდ-დიდნი და საკჳრველნი, რომელ არა უწყოდე.

4 ისმინე ჩემი, უფალო! რათა მეცა ვიტყოდე. მე გკითხო შენ და შენ მასწაო მე.

5 ჰამბავით ყურთა მესმინა შენთჳს პირველ და აწ თუალმან ჩემმან გიხილა შენ.

ეს. 50:4–11

რიგისა

50:4 უფალმან, უფალმან მცეს მე ენა სწავლულებისა ცნობად, ოდეს ჯერარს თქუმად სიტყჳსა, დამდვა მე განთიად, შემძინა მე ყური სმენად.

5 და სწავლა უფლისაჲ განახუამს ყურთა ჩემთა, ხოლო მე არა ურჩ ვარ, არცა ვაცილობ.

6 ზურგი ჩემი მივეც გუემათა და ღაწუნი ჩემნი ყურმილის-ცემათა, ხოლო პირი ჩემი არ განვაყენე სირცხჳლისაგან ნერწყუვათასა.

7 და უფალი შემწე ჩემდა იქმნა, ამისთჳს არა მრცხუენა, არამედ დავდევ პირი ჩემი, ვითარცა მყარი კლდე, და ვაგრძენ, ვითარმედ არა მრცხუენეს,

8 რამეთუ მახლობელ არს განმამართლებელი ჩემი, ვინ არს მოსაჯული ჩემი? წინააღმიდეგინ მე და ვინ არს განმკითხველ ჩემდა? მომეახლენ მე.

9 აჰა, უფალი შემეწევის მე. ვინ განმაბოროტოს მე? აჰა, ყოველნი თქვენ, ვითარცა სამოსელი, დასძუელდეთ და ვითარცა მღილმან, შეგჭამნეს თქუენ.

10 ვინ არს თქუენ შორის მოშიში უფლისაჲ? ისმინედ ჴმისა მონისა მისისა, რომელნი ვლენან ბნელსა შინა, არა არს მათდა ნათელი. ესევდით სახელისა მიმართ უფლისა და განმტკიცდით ღმრთისა მიმართ.

11 აჰა, ყოველნი თქუენ ცეცხლსა აღაგზებთ და განაძლიერებთ ალსა. ვიდოდეთ ნათლითა ცეცხლისა თქუენისაჲთა და ალითა, რომელი აღაგზენით ჩემთჳს. იქმნეს თქუენდა ესენი, მწუხარებასა შინა დაიძინოთ.

1 კორ. 11:23–32 · დას. 149

რიგისა

11:23 რამეთუ მე მოვიღე უფლისაგან, რომელიცა მიგეც თქუენ, რამეთუ უფალი იესუ ქრისტე ღამესა მას რომელსა მიეცემოდა, მოიღო პური.

24 ჰმადლობდა, განტეხა და თქუა: მიიღეთ და ჭამეთ; ესე არს ჴორცი ჩემი, თქუენთჳს განტეხილი; ამას ჰყოფდით მოსაჴსენებელად ჩემდა.

25 ეგრეთვე სასუმელი იგი შემდგომად სერობისა, და თქუა: ესე სასუმელი ახალი რჩული არს სისხლისა ჩემისაჲ; ამას ჰყოფდით, რაოდენ-გზისცა სუმიდეთ, ჩემდა მოსაჴსენებელად.

26 რამეთუ რაოდენ-გზისცა შჭამდეთ პურსა ამას და სუმიდეთ სასუმელსა ამას, სიკუდილსა უფლისასა მიუთხრობდით, ვიდრემდის მოვიდეს.

27 ამიერითგან, რომელი ჭამდეს პურსა ამას და სუმიდეს სასუმელსა ამას უფლისასა უღირსებით, თანა-მდებ არს იგი ჴორცსა და სისხლსა უფლისასა.

28 გამო-ღა-იცადენ კაცმან თავი თჳსი და ესრეთ პურისა მისგან ჭამენ და სასუმელისა მისგან სუნ.

29 ხოლო რომელი არა ღირსად ჭამდეს და სუმიდეს, დასაშჯელად თავისა თჳსისა ჭამს და სუამს, რამეთუ არა გამოიკითხნა ჴორცნი უფლისანი.

30 ამისთჳს მრავალ არიან თქუენ შორის უძლურ და სნეულ, და წვანან მრავალნი.

31 რამეთუ უკუეთუმცა თავთა თჳსთა განვიკითხევდით, არამცა განვიკითხენით.

32 ხოლო გან-თუ-ვიკითხვით, უფლისა მიერ განვისწავლებით, რაჲთა არა სოფლისა თანა დავისაჯნეთ.

2 კორ. 6:1–10 · დას. 181

ქალწულმოწ.

6:1 ხოლო თანა-შეგეწევით და გლოცავთ, რაჲთა არა ამაოდ მადლი იგი ღმრთისაჲ შეიწყნაროთ თქუენ.

2 რამეთუ იტყჳს: ჟამსა შეწყნარებისასა ვისმინე შენი და დღესა ცხორებისასა შეგეწიე შენ. აჰა ესერა, აწ არს ჟამი იგი შეწყნარებისაჲ, აჰა ესერა აწ არს დღე იგი ცხორებისაჲ.

3 ნურაჲვინ ნურარაჲთ ნუცა ერთსა დაბრკოლებასა ვის სცემთ, რაჲთა არა იგმოს მსახურებაჲ ეგე თქუენი,

4 არამედ ყოველსა შინა წარუდგინენით თავნი თქუენნი, ვითარცა ღმრთისა მსახურთა, მოთმინებითა მრავლითა, ჭირთა შინა და ურვათა, იწროებათა შინა

5 და ტანჯვათა, პყრობილებათა შინა და შფოთებათა, შრომითა და მღჳძარებითა, მარხვითა

6 და სიწმიდითა, მეცნიერებითა და სულგრძელებითა, სიტკბოებითა და სულითა წმიდითა, სიყუარულითა შეუორგულებელითა,

7 სიტყჳთა ჭეშმარიტებისაჲთა, ძალითა ღმრთისაჲთა, საჭურველითა მით სიმართლისაჲთა მარჯუენისაჲთა და მარცხენისაჲთა,

8 დიდებითა და გინებითა, გმობითა და ქებითა; ვითარცა მაცთურნი და ჭეშმარიტნი;

9 ვითარცა უცნაურნი და საცნაურნი; ვითარცა მოსიკუდიდნი, და აჰა ესერა ცხოველ ვართ; ვითარცა სწავლულნი, და არა სიკუდიდნი;

10 ვითარცა მწუხარენი, და მარადის გჳხარის; ვითარცა გლახაკნი, და მრავალთა განვამდიდრებთ; ვითარცა არარაჲ გუაქუს, და ყოველივე გუაქუს.

ჰბრძანეთ

და მერმე მაღლისა ჴმითა დიაკონმან:

ჰბრძანეთ.

სიბრძნით, აღემართენით

ხოლო მღდელი აღიღებს ორითავე ჴელითა სასაკმეველსა, და სასანთლესა სანთლითა, დასდგების წინაშე წმიდისა ტრაპეზისა, მხედველი აღმოსავალად, და გამოსახავს ჯუარსა, და იტყჳს:

სიბრძნით, აღემართენით.

ნათელი ქრისტესი განგანათლებს ყოველთა

ეგრეთვე მოიქცევის დასავალად, ერისა მიმართ და იტყჳს:

ნათელი ქრისტესი განგანათლებს ყოველთა.

იგავთა საკითხავი

მკითხველმან

იგავთა საკითხავი.

მოხედენ

დიაკონმან

მოხედენ.

მშჳდობა შენდა

და წარიკითხვის იგავთაგან. და შემდგომ საკითხავის აღსრულებისა ჰსთქვას მღდელმან:

მშჳდობა შენდა.

სიბრძნით

დიაკონმან

სიბრძნით.

წარემართენ ლოცვა ჩემი, ვითარცა საკუმეველი შენ წინაშე…

მკითხველი იგალობებს:

წარემართენ ლოცვა ჩემი, ვითარცა საკუმეველი შენ წინაშე, აღპყრობა ჴელთა ჩემთა - მსხუერპლ სამწუხროდ.

უფალო, ღაღად-ვჰყავ შენდამი, ისმინე ჩემი, მოჴედენ ჴმასა…

და შემდგომად მკითხველისა გალობისა, მგალობელთა იგალობონ იგივე. ესრეთ მკითხველმან: მუჴლი ა

უფალო, ღაღად-ვჰყავ შენდამი, ისმინე ჩემი, მოჴედენ ჴმასა ლოცვისა ჩემისასა, ღაღადებასა ჩემსა შენდამი.

წარემართე ლოცვა ჩემი

მგალობელთა

წარემართე ლოცვა ჩემი:

დაჰსდევ, უფალო, საცო პირსა ჩემსა, და კარი…

მკითხველმან მუჴლი ბ

დაჰსდევ, უფალო, საცო პირსა ჩემსა, და კარი ძნელი ბაგეთა ჩემთა.

წარემართე ლოცვა ჩემი

მგალობელთა

წარემართე ლოცვა ჩემი:

ნუ მისდრეკ გულსა ჩემსა სიტყუათა მიმართ უკეთურებისათა…

მკითხველმან მუჴლი გ

ნუ მისდრეკ გულსა ჩემსა სიტყუათა მიმართ უკეთურებისათა, მიზეზებად მიზეზთა ცოდვისათა.

წარემართე ლოცვა ჩემი

მგალობელთა

წარემართე ლოცვა ჩემი:

წარემართე ლოცვა ჩემი ვითარცა საკმეველი შენ წინაშე

და კვალად მკითხველმან იგალობოს:

წარემართე ლოცვა ჩემი ვითარცა საკმეველი შენ წინაშე:

აღპყრობა ჴელთა ჩემთა

მგალობელთა

აღპყრობა ჴელთა ჩემთა:

წარემართე ლოცვა ჩემი ვითარცა საკმეველი შენ წინაშე…

შუენის უწყებად რაჟამს მკითხველი გალობდეს

წარემართე ლოცვა ჩემი ვითარცა საკმეველი შენ წინაშე: ყოველნი ერნი, მყოფნი ეკლესიასა შინა და საკურთხეველსა, მოსდრკებიან მუჴლთა ზედა ვედრებად. ხოლო რაჟამს იწყონ: აღპყრობა ჴელთა ჩემთა: აღსდგებიან, ხოლო შემდგომთა მუჴლთა წარემართეთა გალობისათა, ოდეს რომლისაცა კერძოსა მგალობელნი გალობდენ ყოველნი მუნ კერძოსანი ერნი მდგომარე არიან, ხოლო მეორე მგალობელნი და მის კერძონი მოსდრკებიან მუჴლთა ზედა. ხოლო მღდელი დასდგების საკურთხეველსა შინა წინაშე წმიდისა ტრაპეზისა, მიიღებს სასაკმეველსა საკმეველითა და უკმევს. ხოლო უკანასკნელსა წარემართესა ზედა, მისცემს სასაკმეველსა, და თჳთ მღდელი მოსდრკების მუჴლთა ზედა ვედრებად. შემდგომად აღსრულებისა წარემართესისა ვჰყოფთ თაყუანის-ცემასა გ-გზის. ესრეთ დიაკონმან ჰსთქვას კუერექსი:

ვსთქვათ ყოველთა ყოვლითა სულითა: და შემდგომი. ხოლო დიდსა გამოსლვასა:

აწძალნი ცათანისასა:

აწ ძალნი ცათანისა, ვჰყოფთ თაყუანის-ცემასა გ-გზის, მყოფნი…

ლოცვა ქერუბიმთასა არა ითქუმის, არამედ აკმევს მღდელი, და იტყჳს ნ ფსალმუნსა, და შემდგომად გამოსვენებისა წმიდისა ძღუენისა და აღსრულებისა,

აწ ძალნი ცათანისა, ვჰყოფთ თაყუანის-ცემასა გ-გზის, მყოფნი ქუდ მოჴდილ. ხოლო მღდელი აღიღებს დაფარნათა წმიდათაგან ძღუენთა, და დააფარებს დიდსა დაფარნასა. რაჟამს ეგულვებოდეს ამაღლება წმიდისა პურისა, არა აღჰჴდის სიწმიდეთა, არამედ მასვე დაფარნასა შინა ქვეშე საღმრთოსა მყოფსა ძღუენსა არა აღიღებს მღდელი ჴელითა თჳსითა, არამედ შეეხების საღმრთოსა პურსა კრძალულებითა და შიშითა.

მოხედენ

და ოდეს იტყჳს დიაკონი:

მოხედენ.

პირველ შეწირული წმიდა წმიდათა

ჴმამაღლად მღდელმან:

პირველ შეწირული წმიდა წმიდათა.

და შემდგომი წესისაებრ, და აღესრულების წმიდა ლიტურღია…

და შემდგომი წესისაებრ, და აღესრულების წმიდა ლიტურღია, ვითარცა განწესებით უჩენს.

გუაკურთხენ, მეუფეო

პირველ შეწირულისა დიაკონი ჩვეულებისაებრ დაჰსდგების ამბიონსა ზედა და იტყჳს მაღლითა ჴმითა:

გუაკურთხენ, მეუფეო.

კურთხეულ არს მეუფება, მამისა და ძისა და…

მღდელი მდგომარე წინაშე წმიდისა ტრაპეზისა საკურთხეველსა შინა იტყჳს მაღლისა ჴმითა:

კურთხეულ არს მეუფება, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

მოვედით თაყუანის-ვჰსცეთ: გ-გზის.

მშჳდობით უფლისა მიმართ ვილოცოთ

და წინა დასაწყისი ფსალმუნი, და შემდგომად ფსალმუნისა იტყჳს დიაკონი კუერექსსა:

მშჳდობით უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

ზეგარდამო მშჳდობისა, და ცხოვრებისათჳს სულთა ჩუენთასა, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

მშჳდობოსათჳს ყოვლისა სოფლისა, კეთილად დგომისათჳს წმიდათა ღმრთისა ეკლესიათა, და ყოველთა ერთობისათჳს, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

წმიდისა ამის ტაძრისათჳს (ანუ მონასტრისა) სარწმუნოებითა, სასოებითა და შიშითა ღმრთისათა შემავალთა ამას შინა, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

უწმიდესისა და უნეტარესისა სრულიად საქართველოს კათოლიკოს-პატრიარქისა, და მცხეთა-თბილისის მთავარ-ეპისკოპოსისა, დიდისა მეუფისა, მამისა ჩუენისა ილიასათჳს, (აქა მოიჴსენე მმართველი მღდელთმთავარი) პატიოსანთა მღდელთა, ქრისტეს მიერ დიაკონთა, და ყოვლისა სამღდელოჲსა დასისა და ერისა მისისათჳს უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

ღმრთივ-დაცულისა ერისა ჩუენისა, მთავრობისა და მხედრობისა მისისათჳს, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

სამეუფოჲსა ქალაქისა ამას ჩუენისა და წმიდისა ამის ტაძრისა (უკუეთუ იყოს მონასტერი, - წმიდისა ამის მონასტრისა) , და ყოვლისა ქალაქისა და სოფლებისათჳს, და სარწმუნოებით მკჳდრთა მათ შინა, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

კეთილ შეზავებისათჳს ჰაერთასა, კეთილ გამოღებისათჳს ნაყოფთა ქუეყანისათა, და ჟამთა მშჳდობისათჳს, უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

მენავეთა, მოგზაურთა, სნეულთა, მშრომელთა, ტყუეთა, ჴსნისა და ცხოვრებისა მათისათჳს უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

ჴსნად ჩუენდა ყოვლისაგან ჭირისა, რისხვისა და იწროებისა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

შეგუეწიენ, გუაცხოვნენ, შეგჳწყალენ და დაგჳცვენ ჩუენ, ღმერთო, შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

ყოვლად წმიდისა, უხრწნელისა, უფროსად-კურთხეულისა, დიდებულისა დედუფლისა ჩუენისა ღმრთის-მშობელისა და მარადის ქალწულისა მარიამისა, და ყოველთა წმიდათა მომჴსენებელთა, თავნი თჳსნი და ურთიერთას, და ყოველი ცხოვრებაჲ ჩუენი ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

შუენის შენდა ყოველი დიდება, პატივი და თაყუანის-ცემა…

ასამაღლებელი: რამეთუ

შუენის შენდა ყოველი დიდება, პატივი და თაყუანის-ცემა, მამისა და ძისა და წმიდისა სულისა, აწ და მარადის და უკუნითი უკუნისამდე;

ამინ

მგალობელთა

ამინ.

უფალო, წყალობითა და მოწყალებითა, სულ-გრძელო და მრავალ-მოწყალეო…

ლოცვა პირველისა აღსავლისა

უფალო, წყალობითა და მოწყალებითა, სულ-გრძელო და მრავალ-მოწყალეო, ყურად იღე ლოცვა ჩუენი, და მოჰხედენ ჴმასა ვედრებისა ჩუენისასა, ჰყავ ჩუენთანა სასწაულ კეთილ, წარმიძეღუ ჩუენ გზათა შენთა, რათა ვიდოდეთ ჭეშმარიტებითა შენითა, ახარე გულთა ჩუენთა შიშითა სახელისა შენისა წმიდისათა, რამეთუ დიდ ხარ შენ, და მოქმედი საკჳრველებათა, შენ ხარ ღმერთი მხოლო, და არა ვინ არს მსგავს შენდა ღმერთთა შორის, უფალო, ძლიერი წყალობითა, და სახიერი ძლიერებითა შეწევნად, და ნუგეშინის-ცემად, და ცხოვრებად ყოველთა მოსავთა სახელისა შენისა მიმართ წმიდისა:

მერმე და მერმე მშჳდობით უფლისა მიმართ ვილოცოთ

დიაკონმან:

მერმე და მერმე მშჳდობით უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

შეგუეწიენ, გუაცხოვნენ, შეგჳწყალენ და დაგჳცვენ ჩუენ, ღმერთო, შენითა მადლითა.

უფალო, შეგვიწყალენ

მგალობელთა

უფალო, შეგვიწყალენ.

ყოვლად წმიდისა, უხრწნელისა, უფროსად-კურთხეულისა, დიდებულისა დედუფლისა ჩუენისა ღმრთის-მშობელისა და მარადის ქალწულისა მარიამისა, და ყოველთა წმიდათა მომჴსენებელთა, თავნი თჳსნი და ურთიერთას, და ყოველი ცხოვრებაჲ ჩუენი ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

შენი არს სიმტკიცე, და შენი არს სუფევა…

ასამაღლებელი: რამეთუ

შენი არს სიმტკიცე, და შენი არს სუფევა, და ძალი, და დიდება, მამისა და ძისა და წმიდისა სულისა, აწ და მარადის და უკუნითი უკუნისამდე

უფალო, ნუ გულის-წყრომითა შენითა მამხილებ ჩუენ, და…

ლოცვა მეორე აღსავალისა:

უფალო, ნუ გულის-წყრომითა შენითა მამხილებ ჩუენ, და ნუცა რისხვითა შენითა მსწავლი ჩუენ, არამედ ყავ ჩუენ თანა წყალობა შენი, მკურნალო, მსგავსად სახიერებისა შენისა და მჴსნელო სულთა ჩუენთაო, მიმიძეღუ ჩუენ ნავთ-საყუდელსა ნებისა შენისასა, განანათლენ თუალნი გულთა ჩუენთანი, ცნობად ჭეშმარიტებისა შენისა, და მომანიჭენ ჩუენ ნეშტი დღისა ამის მშჳდობით და უცოდველად, და ყოველნი ჟამნი ცხოვრებისა ჩუენისანი, მეოხებითა ყოვლად წმიდისა ღმრთის-მშობელისათა, და ყოველთა წმიდათა შენთათა:

მერმე და მერმე მშჳდობით უფლისა მიმართ ვილოცოთ

დიაკონმან:

მერმე და მერმე მშჳდობით უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

შეგუეწიენ, გუაცხოვნენ, შეგჳწყალენ და დაგჳცვენ ჩუენ, ღმერთო, შენითა მადლითა.

უფალო, შეგვიწყალენ

მგალობელთა

უფალო, შეგვიწყალენ.

ყოვლად წმიდისა, უხრწნელისა, უფროსად-კურთხეულისა, დიდებულისა დედუფლისა ჩუენისა ღმრთის-მშობელისა და მარადის ქალწულისა მარიამისა, და ყოველთა წმიდათა მომჴსენებელთა, თავნი თჳსნი და ურთიერთას, და ყოველი ცხოვრებაჲ ჩუენი ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

სახიერი და კაცთ-მოყუარე ღმერთი ხარ, და შენდა…

ასამაღლებელი: რამეთუ

სახიერი და კაცთ-მოყუარე ღმერთი ხარ, და შენდა დიდებასა აღვავლენთ, მამისა და ძისა და წმიდისა სულისა, აწ და მარადის და უკუნითი უკუნისამდე;

ამინ

მგალობელთა

ამინ.

უფალო ღმერთო ჩუენო, მომიჴსენენ ჩუენ ცოდვილნი და…

ლოცვა მესამე აღსავალისა.

უფალო ღმერთო ჩუენო, მომიჴსენენ ჩუენ ცოდვილნი და უჴმარნი მონანი შენნი, რაჟამს უხადოდეთ ჩუენ წმიდასა და თაყუანის-საცემელსა სახელსა შენსა, და ნუ მარცხვენ ჩუენ მომლოდნელთა წყალობისა შენისათა, არამედ მოგუანიჭე ჩუენ, უფალო, ყოველივე საცხოვრებელად თხოვა, და ღირს-მყვენ ჩუენ სიყუარულსა და შიშსა შენსა ყოვლითა გულითა ჩუენითა, და ყოფად ყოველსავე ნებასა შენსა:

მერმე და მერმე მშჳდობით უფლისა მიმართ ვილოცოთ

დიაკონმან:

მერმე და მერმე მშჳდობით უფლისა მიმართ ვილოცოთ.

უფალო, შეგვიწყალენ

მგალობელთა

უფალო, შეგვიწყალენ.

შეგუეწიენ, გუაცხოვნენ, შეგჳწყალენ და დაგჳცვენ ჩუენ, ღმერთო, შენითა მადლითა.

უფალო, შეგვიწყალენ

მგალობელთა

უფალო, შეგვიწყალენ.

ყოვლად წმიდისა, უხრწნელისა, უფროსად-კურთხეულისა, დიდებულისა დედუფლისა ჩუენისა ღმრთის-მშობელისა და მარადის ქალწულისა მარიამისა, და ყოველთა წმიდათა მომჴსენებელთა, თავნი თჳსნი და ურთიერთას, და ყოველი ცხოვრებაჲ ჩუენი ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

შენ ხარ ღმერთი ჩუენი, ღმერთი წყალობისა და…

მღდელმან ასამაღლებელი: რამეთუ

შენ ხარ ღმერთი ჩუენი, ღმერთი წყალობისა და მაცხოვარებისა, და შენდა დიდებასა აღვავლენთ, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

უფალო, ღაღადვჰყავ შენდამი

და იგალობების

უფალო, ღაღადვჰყავ შენდამი:

მწუხრი, დილეულ და სამხრად, გაქებთ, გაკურთხებთ გმადლობთ…

და დიაკონი აკმევს წესისაებრ, და გამოვლენ სასაკმევლითა. ლოცვა გამოსვლისა:

მწუხრი, დილეულ და სამხრად, გაქებთ, გაკურთხებთ გმადლობთ და გევედრებით შენ, მეუფეო ყოველთაო, წარმართე ლოცვა ჩუენი, ვითარცა საკმეველი შენ წინაშე, და ნუ მისდრეკ გულთა ჩუენთა სიტყუათა მიმართ უკეთურებისათა, არამედ გჳჴსნენ მომნადირებელთაგან სულისა ჩუენისათა, რამეთუ შენდა მომართ, უფალო, უფალო, თუალნი ჩუენნი შენ გესვენ, და ნუ გუარცხვენ ჩუენ, უფალო ღმერთო ჩუენო:

რამეთუ შუენის შენდა ყოველი დიდება, პატივი და თაყუანის-ცემა, მამისა და ძისა და წმიდისა სულისა, აწ და მარადის და უკუნითი უკუნისამდე. ამინ.

სიბრძნით, აღემართენით

ხოლო შემდგომად მუჴლის დასრულებისა, იტყჳს დიაკონი გინა მღდელი ჴმამაღლად:

სიბრძნით, აღემართენით.

ნათელი მხიარული

და იგალობონ მგალობელთა:

ნათელი მხიარული:

მოხედენ

დიაკონმან

მოხედენ.

მშჳდობა ყოველთა

მღდელმან

მშჳდობა ყოველთა.

სიბრძნით

დიაკონმან

სიბრძნით.

წარდგომა: და შექმნათა საკითხავი: და მეორე წარდგომა

მკითხველმან

წარდგომა: და შექმნათა საკითხავი: და მეორე წარდგომა:

ჰბრძანეთ

და მერმე მაღლისა ჴმითა დიაკონმან

ჰბრძანეთ.

სიბრძნით, აღემართენით

და შემდგომად აღსრულებისა ამის, ეპყრას მღდელსა სასანთლე სანათლითა, და სასაკმეველე ორისა ჴელითა, და იტყჳს ჴმამაღლად, მხედველი აღმოსავლად:

სიბრძნით, აღემართენით.

ნათელი ქრისტესი განგანათლებს ყოველთა

ესრეთ მოიქცევის დასავალად ერისა მიმართ და იტყჳს:

ნათელი ქრისტესი განგანათლებს ყოველთა.

წარემართესა, ჰსთქვას დიაკონმან კუერექსი: (უკუეთუ ვდღესასწაულობდეთ წმიდისასა…

და მკითხველი იტყჳს იგავთა საკითხავსა. უკუეთუ მეორესა დღესა რომლისამე აქუნდეს ღამის თევა, გინა სადიდებელი, წარიკითხვის, საწინასწარ-მეტყველო დღესასწაულისა, გინა წმიდისა, ხოლო შემდგომად

წარემართესა, ჰსთქვას დიაკონმან კუერექსი: (უკუეთუ ვდღესასწაულობდეთ წმიდისასა, გინა ეკლესიისა დღესასწაულსა დამთხვეულსა მარხვისა დღესა, მაშინ იტყჳს დიაკონი, გინა მღდელი: მოხედენ, და მკითხველმან: წარდგომა სამოციქულოსი, და წარიკითხვის სამოციქულო, და ალილუია იგალობების, და წარიკითხვის სახარება, და ესრეთ კუერექსი ესე:)

ვსთქვათ ყოველთა ყოვლითა სულითა, და ყოვლითა გონებითა ჩუენითა ვსთქვათ.

უფალო, შეგჳწყალენ

მგალობელთა

უფალო, შეგჳწყალენ.

უფალო ყოვლისა მპყრობელო, ღმერთო მამათა ჩუენთაო, გევედრებით, ისმინე და შეგჳწყალენ.

უფალო, შეგჳწყალენ

მგალობელთა

უფალო, შეგჳწყალენ.

შეგჳწყალენ ჩუენ, ღმერთო, დიდითა წყალობითა შენითა, გევედრებით, ისმინე და შეგჳწყალენ.

უფალო, შეგჳწყალენ. გ გზის

მგალობელთა

უფალო, შეგჳწყალენ. გ გზის.

უფალო ღმერთო ჩუენო, აღპყრობითი ესე ვედრებაჲ შეიწირე…

ლოცვა შევრდომით სავედრებელი.

უფალო ღმერთო ჩუენო, აღპყრობითი ესე ვედრებაჲ შეიწირე მონათა შენთაგან, და შეგჳწყალენ ჩუენ, სიმრავლისაებრ წყალობათა შენთასა, და მოწყალებანი შენნი გარდამოავლინენ ჩუენ ზედა, და ყოველსა ერსა შენსა ზედა, მომლოდნელთა მდიდრად შენ მიერისა წყალობისასა:

მერმეცა გევედრებით ღმრთივ-დაცულისა ერისა ჩუენისა, მთავრობისა და მჴედრობისა მისისათჳს

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის

მერმეცა გევედრებით უწმიდესისა და უნეტარესისა, სრულიად საქართველოს კათოლიკოს-პატრიარქისა, და მცხეთა-თბილისის მთავარ-ეპისკოპოსისა, დიდისა მეუფისა, მამისა ჩუენისა ილიასათჳს, (აქა მოიჴსენე მმართველი მღდელთმთავარი) და ყოველთა ქრისტეს მიერ ძმათა ჩუენთათჳს.

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის.

მერმეცა გევედრებით ძმათა ჩუენთა, მღდელთა, მღდელ მონოზონთა, და ყოველთა ქრისტეს მიერ ძმათა ჩუენთათჳს.

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის.

მერმეცა გევედრებით სანატრელთა და მარადის მოსაჴსენებელთა წმიდათა მართლ-მადიდებელთა პატრიარქთა, და კეთილ მსახურთა მეფეთა, და კეთილ-მორწმუნეთა დედოფალთა, და აღმაშენებელთა წმიდისა ამის ტაძრისათა (ანუ მონასტრისათა) და ყოველთა პირველ დაძინებულთა მამათა და ძმათა, აქა მდებარეთა, და ყოველთა მართლ-მადიდებელთა ერთათჳს.

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის.

მერმეცა გევედრებით წყალობისა, მშჳდობისა, სიმრთელისა, ცხოვრებისა, შეწევნისა, შენდობისა, და მიტევებისა ცოდვათასა, მონათა ღმრთისათა ძმათა წმიდისა ამას ტაძრისათა (უკუეთუ მონასტერია: წმიდისა ამის მონასტრისათა).

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის.

მერმეცა გევედრებით ნაყოფის შემომწირველთათჳს, და კეთილის მყოფელთა წმიდისა და ყოვლად პატიოსნისა ამის ტაძრისა და ამას შინა მშრომელთა, მგალობელთა და აქა მდგომარეთა ერთათჳს, რომელნი მოელიან შენ მიერ დიდსა და მდიდარსა წყალობასა.

უფალო, შეგჳწყალენ. გგზის

მგალობელთა

უფალო, შეგჳწყალენ. გგზის.

რამეთუ მოწყალე და კაცთმოყუარე ღმერთი ხარ, და…

ასამაღლებელი, მღდელმან:

რამეთუ მოწყალე და კაცთმოყუარე ღმერთი ხარ, და შენდა დიდებასა აღვავლენთ, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

ილოცეთ, კათაკმეველნო, უფლისა მიმართ

კუალად დიაკონმან ჰსთქვას კუერექსი

ილოცეთ, კათაკმეველნო, უფლისა მიმართ.

უფალო, შეგჳწყალენ

მგალობელთა

უფალო, შეგჳწყალენ.

მორწმუნენო კათაკმეველთათჳს ვილოცოთ, რათა უფალმან იგინიცა შეიწყალნეს.

უფალო, შეგჳწყალენ

მგალობელთა

უფალო, შეგჳწყალენ.

ასწავოს მათ სიტყუა ჭეშმარიტებისა

და

ასწავოს მათ სიტყუა ჭეშმარიტებისა.

უფალო, შეგჳწყალენ

მგალობელთა

უფალო, შეგჳწყალენ.

გამოუცხადოს მათ სახარება სიმართლისა

და

გამოუცხადოს მათ სახარება სიმართლისა.

უფალო, შეგჳწყალენ

მგალობელთა

უფალო, შეგჳწყალენ.

შეართნეს იგინი წმიდასა თჳსსა კათოლიკე და სამოციქულოსა ეკლესიასა.

უფალო, შეგჳწყალენ

მგალობელთა

უფალო, შეგჳწყალენ.

აცხოვნენ, შეეწიენ, შეიწყალენ, და დაიცვენ იგინი ღმერთო მადლითა შენითა.

უფალო, შეგჳწყალენ

მგალობელთა

უფალო, შეგჳწყალენ.

კათაკმეველნო თავნი თქუენნი უფალსა მოუდრიკენით.

შენ, უფალო

მგალობელთა

შენ, უფალო.

ღმერთო, ღმერთო ჩუენო, დამბადებელო და შემოქმედო ყოველთაო…

ლოცვა კათაკმეველთა პირველად წმიდისა შესაწირავისა:

ღმერთო, ღმერთო ჩუენო, დამბადებელო და შემოქმედო ყოველთაო, რომელსა ყოველთა კაცთა გნებავს ცხოვრება, და მეცნიერებასა ჭეშმარიტებისასა მოსლვა, მოიხილე მონათა შენთა კათაკმეველთა ზედა, და იჴსნენ იგინი ძველისაგან საცთურისა, და ღონეთაგან წინა აღმდგომისათა, და მოუწოდე მათ ცხოვრებად საუკუნოდ, და განანათლენ სულნი და ჴორცნი მათნი, და თანა შერაცხენ იგინი სიტყჳერსა მას სამწყსოსა შენსა, რომელთა ზედა სახელი შენი წმიდა წოდებულ არს:

რათა და ესენიცა ჩუენთანავე ადიდებდენ, ყოვლად პატიოსანსა…

ასამაღლებელი:

რათა და ესენიცა ჩუენთანავე ადიდებდენ, ყოვლად პატიოსანსა, და დიდად შუენიერსა სახელსა შენსა, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

რაოდენნი კათაკმეველნი ხართ, განვედით, კათაკმეველნო განვედით, რაოდენნი კათაკმეველნი ხართ განვედით, ნუ ვინმე კათაკმეველაგანნი, არამედ რაოდენნი მორწმუნენი ვართ, მერმე და მერმე მშჳდობით უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

რათა და ესენიცა ჩუენთანავე ადიდებდენ: ითქუმის ესე…

ესე მხოლოდ ითქუმის ესრეთ ვიდრე მესამესა და მეოთხესა შჳდეულსა მარხვათასა, ხოლო ოთხშაბათითგან შუამარხვისასა, იტყჳს რა მღდელი:

რათა და ესენიცა ჩუენთანავე ადიდებდენ: ითქუმის ესე სადიაკვნო დიაკონისაგან, ლიტურღიასა მხოლოდ პირველ განწმედილისასა, თუმცაღა დღესასწაულიცა იყოს დღე იგი, თჳნიერ შაბათ კჳრიაკისა.

რაოდენნი კათაკმეველნი ხართ, განვედით, კათაკმეველნო განვედით, რაოდენნი ნათლვად განმზადებულნი ხართ განვედით: ილოცეთ ნათლვად განმზადებულნო.

უფალო, შეგჳწყალენ

მგალობელთა

უფალო, შეგჳწყალენ.

მორწმუნენო წმიდად ნათლვად განმზადებულთა ძმათა ჩუენთა, და ცხოვრებისათჳს მათისა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

რათა უფალმან ღმერთმან ჩუენმან განამტკიცნეს და განაძლიერნეს იგინი.

უფალო, შეგჳწყალენ

მგალობელთა

უფალო, შეგჳწყალენ.

განანათლნეს იგინი ნათლითა მეცნიერებისა და სარწმუნოებისათა.

უფალო, შეგჳწყალენ

მგალობელთა

უფალო, შეგჳწყალენ.

ღირსჰყუნეს იგინი ჟამსა კეთილსა, საბანელსა მას მეორედ შობისასა, მისატევებელად ცოდვათა, და სამოსლად უხრწნელებისად.

უფალო, შეგჳწყალენ

მგალობელთა

უფალო, შეგჳწყალენ.

ჰშუნეს იგინი წყლისა მიერ და სულისა.

უფალო, შეგჳწყალენ

მგალობელთა

უფალო, შეგჳწყალენ.

მიანიჭოს მათ სრულება სარწმუნოებისა.

უფალო, შეგჳწყალენ

მგალობელთა

უფალო, შეგჳწყალენ.

შეაერთნეს იგინი წმიდასა თჳსსა და ჰრჩეულსა სამწყსოსა.

უფალო, შეგჳწყალენ

მგალობელთა

უფალო, შეგჳწყალენ.

აცხოვნენ, შეეწიენ, შეიწყალენ, და დაიცვენ იგინი ღმერთო შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

ნათლვად განმზადებულნო, თავნი თქუენნი უფალსა მოუდრიკენით.

შენ, უფალო

მგალობელთა

შენ, უფალო.

გამოაჩინე პირი შენი, მეუფეო, წმიდისა ნათლისღებისა მიმართ…

ლოცვა წმიდად ნათლვად განმზადებულთათჳს:

გამოაჩინე პირი შენი, მეუფეო, წმიდისა ნათლისღებისა მიმართ განმზადებულთა ზედა, რომელთა სურის ბილწებასა ცოდვათასა განბანად, განანათლენ გონებანი მათნი სარწმუნოებითა, და დაამტკიცენ იგინი სასოებითა, სრულ ჰყუენ სიყუარულითა, და ასოდ პატიოსნად ქრისტეს შენისა გამოაჩინენ, რომელმან იგი მიჰსცა თავი თჳსი საჴსრად სულთა ჩუენთათჳს:

რამეთუ შენ ხარ განმანათლებელი ჩუენი, და შენდა…

ასამაღლებელი:

რამეთუ შენ ხარ განმანათლებელი ჩუენი, და შენდა დიდებასა აღვავლენთ, მამისა და ძისა და წმიდისა სულისა, აწ და მარადის და უკუნითი უკუნისამდე:

ამინ

მგალობელთა

ამინ.

რაოდენნი ნათლვად განმზადებულნი ხართ განვედით, ნათლვად განმზადებულნო…

დიაკონმან:

რაოდენნი ნათლვად განმზადებულნი ხართ განვედით, ნათლვად განმზადებულნო, განვედით, რაოდენნი კათაკმეველნი ხართ, განვედით, ნუ ვინმე კათაკმეველთაგანნი, არამედ რაოდენნი მორწმუნენი ვართ, მერმე და მერმე, მშჳდობით უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

ღმერთო, დიდო და ქებულო, რომელმან ცხოველს მყოფელითა…

ესრედ ვიდრე აქათგან, რომელ არს ოთხშაბათი შუა მარხვისა. ლოცვა მორწმუნეთა პირველი.

ღმერთო, დიდო და ქებულო, რომელმან ცხოველს მყოფელითა მით სიკუდილითა ქრისტეს შენისათა, უხრწნელებად მიმცვალენ ჩუენ ხრწნილებისაგან, შენ განათავისუფლენ ყოველნივე საცნობელნი ჩუენნი სიკუდილისა მისგან ვნებათასა, და კეთილ მთავარი შინაგანი გონება დაადგინე მათ ზედა, რომელთა თუალნი ჩუენნი იყვნენ განშორებულ ყოვლისაგან ვნებულისა ხედვისა, და სასმენელნი სიტყუათა მიმართ ცუდთა უვალ, ხოლო ენა წმიდა იყავნ სიტყუათაგან უჯეროთა, წმიდა ჰყუენ ბაგენიცა ჩუენნი მაქებელად შენდა, უფალო: ჴელნი ჩუენნი შორს ჰყუენ ყოველთაგან საქმეთა ბოროტთა, და ღირსჰყუენ იგინი საქმედ ყოვლისავე, რომელი სათნო არს შენდა, და ყოველნი ასონი ჩუენნი და გონება შენითა მადლითა შეზღუდე.

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო…

დიაკონმან:

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო, შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

სიბრძნით

დიაკონმან

სიბრძნით.

შუენის შენდა ყოველი დიდება, პატივი და თაყუანის-ცემა…

მღდელმან ასამაღლებელი: რამეთუ

შუენის შენდა ყოველი დიდება, პატივი და თაყუანის-ცემა, მამისა და ძისა და წმიდისა სულისა, აწ და მარადის და უკუნითი უკუნისამდე;

ამინ

მგალობელთა

ამინ.

მერმე და მერმე მშჳდობით უფლისა მიმართ ვილოცოთ

დიაკონმან

მერმე და მერმე მშჳდობით უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

ზეგარდამო მშჳდობისა, და ცხოვრებისათჳს სულთა ჩუენთასა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

მშჳდობოსათჳს ყოვლისა სოფლისა, კეთილად დგომისათჳს წმიდათა ღმრთისა ეკლესიათა, და ყოველთა ერთობისათჳს, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

წმიდისა ამის ტაძრისათჳს, (მონასტრისა) სარწმუნოებითა, სასოებითა, და შიშითა ღმრთისათა შემავალთა ამას შინა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

ჰჴსნად ჩუენდა ყოვლისაგან ჭირისა, რისხვისა და იწროებისა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

მეუფეო წმიდაო და სახიერო, გევედრებით შენ მდიდარსა…

ლოცვა მორწმუნეთა ბ

მეუფეო წმიდაო და სახიერო, გევედრებით შენ მდიდარსა წყალობითა, რათა მოწყალე გუექმნე ჩუენ ცოდვილთა, და ღირს-მყუენ ჩუენ მოცემად მხოლოდ შობილისა ძისა შენისა, და ღმრთისა ჩუენისა, მეუფისა მის დიდებისა, რამეთუ აჰა ესერა უხრწნელსა ჴორცსა მისსა, და ცხოველს-მყოფელსა სისხლსა, ამას ჟამსა ეგულვების შემოსულად და ტრაპეზსა ამას ზედა საიდუმლოსასა დაგებად, სიმრავლისაგან ზეცისა მჴედრობათასა უხილავად ძღუენი, რომელთა ზიარება დაუსჯელად მოგუმადლე ჩუენ, რათა მათ მიერ გონებისა ჩუენისა თუალნი განბრწყინდენ, და ძედ ნათლისად და დღისად ვიქმნნეთ.

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო…

დიაკონმან:

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო, შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

სიბრძნით

დიაკონმან

სიბრძნით.

ნიჭითა ქრისტეს შენისათა, რომლისა თანა კურთხეულ ხარ…

მღდელმან ასამაღლებელი:

ნიჭითა ქრისტეს შენისათა, რომლისა თანა კურთხეულ ხარ შენ, ყოვლად წმიდით, სახიერით, და ცხოველს მყოფელით სულით შენითურთ, აწ და მარადის და უკუნითი უკუნისამდე:

ამინ

მგალობელთა

ამინ.

აწძალნი ცათანი ჩუენ თანა უხილავად ჰმსახურებენ, რამეთუ…

და იგალობების:

აწძალნი ცათანი ჩუენ თანა უხილავად ჰმსახურებენ, რამეთუ ესერა შემოვალს მეუფე დიდებისა, ესერა მსხუერპლი საიდუმლოდ აღსრულებული ძღუენი. სარწმუნოებით და სიყუარულით მოვედით, რათა ზიარებად ცხოვრებისა საუკუნოსა ვიქმნნეთ: ალილუია, ალილუია, ალილუია.

ძალნი ცათანი: გ-გზის, და თაყუანის-სცემენ გ გზის…

ხოლო გალობასა ამას, შევალს დიაკონი ჩრდილოჲთ კერძო წმიდასა შინა საკურთხეველსა, და უკმევს წმიდასა ტრაპეზსა, და სიწმიდეთა დაგებულთა, და მღდელსა. შემდგომ დასდგებიან მღდელი და დიაკონი ერთად და იტყჳან, თჳსად: აწ

ძალნი ცათანი: გ-გზის, და თაყუანის-სცემენ გ გზის, და წარვლენ შეწირულისა წმიდისა ძღუნისად ჩვეულებისაებრ და გამოვლენ სამკვეთლოსაგან სანთლისა წინამძღოლობით არარას მთქმელნი დიაკონი წინ მიუძღვის კმევითა, ხოლო მღდელსა უპყრიეს ფეშხუმი წმიდითა ძღვნითა მარჯვენესა ხელსა ხოლო ბარძიმი ღვინითა მარცხენესა და აღსავლის კარში შესვლისას აღმოსავალით მზირალი გამოსახავს ჯვარსა ფეშხუმ-ბარძიმითა და საიდუმლოდ წარმოსთქვამს:

შიშითა ღმრთისათა, სიყვარულითა და სარწმუნოებით მოვედით.

აღუსრულოთ სამწუხრო ვედრებაჲ ჩუენი უფალსა

და შევლენ, დაჰსდგამს მღდელი ჩვეულებისაებრ წმიდასა ზედა ტრაპეზსა, დააფარებს დაფარნასა, არა რასა მეტყველი მას ზედა, და მხოლოდ უკმევს. და შემდგომად კმევისა წარმოსთქვამს ლოცვასა ღირსისა მამისა ეფრემისასა სამი დიდი მეტანიით მხოლოდ, და დახშავს კართა წმიდათა ხოლო კრეტსაბმელსა ნახევრად. ხოლო დიაკონი ჯეროვან ჟამსა განვალს ჩვეულებისაებრ ადგილსა და იტყჳს სადიაკონოთა სიტყუათა:

აღუსრულოთ სამწუხრო ვედრებაჲ ჩუენი უფალსა.

უფალო, შეგჳწყალენ

მგალობელთა

უფალო, შეგჳწყალენ.

წინა დაგებულთა და პირველ შეწირულთა პატიოსანთა ძღუენთათჳს, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

რათა კაცთ-მოყუარემან ღმერთმან ჩუენმან, შემწირველმან ამათმან წმიდასა და ზესთა ცათასა და საცნაურსა საკურთხეველსა მისსა, საყნოსელად სუნად სუნნელად შეიწირნეს, და ნაცულად გარდამოგჳვლინოს ჩუენ საღმრთო მადლი სულისა წმიდისა, ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

ჰჴსნად ჩუენდა ყოვლისაგან ჭირისა, რისხვისა და იწროებისა, უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

გამოუთქმელთა მათ, და უხილავთა საიდუმლოთა ღმერთო, რომლისა…

მღდელმან ლოცვა.

გამოუთქმელთა მათ, და უხილავთა საიდუმლოთა ღმერთო, რომლისა მიერ არიან ყოველნი საუნჯენი სიბრძნისა და მეცნიერებისანი დაფარულნი, რომელმან მსახურება მსხუერპლისა ამის გამოგჳცხადე ჩუენ, და დაგუადგინენ ჩუენ ცოდვილნი მრავლითა მით კაცთ-მოყუარებითა შენითა, შეწირვად შენდა ძღუენთა და მსხუერპლთა ჩუენთა ცოდვათათჳს, და ერისა უმეცრებისათჳს, ამისთჳს შენ, უხილაო მეუფეო, შემოქმედო დიდთა და გამოუთქმელთა, დიდებულთა და განსაკრთომელთა საქმეთაო, რომელთა არა არს რიცხჳ, მოიხილე ჩუენ ზედა უღირსთა მონათა შენთა, რომელნი წმიდასა ამას საკურთხეველსა, ვითარცა საყდარსა მას შენსა ქერუბიმთა წინაშე წარდგომილ ვართ, რომელსა ზედა მხოლოდ-შობილი ძე შენი, და ღმერთი ჩუენი, წინა მდებარეთა ამათ შესაძრწუნებელთა საიდუმლოთა მიერ განისვენებს, და ყოვლისავე არა წმიდებისაგან განგუათავისუფლებს ჩუენ, და მორწმუნესა ერსა შენსა, წმიდა ჰყუენ ჩუენ ყოველთა სულნი და ჴორცნი, სიწმიდითა მით მიუღებელითა, რათა წმიდითა სჳნიდისითა, ურცხვენელითა პირითა, და განათლებულითა გულითა, საღმრთოთა ამათ საიდუმლოთა ვეზიარებოდეთ, და ამათ მიერ განცხოველებულნი, შევეერთნეთ თჳთ ქრისტესა შენსა, ჭეშმარიტსა ღმერთსა ჩუენსა, რომელმან ჰსთქვა: რომელი სჭამდეს ჴორცსა ჩემსა, და სმიდეს სისხლსა ჩემსა, იგი ჩემთანა დადგრომილ არს, და მე მისთანა, რათა დაემკჳდროს ჩუენ შორის, და ვიდოდეს ჩუენთანა სიტყუაჲ შენი, უფალო, ვიქმნნეთ ტაძარ ყოვლად წმიდისა და თაყუანის-საცემელისა სულისა შენისა, ჴსნილნი ყოვლისაგან საეშმაკოჲსა ღონისა, საქმით, გინა სიტყჳთ, ანუ გონებით აღსრულებულისა, და მივემთხჳნეთ კეთილთა მათ აღთქმულთა, ყოველთა თანა წმიდათა შენთა, რომელნი საუკუნითგან სათნო-გეყვნეს შენ.

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო…

დიაკონმან:

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო, შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

მწუხრი ყოველი აღსრულებად, სიწმიდით, მშჳდობით, და უცოდველად, უფლისა მიმართ ვილხოვოთ.

მოგუმადლე, უფალო

მგალობელთა

მოგუმადლე, უფალო.

ანგელოზი მშვიდობისა, სარწმუნო წინამძღუარი, მცველი სულთა და ჴორცთა ჩუენთა, უფლისა მიმართ ვითხოვოთ.

მოგუმადლე, უფალო

მგალობელთა

მოგუმადლე, უფალო.

შენდობა და მოტევება ცოდვათა, და უსჯულოებათა ჩუენთა, უფლისა მიმართ ვითხოვოთ.

მოგუმადლე, უფალო

მგალობელთა

მოგუმადლე, უფალო.

კეთილნი და უმჯობესნი სულთა ჩუენთანი, და მშჳდობაჲ სოფლისა, უფლისა მიმართ ვითხოვოთ.

მოგუმადლე, უფალო

მგალობელთა

მოგუმადლე, უფალო.

შემდგომნი ჟამნი ცხოვრებისა ჩუენისანი მშჳდობით და სინანულით აღსრულებად, უფლისა მიმართ ვითხოვოთ.

მოგუმადლე, უფალო

მგალობელთა

მოგუმადლე, უფალო.

ქრისტეანობითნი აღსასრულნი ცხოვრებისა ჩუენისანი, უჭირველნი, ურცხვენელნი, მშჳდობითნი, და კეთილი სიტყჳს-გებაჲ წინაშე საშინელისა სამსჯავროსა ქრისტესსა, ვითხოვოთ.

მოგუმადლე, უფალო

მგალობელთა

მოგუმადლე, უფალო.

ერთობასა სარწმუნოებისასა, და ზიარებასა სულისა წმიდისა მთხოველთა, თავნი თჳსნი და ურთიერთ არს, და ყოველი ცხოვრება ჩუენი ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

ღირს მყვენ ჩუენ მეუფეო, კადნიერებით, დაუსჯელად კადრებად…

მღდელმან ასამაღლებელი: და

ღირს მყვენ ჩუენ მეუფეო, კადნიერებით, დაუსჯელად კადრებად, და ხდად შენდა ზეცათა ღმრთისა მამისა და თქმად:

მამაო ჩუენო

ერთა

მამაო ჩუენო:

რამეთუ შენი არს სუფევა, და ძალი, და…

მღდელმან ასამაღლებელი:

რამეთუ შენი არს სუფევა, და ძალი, და დიდება, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

მშჳდობა ყოველთა

მღდელმან

მშჳდობა ყოველთა.

სულისაცა შენისა თანა

მგალობელთა: და

სულისაცა შენისა თანა.

თავნი ჩუენნი უფალსა მოუდრიკნეთ

დიაკონმან

თავნი ჩუენნი უფალსა მოუდრიკნეთ.

შენ, უფალო

მგალობელთა

შენ, უფალო.

ღმერთო მხოლოო სახიერო და მოწყალეო, რომელი მაღალთა…

მღდელმან თავმოდრეკით ლოცვა.

ღმერთო მხოლოო სახიერო და მოწყალეო, რომელი მაღალთა შინა დამკჳდრებულ ხარ, და მდაბალთა ხედავ, მოიხილე მოწყალითა თუალითა ყოველსა ერსა შენსა ზედა, და დაიცვენ იგინი, და ღირს მყვენ ჩუენ ყოველნი დაუსჯელად ზიარებად ცხოველს მყოფელთა ამათ საიდუმლოთა შენთა, რამეთუ შენდა მოგჳდრეკიან თავნი ჩუენნი, და მოველით შენ მიერსა მდიდარსა წყალობასა.

მადლითა, და წყალობითა, და კაცთ-მოყუარებითა, მხოლოდ შობილისა…

ასამაღლებელი:

მადლითა, და წყალობითა, და კაცთ-მოყუარებითა, მხოლოდ შობილისა ძისა შენისათა, რომლისა თანა კურთხეულ ხარ, თანა ყოვლად წმიდით სახიერით, და ცხოველს მყოფელით სულით შენითურთ, აწ და მარადის და უკუნითი უკუნისამდე.

ამინ

მგალობელთა

ამინ.

მოიხილე, უფალო იესო ქრისტე ღმერთო ჩუენო წმიდით…

მღდელმან ლოცვა.

მოიხილე, უფალო იესო ქრისტე ღმერთო ჩუენო წმიდით სამკჳდრებელით შენით, და საყდრით დიდებისა სუფევისა შენისაჲთ, და მოვედ წმიდა-ყოფად ჩუენდა, რომელი ზე მამისა თანა მჯდომარე ხარ, და აქა ჩუენ თანა უხილავად თანა-მყოფობ: და ღირს მყვენ ჩუენ, მტკიცითა ჴელითა შენითა მოცემად ჩუენდა უხრწნელი ჴორცი შენი, და პატიოსანი სისხლი შენი, და ჩუენ მიერ ყოველსა ერსა შენსა:

ღმერთო განწმიდე მე ცოდვილი, და შემიწყალე მე…

ხოლო შემდგომად ლოცვისა მღდელი და დიაკონი თაყუანის-სცემენ გ-გზის, და იტყჳან:

ღმერთო განწმიდე მე ცოდვილი, და შემიწყალე მე. გ-გზის.

მოხედენ

ხოლო მღდელი დაფარებულისა საღმრთოჲსა ძღუნისად შეიღებს ჴელთა, აღიღებს ცხოველს მყოფელსა პურსა, კრძალულებითა და შიშითა მრავლითა, და იტყჳს დიაკონი:

მოხედენ.

პირველ შეწირული წმიდა წმიდათა

მღდელმან ასამაღლებელი:

პირველ შეწირული წმიდა წმიდათა.

ერთ არს წმიდა, ერთ არს უფალი, იესო…

მგალობელთა

ერთ არს წმიდა, ერთ არს უფალი, იესო ქრისტე, სადიდებელად ღმრთისა მამისა, ამინ.

განიცადეთ და იხილეთ, რამეთუ ტკბილ არს უფალი…

ესრეთ მღდელი აღჰჴდის სიწმიდეთა დაფარნასა, დაჰყოფს ჩვეულებისაებრ სიწმიდისა ზიარებასა, საღმრთოჲსა ძღუენისაგან, ხოლო მგალობელნი იგალობებენ განიცადესა:

განიცადეთ და იხილეთ, რამეთუ ტკბილ არს უფალი: ალილუია, ალილუია, ალილუია. (უკუეთუ წმიდისა, გინა ეკლესიისა წარკითხულ იყოს, სამოციქულო და სახარება, მეორეცა განიცადე იგალობების, რომლისაცა უჩენდეს). ხოლო შემდგომად წმიდისა ზიარებისა მღდელმან ლოცვა საიდუმლოდ:

გმადლობთ შენ მაცხოვარსა ყოველთა ღმერთსა, ყოველთა კეთილთა ზედა, რომელნი მოგუანიჭენ ჩუენ, ზიარებითა წმიდისა ჴორცისა და სისხლისა ქრისტეს შენისათა, და გევედრებით, მეუფეო კაცთ-მოყუარეო, დაგჳცვენ ჩუენ საფარველსა ქუეშე ფრთეთა შენთასა, და მოგუეც ჩუენ ვიდრე უკანასკნელად აღმომშჳნვადმდე, ღირსებით ზიარებად სიწმიდისა შენისა, განათლებად სულისა და ჴორცთა, და სასუფეველისა ცათასა დამკჳდრებად.

მკითხველი

მთ. 26:1–20 · დას. 107; ინ. 13:3–17 · დას. 44; მთ. 26:21–39 · დას. 108; ლკ. 22:43–45 · დას. 109; მთ. 26:40 – 27:2 · დას. 108

რიგისა

26:1 და იყო რაჟამს დაასრულნა იესუ ყოველნი ესე სიტყუანი, ჰრქუა მოწაფეთა თჳსთა:

2 უწყითა, რამეთუ შემდგომად ორისა დღისა ვნებაჲ იყოს, და ძე კაცისაჲ მიეცეს ჯუარ-ცუმად?

3 მაშინ შეკრბეს მღდელთ-მოძღუარნი იგი და მწიგნობარნი და მოხუცებულნი ერისანი ეზოსა მას კაიაფა მღდელთ-მოძღუარისასა

4 და ზრახვა-ყვეს, რაჲთა იესუ ზაკუვით შეიპყრნა და მოკლან.

5 ხოლო იტყოდეს: ნუ დღესასწაულსა ამას, რაჲთა არა შფოთი იქმნეს ერსა შორის.

6 ხოლო იესუ იყო რაჲ ბეთანიას, სახლსა სიმონ კეთროვნისასა,

7 მოუჴდა დედაკაცი, რომელსა აქუნდა ალაბასტრი ნელსაცხებელისა მრავალ-სასყიდლისაჲ, და დაასხა თავსა მისსა ინაჴით მჯდომარესა.

8 ხოლო იხილეს რაჲ მოწაფეთა, განრისხნეს და იტყოდეს: რაჲსათჳს იყო წარწყმედაჲ ნელსაცხებელისაჲ ამის?

9 რამეთუ შესაძლებელ იყო ესე განსყიდად დადძალის და მიცემად გლახაკთა.

10 ხოლო იესუ გულისჴმა-ყო და ჰრქუა მათ: რაჲსა შრომასა შეამთხუევთ დედაკაცსა მაგას? რამეთუ საქმე კეთილი ქმნა ჩემდა მომართ.

11 რამეთუ გლახაკნი მარადის თქუენ თანა არიან, ხოლო მე არა მარადის თქუენ თანა ვარ.

12 რამეთუ დამასხა მაგან ნელსაცხებელი ესე ჴორცთა ჩემთა და დასაფლველად ჩემდა ყო.

13 ამენ გეტყჳ თქუენ: სადაცა იქადაგოს სახარებაჲ ესე ყოველსა სოფელსა, ითქუმოდის, რომელიცა ესე ყო მაგან საჴსენებელად მაგისა.

14 მაშინ წარვიდა ერთი იგი ათორმეტთაგანი, რომელსა ერქუა იუდა ისკარიოტელი, მღდელთ-მოძღუართა მათ

15 და ჰრქუა: რაჲ გნებავს მოცემად ჩემდა, და მე მიგცე იგი? ხოლო მათ მიუწონეს მას ოც და ათი ვეცხლი.

16 და მიერითგან ეძიებდა ჟამსა მარჯუესა, რაჲთა მისცეს იგი მათ.

17 ხოლო პირველსა მას დღესა უცომოებისასა მოუჴდეს მოწაფენი იესუს და ჰრქუეს მას: სადა გნებავს, და მოგიმზადოთ შენ ჭამად პასქაჲ ესე?

18 ხოლო იესუ ჰრქუა მათ: წარვედით ქალაქად კაცისა მისამე და არქუთ მას: მოძღუარი ეგრეთ იტყჳს: ჟამი ჩემი ახლოს არს, შენ თანა ვყო პასქაჲ ესე მოწაფითურთ ჩემით.

19 და ყვეს ეგრეთ მოწაფეთა, ვითარცა უბრძანა მათ იესუ, და მოუმზადეს პასქაჲ იგი.

20 და ვითარცა შემწუხრდა, ინაჴით-ჯდა იესუ ათორმეტთა მათ თანა.

13:3 იცოდა იესუ, რამეთუ ყოველივე მოსცა მას მამამან ჴელთა მისთა, და რამეთუ ღმრთისაგან გამოვიდა და ღმრთისა მივალს.

4 აღდგა სერობისა მისგან და დადვა სამოსელი თჳსი და მოიღო არდაგი და მოირტყა იგი.

5 და მოიღო წყალი და შთაასხა საბანელსა მას და იწყო ბანად ფერჴთა მოწაფეთა თჳსთა და წარჰჴოცდა არდაგითა მით, რომელი მოერტყა.

6 და მოვიდა სიმონ-პეტრესა. ჰრქუა მას პეტრე: უფალო, შენ დამბანა ფერჴთა ჩემთა?

7 მიუგო იესუ და ჰრქუა: რომელსა მე ვიქმ, არა იცი აწ, ხოლო სცნა ამისა შემდგომად.

8 ჰრქუა მას პეტრე: არა დამბანნე ფერჴნი ჩემნი უკუნისამდე. ჰრქუა მას იესუ: უკუეთუ არა დაგბანნე შენ ფერჴნი, არა გაქუნდეს ნაწილი ჩემ თანა.

9 ჰრქუა მას სიმონ-პეტრე: უფალო, ნუ ხოლო ფერჴნი ჩემნი, არამედ ჴელნიცა და თავიცა ჩემი.

10 ჰრქუა მას იესუ: განბანილსა მას არა უჴმს, გარნა ფერჴნი ხოლო დაბანად, რამეთუ ყოვლად წმიდა არს იგი, და თქუენცა წმიდა ხართ, არამედ არა ყოველნი.

11 რამეთუ იცოდა იესუ მიმცემელი იგი. ამისთჳს თქუა, ვითარმედ: არა ყოველნი წმიდა ხართ.

12 და ოდეს დაჰბანნა ფერჴნი მათნი, მოიღო სამოსელი თჳსი და ინაჴ-იდგა და მერე ჰრქუა მათ: უწყითა, რაჲ-ესე გიყავ თქუენ?

13 თქუენ მხადით მე: მოძღუარო და უფალო, და კეთილად სთქუთ, რამეთუ ვარ.

14 უკუეთუ მე დაგბანენ ფერჴნი, უფალმან და მოძღუარმან, თქუენცა თანა-გაც ურთიერთას დაბანად ფერჴთა.

15 რამეთუ სახე მიგეც თქუენ, რაჲთა, ვითარცა-ესე მე გიყავ თქუენ, ეგრეთვე თქუენცა ჰყოფდეთ.

16 ამენ, ამენ გეტყჳ თქუენ: არა არს მონაჲ უფროჲს უფლისა თჳსისა, არცა მოციქული უფროჲს მომავლინებელისა თჳსისა.

17 ესე თუ სცნათ, ნეტარ ხართ, უკუეთუ ჰყოფდეთ ამას.

26:21 და ვითარცა ჭამდეს იგინი, ჰრქუა იესუ: ამენ გეტყჳ თქუენ: ერთმან თქუენგანმან მიმცეს მე.

22 და იგინი შეწუხნეს ფრიად, და იწყეს კაცად-კაცადმან მათმან სიტყუად: ნუუკუე მე ვარ, უფალო?

23 ხოლო თავადმან მიუგო და ჰრქუა მათ: რომელმან შთამოყოს ჩემ თანა ჴელი პინაკსა ამას, ამან მიმცეს მე.

24 ძე სამე კაცისაჲ წარვალს, ვითარცა წერილ არს მისთჳს, ხოლო ვაჲ კაცისა მის, რომლისა მიერ ძე კაცისაჲ მიეცეს. უმჯობეს იყო მისა, არა თუმცა შობილ იყო კაცი იგი.

25 მიუგო იუდა, რომელმანცა მისცა იგი, და თქუა: ნუუკუე მე ვარ, მოძღუარ? ჰრქუა მას იესუ: შენ სთქუ.

26 და ვითარცა ჭამდეს იგინი, მოიღო იესუ პური და ჰმადლობდა და განტეხა და მისცა მოწაფეთა თჳსთა და ჰრქუა მათ: მიიღეთ და ჭამეთ: ესე არს ჴორცი ჩემი.

27 და მოიღო სასუმელი და ჰმადლობდა და მისცა მათ და თქუა: სუთ ამისგან ყოველთა:

28 ესე არს სისხლი ჩემი ახლისა აღთქუმისაჲ, მრავალთათჳს დათხეული მისატევებელად ცოდვათა.

29 ხოლო გეტყჳ თქუენ, ვითარმედ: არღარა ვსუა მე ამიერითგან ნაყოფისაგან ამის ვენაჴისა, ვიდრე მუნ დღედმდე, რაჟამს-იგი ვსუა თქუენ თანა ახალი სასუფეველსა მამისა ჩემისასა.

30 და გალობაჲ წართქუეს და განვიდეს მთასა მას ზეთისხილთასა.

31 მაშინ ჰრქუა მათ იესუ: თქუენ ყოველნი დაბრკოლებად ხართ ჩემდა მომართ ამას ღამესა, რამეთუ წერილ არს: დავსცე მწყემსი, და განიბნინენ ცხოვარნი სამწყსოჲსა მისისანი.

32 ხოლო შემდგომად აღდგომისა ჩემისა წინა-წარგიძღუე თქუენ გალილეას.

33 მიუგო პეტრე და ჰრქუა მას: დაღათუ ყოველნი დაჰბრკოლდნენ შენდა მომართ, ხოლო მე არასადა დავჰბრკოლდე.

34 ჰრქუა მას იესუ, ამენ გეტყჳ შენ, რამეთუ ამას ღამესა, ვიდრე ქათმისა ჴმობადმდე, სამ-გზის უვარ-მყო მე.

35 ჰრქუა მას პეტრე: დაღაცათუ ჯერ-იყოს სიკუდილი ჩემი შენ თანა, არასადა უვარ-გყო შენ. და ეგრეთვე მსგავსად ყოველნი მოწაფენი იტყოდეს.

36 მაშინ მოვიდა იესუ მათ თანა ადგილსა, რომელსა ჰრქჳან გეთსიმანია, და ჰრქუა მათ: დასხედით მანდა, ვიდრემდე მივიდე იქი და ვილოცო.

37 და წარიყვანნა პეტრე და ორნი ძენი ზებედესნი და იწყო მწუხარებად და ურვად.

38 მაშინ ჰრქუა მათ იესუ: შეწუხებულ არს სული ჩემი ვიდრე სიკუდილადმდე; დაადგერით აქა და იღჳძებდით ჩემ თანა.

39 და წარვიდა მცირედ და დავარდა პირსა ზედა თჳსსა, ილოცვიდა და იტყოდა: მამაო ჩემო, უკუეთუ შესაძლებელ არს, თანა-წარმჴედინ ჩემგან სასუმელი ესე; ხოლო არა ვითარ მე მნებავს, არამედ ვითარცა შენ.

22:43 და ეჩუენა მას ანგელოზი ზეცით, განაძლიერებდა მას.

44 და იყო იგი ღუაწლსა შინა, უმეტესღა ილოცვიდა და იქმნა ოფლი მისი, ვითარცა ცუარი სისხლისაჲ გარდამომავალი ქუეყანასა ზედა.

45 და აღდგა მიერ ლოცვისაგან და მოვიდა მოწაფეთა თჳსთა და პოვნა იგინი მძინარენი მწუხარებისა მისგან

26:40 და მოვიდა მოწაფეთა თანა და პოვნა იგინი მძინარენი და ჰრქუა პეტრეს: ესოდენ ვერ უძლეთ ჟამ ერთ მღჳძარებად ჩემ თანა?

41 იღჳძებდით და ილოცევდით, რაჲთა არა შეხჳდეთ განსაცდელსა; სული გულს-მოდგინე არს, ხოლო ჴორცნი უძლურ.

42 კუალად მეორედ წარვიდა და ილოცვიდა და თქუა: მამაო ჩემო, უკუეთუ ვერ შესაძლებელ არს სასუმელი ესე თანა-წარსლვად ჩემდა, რაჲთამცა არა შევსჳ იგი, იყავნ ნებაჲ შენი.

43 და მოვიდა და კუალად პოვნა იგინი მძინარენი, რამეთუ იყვნეს თუალნი მათნი დამძიმებულ.

44 და დაუტევნა იგინი და კუალად წარვიდა მესამედ და ილოცვიდა და მასვე სიტყუასა იტყოდა.

45 მაშინ მოვიდა მოწაფეთა და ჰრქუა მათ: დაიძინეთ ამიერითგან და განისუენეთ: აჰა ესერა მოახლებულ არს ჟამი, და ძე კაცისაჲ მიეცემის ჴელთა ცოდვილთასა.

46 აღდეგით, წარვიდეთ ამიერ. აჰა ესერა მოიწია მიმცემელი ჩემი

47 და ვიდრე იგი იტყოდაღა, აჰა ესერა იუდა, ერთი იგი ათორმეტთაგანი, მოვიდა, და მის თანა ერი მრავალი მახჳლებითა და წათებითა მღდელთ-მოძღუართაგან და მოხუცებულთა ერისათა.

48 ხოლო მიმცემელსა მას მისსა მიეცა სასწაულად და ჰრქუა: რომელსა მე ამბორს-უყო, იგი არს, შეიპყართ იგი.

49 და მეყსეულად მოუჴდა იესუს და ჰრქუა: გიხაროდენ, მოძღუარ! და ამბორს-იყო მას.

50 ხოლო იესუ ჰრქუა: მოყუასო, რომლისათჳსცა მოსრულ ხარ? მაშინ მოუჴდეს და დაასხნეს ჴელნი მათნი იესუს ზედა და შეიპყრეს იგი.

51 და აჰა ერთმან იესუჲსთანამან მიყო ჴელი და იჴადა მახჳლი და სცა მონასა მღდელთ-მოძღურისასა და წარჰკუეთა ყური მისი.

52 მაშინ ჰრქუა მას იესუ: მიაქციე მახჳლი ადგილსავე თჳსსა, რამეთუ ყოველთა რომელთა აღიღონ მახჳლი, მახჳლითა წარწყმდენ.

53 ანუ ჰგონებთ, ვითარმედ ვერ ძალ-მიც ვედრებად მამისა ჩემისა, და წარმომიდგინოს მე აწ აქა უმრავლესი ათორმეტთა გუნდთა ანგელოზთაჲ?

54 და ვითარ-მე აღესრულნენ წერილნი, რამეთუ ესრეთ ჯერ-არს ყოფად?

55 მას ჟამსა ჰრქუა იესუ ერსა მას: ვითარცა ავაზაკსა ზედა გამოხუედით მახჳლითა და წათებითა შეპყრობად ჩემდა; დღითი-დღე თქუენ თანა ტაძარსა მას შინა ვჯედ და გასწავებდ, და არა შემიპყართ მე.

56 ხოლო ესე ყოველი იქმნა, რაჲთა აღესრულნენ წიგნნი წინაწარმეტყუელთანი. მაშინ მოწაფეთა ყოველთა დაუტევეს იგი და ივლტოდეს.

57 ხოლო მათ შეიპყრეს იესუ და მიიყვანეს კაიაფაჲსა მღდელთ-მოძღურისა, სადა-იგი მწიგნობარნი და მოხუცებულნი ერისანი შეკრებულ იყვნეს.

58 ხოლო პეტრე მისდევდა მას შორით, ვიდრე ეზოდმდე მღდელთ-მოძღურისა, და შევიდა შინა და დაჯდა მსახურთა თანა ხილვად აღსასრულისა.

59 ხოლო მღდელთ-მოძღუარნი იგი და მოხუცებულნი და ყოველი კრებული ეძიებდეს ცრუ-მოწამეთა იესუჲსთჳს, რაჲთამცა მოკლეს იგი,

60 და არა ჰპოებდეს; და მრავალნი მოსრულ იყვნეს ცრუ-მოწამენი, და არა პოვნეს. ხოლო უკუანაჲსკნელ მო-ვინმე-ვიდეს ორნი

61 და თქუეს, ვითარმედ: ამან ესრეთ თქუა: ძალ-მიც დარღუევად ტაძარი ესე ღმრთისაჲ და მესამესა დღესა აღშენებად.

62 მაშინ აღდგა მღდელთ-მოძღუარი იგი და ჰრქუა მას: არარას მიუგება, რასა-ეგე შეგწამებენ შენ?

63 ხოლო იესუ დუმნა. მაშინ მღდელთ-მოძღუარმან მან ჰრქუა მას: გაფუცებ შენ ღმრთისა ცხოველისა, რაჲთა მითხრა ჩუენ, უკუეთუ შენ ხარ ქრისტე, ძე ღმრთისაჲ?

64 ჰრქუა მას იესუ: შენ სთქუ, ხოლო გეტყჳ თქუენ: ამიერითგან იხილოთ ძე კაცისაჲ მჯდომარე მარჯუენით ძლიერებასა და მომავალი ღრუბელთა თანა ცისათა.

65 მაშინ მღდელთ-მოძღუარმან მან დაიპო სამოსელი თჳსი და თქუა, ვითარმედ: გმო; აწ უკუე რაჲსაღა გჳჴმან მოწამენი? აჰა ესერა გესმა გმობაჲ მაგისი.

66 რაჲ გნებავს თქუენ? ხოლო მათ მიუგეს და ჰრქუეს: თანამდებ არს სიკუდილისა.

67 მაშინ ჰნერწყუვიდეს პირსა მისსა და ჴურთითა სცემდეს თავსა მისსა, და რომელნიმე ყურიმალსა სცემდეს

68 და ეტყოდეს: გჳწინაწარმეტყუელებდ ჩუენ, ქრისტე, ვინ არს, რომელმან გცა შენ?

69 ხოლო პეტრე ჯდა გარეშე ეზოსა შინა. მოუჴდა მას ერთი მჴევალი და ჰრქუა მას: და შენცა იყავ იესუჲს თანა, გალილეველისა.

70 ხოლო მან უვარ-ყო წინაშე ყოველთასა და ჰრქუა: არა ვიცი, რასა იტყჳ.

71 და ვითარცა გამოვიდა იგი გარეშე ბჭეთა, იხილა იგი სხუამან და ჰრქუა მუნ მდგომარეთა მათ: ესეცა იყო იესუჲს თანა, ნაზარეველისა.

72 და მერმეცა უვარ-ყო პეტრე ფიცით და თქუა, ვითარმედ: არა ვიცი კაცი იგი.

73 და შემდგომად მცირედისა მოუჴდეს მუნ მდგომარენი იგი პეტრეს და ჰრქუეს მას: ჭეშმარიტად შენცა მათგანი ხარ, რამეთუ სიტყუაჲცა შენი გამოგაჩინებს შენ.

74 მაშინ იწყო შეჩუენებად და ფიცად, ვითარმედ: არა ვიცი კაცი იგი. და მეყსეულად ქათამმან იყივლა.

75 და მოეჴსენა პეტრეს სიტყუაჲ იგი იესუჲსი, რომელი ჰრქუა მას, ვითარმედ: ვიდრე ქათმისა ჴმობადმდე სამ-გზის უვარ-მყო მე. და გამოვიდა გარე და ტიროდა მწარედ.

27:1 და ვითარცა განთენა, ზრახვა-ყვეს ყოველთა მღდელთ-მოძღუართა და მოხუცებულთა ერისათა იესუჲსთჳს, რაჲთა მოკლან იგი.

2 და შეკრეს იგი და მიიყვანეს და მისცეს იგი პონტოელსა პილატეს მთავარსა.

ლკ. 7:36–50 · დას. 33

ქალწულმოწ.

7:36 ევედრებოდა ვინმე მას ფარისეველთაგანი, რაჲთა ჭამოს პური მის თანა; და შევიდა სახლსა მის ფარისევლისასა და დაჯდა.

37 და იყო დედაკაცი ვინმე ქალაქსა მას შინა, რომელი იყო ცოდვილ. ესმა, რამეთუ არს იგი სახლსა შინა მის ფარისევლისასა, მოიღო ალაბასტრი ნელსაცხებელისაჲ.

38 და დადგა ფერჴთა თანა მისთა, ტიროდა და იწყო დალტობად ცრემლითა ფერჴთა მისთა და თმითა თავისა მისისაჲთა წარჰჴოცდა და ამბორს-უყოფდა ფერჴთა მისთა და სცხებდა ნელსაცხებელსა.

39 ვითარცა იხილა ფარისეველმან მან, რომელმანცა იგი ჰხადა მას, თქუა გულსა თჳსსა: ესე უკუეთუმცა იყო წინაწარმეტყუელი, უწყოდამცა, ვინ და რაბამი დედაკაცი შეეხების მას, რამეთუ ცოდვილ არს.

40 მიუგო იესუ და ჰრქუა მას: სიმონ, მაქუს რაჲმე შენდა სიტყუად. ხოლო მან თქუა: მოძღუარ, იტყოდე!

41 და თქუა: ორნი თანა-მდებნი იყვნეს მასესხებელისა ვისნიმე: ერთსა თანა-ედვა ხუთასი დრაჰკანი, ხოლო ერთსა მას – ერგასისი.

42 და ვითარ არარაჲ აქუნდა მათ, ორთავე მიუტევა. აწ თქუ შენ: ვინ უფროჲს შეიყუაროს იგი?

43 მიუგო სიმონ და თქუა: მე ეგრე ვჰგონებ, ვითარმედ რომელსაცა-იგი უფროჲსი მიუტევა. ხოლო თავადმან თქუა: სამართლად საჯე.

44 და მიექცა დედაკაცსა მას და სიმონს ეტყოდა: ხედავა ამას დედაკაცსა? შემოვედ სახლსა შენსა, წყალი ფერჴთა ჩემთა არა მეც, ხოლო ამან ცრემლითა დაალტვნა ფერჴნი ჩემნი თმითა თჳსითა წარჴოცნა;

45 ამბორის-ყოფაჲ არა მომეც მე, ხოლო ესე ვინაჲთგან შემოვიდა, არა დასცხრების ამბორის-ყოფითა ფერჴთა ჩემთაჲთა.

46 ზეთი თავსა ჩემსა არა მცხე, ხოლო ამან ნელსაცხებელი სცხო ფერჴთა ჩემთა.

47 რომლისა მადლისათჳს გეტყჳ შენ: მიეტევნენ მაგას ცოდვანი მაგისნი მრავალნი, რამეთუ შეიყუარა ფრიად. ხოლო რომელსა მცირედი მიეტეოს, მცირედცა შეიყუაროს.

48 და ჰრქუა მას: მიგეტევნენ შენ ცოდვანი შენნი!

49 და იწყეს თანა-მეინაჴეთა მათ სიტყუად გულთა შინა მათთა: ვინ არს ესე, რომელი ცოდვათა მიუტევებს?

50 ჰრქუა დედაკაცსა მას: სარწმუნოებამან შენმან გაცხოვნა შენ. გუალე, ვიდოდე მშჳიდობით!

შიშითა ღმრთისათა, სარწმუნოებითა და სიყვარულით მოვედით

ხოლო დიაკონი მოსწმედს სიწმიდეთა ჩვეულებისაებრ და მიიღებს წმიდასა ბარძიმსა, და იტყჳს:

შიშითა ღმრთისათა, სარწმუნოებითა და სიყვარულით მოვედით.

ვაკურთხო უფლი ყოველსა ჟამსა, მარადის ქება მისი…

ხოლო მგალობელნი იგალობებენ:

ვაკურთხო უფლი ყოველსა ჟამსა, მარადის ქება მისი პირსა ჩემსა, პური ზეცისა, და სასმელი ცხოვრებისა, განიცადეთ და იხილეთ, რამეთუ კურთხეულ არს უფლი: ალილუია, ალილუია, ალილუია.

აცხოვნე, ღმერთო, ერი შენი, და აკურთხე სამკჳდრებელი…

მერმე მღდელმან ჰსთქვას:

აცხოვნე, ღმერთო, ერი შენი, და აკურთხე სამკჳდრებელი შენი.

კურთხეულ არს ღმერთი ჩუენი

და უკმევს სიწმიდეთა, მისცემს სასაკმეველსა დიაკონსა, და მიიღებს წმიდასა ფეშხუმსა, და მისცემს დიაკონსა, და დიაკონი მიიღებს კრძალულებითა, განმჴედვარე გარეთ კარისა, არა რას მთქმელი, მივალს წინა დასაგებელისა მიმართ და დასდგამს, ხოლო მღდელი თაყუანის-სცემს, აღიღებს წმიდასა ბარძიმსა, და მოიქცევის კარისად მხედველი ერისადმი და იტყჳს საიდუმლოდ:

კურთხეულ არს ღმერთი ჩუენი.

ყოვლადვე, აწ და მარადის და უკუნითი უკუნისამდე

და ჴმამაღლად იტყჳს:

ყოვლადვე, აწ და მარადის და უკუნითი უკუნისამდე.

ამინ

და შეიტანს სიწმიდეთა საკურთხევლად. მგალობელთა

ამინ.

აღავსე პირი ჩემი ქებითა შენითა, უფალო, რათა უგალობდე დიდებასა შენსა, რამეთუ ღირს მყვენ ჩუენ ზიარებად წმიდათა შენთა საღმრთოთა, უკუდავთა, და ცხოველს მყოფელთა საიდუმლოთა, დაგუმარხენ ჩუენ სიწმიდეთა შინა შენთა, ყოველსა დღესა გუასწავენ სიმართლენი შენნი: ალილუია, ალილუია, ალილუია.

აღემართენით მიმღებელნი საღმრთოთა, წმიდათა, უხრწნელთა, უკუდავთა, ზეცისა…

დიაკონი იტყჳს:

აღემართენით მიმღებელნი საღმრთოთა, წმიდათა, უხრწნელთა, უკუდავთა, ზეცისა ცხოველთა, საშინელთა ქრისტეს საიდუმლოთა, ღირსებით ვმადლობდეთ უფალსა.

უფალო, შეგჳწყალენ

მგალობელთა

უფალო, შეგჳწყალენ.

შეგუეწიენ, გუაცხოვნენ, შეგჳწყალენ, და დაგჳცვენ ჩუენ, ღმერთო, შენითა მადლითა.

უფალო, შეგჳწყალენ

მგალობელთა

უფალო, შეგჳწყალენ.

მწუხრი ყოველი აღსრულებად, სიწმიდით, მშჳდობით, და უცოდველად მთხოველთა, თავნი თჳსნი და ურთიერთ არს, და ყოველი ცხოვრებაჲ ჩუენი, ქრისტესა ღმერთსა ჩუენსა შევვედროთ.

შენ, უფალო

მგალობელთა

შენ, უფალო.

რამეთუ შენ ხარ განმწმედელი ჩუენი, და შენდა…

მღდელმან ასამაღლებელი:

რამეთუ შენ ხარ განმწმედელი ჩუენი, და შენდა დიდებასა აღვავლენთ, მამისა და ძისა და წმიდისა სულისა, აწ და მარადის და უკუნითი უკუნისამდე.

ამინ

მგალობელთა

ამინ.

მშჳდობით წარვიდეთ

მღდელმან

მშჳდობით წარვიდეთ.

სახელითა უფლისათა

მგალობელთა

სახელითა უფლისათა.

უფლისა მიმართ ვილოცოთ

დიაკონმან

უფლისა მიმართ ვილოცოთ.

უფალო, შეგჳწყალენ

მგალობელთა

უფალო, შეგჳწყალენ.

მეუფეო ყოვლისა მპყრობელო, რომელმან ყოველნი დაბადებულნი სიბრძნით…

ლოცვა ამბიონისა, ჴმამაღლად.

მეუფეო ყოვლისა მპყრობელო, რომელმან ყოველნი დაბადებულნი სიბრძნით დაბადენ, რომელმან გამოუთქმელითა მით განგებულებითა შენითა და მიუთხრომელითა სახიერებითა, მოგჳყვანენ ჩუენ ყოვლად პატიოსანთა ამათ დღეთა განსაწმედელად სულთა და ჴორცთა, მოსაკვდინებელად ვნებათა, და სასოებად აღდგომისა. რომელმან ორმეოცთა დღეთა მიერ, ფიცარნი მისცენ ღმრთივ-წერილნი იგი ასონი სათნოსა შენსა მოსეს, მოგუანიჭენ ჩუენცა, სახიერო, კეთილისა ამის ღვაწლისა მოღვაწებად, და სარბიელსა ამას მარხვათასა სრულ ყოფად, სარწმუნოებისა შეუხებელად დამარხვად, და თავებისა უხილავთა ვეშაპთასა შემუსრვად, მძლედ ცოდვისა გამოჩინებად, დაუსჯელად მიწევნად და თაყუანის-ცემად წმიდასა აღდგომასა შენსა. რამეთუ კურთხეულ არს, და დიდებულ ყოვლად პატიოსანი, და დიდად შუენიერი სახელი შენი, მამისა და ძისა და წმიდისა სულისა, აწ და მარადის და უკუნითი უკუნისამდე:

ამინ

მგალობელთა

ამინ.

იყავნ სახელი უფლისა კურთხეულ ამიერითგან და უკუნისამდე გ-გზის.

ვაკურთხო უფალი ყოველსა ჟამსა

დიდება, აწდა, ფსალმუნი ლგ:

ვაკურთხო უფალი ყოველსა ჟამსა:

უფალო ღმერთო ჩუენო, რომელმან მომიყვანენ ჩუენ ყოვლად…

ლოცვა ითქუმის უწინარეს მოკაზმისა სიწმიდეთა.

უფალო ღმერთო ჩუენო, რომელმან მომიყვანენ ჩუენ ყოვლად პატიოსანთა ამათ დღეთა, და ღირს მყვენ ჩუენ შესაძრწუნებელთა შენთა საიდუმლოთა ზიარებად, შეგუაერთენ ჩუენ პირმეტყველთა შენთა სამწყსოთა, და მკჳდრათ გამოგუაჩინენ ჩუენ სასუფეველისა შენისა, აწ და მარადის და უკუნითი უკე. ამინ.

ქრისტემან ჭეშმარიტმან ღმერთმან ჩუენმან, მეოხებითა ყოვლად უხრწნელისა…

ხოლო მღდელი განვალს, დასდგების ჩვეულებისაებრ ადგილსა და ჰყოფს განტევებასა:

ქრისტემან ჭეშმარიტმან ღმერთმან ჩუენმან, მეოხებითა ყოვლად უხრწნელისა დედისა თჳსისათა,

, და წმიდათა შორის მამისა ჩუენისა გრიგოლი…

(და შემდგომი დღისაებრ, და წმიდისა სახელი, რომლისაცა არს დღე)

, და წმიდათა შორის მამისა ჩუენისა გრიგოლი დიოლოღოსისა, და ყოველთა წმიდათათა თჳსთათა, შეგჳწყალნეს, და გუაცხოვნეს ჩუენ, ვითარცა სეხიერ არს და კაცთ-მოყუარე.

ამინ

მგალობელთა

ამინ.

ხოლო ესრეთ ვჰყოფთ განტევებასა ვიდრე ვნებისა შჳდეულადმდე…

ხოლო ესრეთ ვჰყოფთ განტევებასა ვიდრე ვნებისა შჳდეულადმდე, რამეთუ ვნებისა შჳდეულსა შინა თჳსი განტევებაჲ ითქუმის. ხოლო შემდგომად განტევებისა, ლოცვა მადლობისა, აწ განუტევე, წმიდაო ღმერთო, შემდგომად მამაო ჩუენოსა, ოხითა და კონდაკი დიოლოღოსისა, რომელი წერილ არს ქვემორე და შემდგომი. აღესრულა საღმრთო ლიტურღია პირველ შეწირულისა.