კურთხევა
კურთხეულ არს ღმერთი ჩუენი ყოვლადვე, აწ და მარადის და უკუნითი უკუნისამდე.
ამინ
ამინ.
დიდება შენდა
დიდება შენდა, ღმერთო ჩვენო, დიდება შენდა.
მეუფეო ზეცათაო
მეუფეო ზეცათაო, ნუგეშინისმცემელო, სულო ჭეშმარიტებისაო, რომელი ყოველგან ხარ და ყოველსავე აღავსებ მადლითა შენითა, საუნჯეო კეთილთაო, მომნიჭებელო ცხოვრებისაო, მოვედ და დაემკვიდრე ჩვენს შორის და წმიდა მყვენ ჩვენ ყოვლისაგან ბიწისა და აცხოვნენ, სახიერო, სულნი ჩვენნი.
წმიდაო ღმერთო
3-გზის
წმიდაო ღმერთო, წმიდაო ძლიერო, წმიდაო უკვდავო, შეგვიწყალენ ჩვენ.
დიდება, აწ და მარადის
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ყოვლადწმიდაო სამებაო
ყოვლადწმიდაო სამებაო, შეგვიწყალენ ჩვენ, უფალო, გვიხსენ და გვილხინე ცოდვათა ჩვენთაგან,მეუფეო, შეგვინდევ უსჯულოებანი ჩვენნი, წმიდაო, მოიხილე და განჰკურნენ უძლურებანი ჩვენნი სახელისა შენისათვის.
უფალო, შეგვიწყალენ
3-გზის
უფალო, შეგვიწყალენ.
დიდება, აწ და მარადის
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მამაო ჩვენო
მამაო ჩვენო, რომელი ხარ ცათა შინა, წმიდა იყავნ სახელი შენი, მოვედინ სუფევა შენი, იყავნ ნება შენი, ვითარცა ცათა შინა, ეგრეცა ქვეყანასა ზედა, პური ჩვენი არსობისა მომეც ჩვენ დღეს, და მომიტევენ ჩვენ თანანადებნი ჩვენნი, ვითარცა ჩვენ მივუტევებთ თანამდებთა მათ ჩვენთა, და ნუ შემიყვანებ ჩვენ განსაცდელსა, არამედ მიხსენ ჩვენ ბოროტისაგან.
ასამაღლებელი
რამეთუ შენი არს სუფევა და ძალი და დიდება მამისა და ძისა და წმიდისა სულისა, აწ და მარადის და უკუნითი უკუნისამდე. ამინ.
უფალო, შეგვიწყალენ
12-გზის
უფალო, შეგვიწყალენ.
დიდება, აწდა
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მოვედით, თაყვანი ვსცეთ
მეტანიით
მოვედით, თაყუანის-ვსცეთ მეუფესა ჩუენსა ღმერთსა.
მოვედით, თაყუანის-ვსცეთ და შეუვრდეთ ქრისტესა მეუფესა ჩუენსა ღმერთსა.
მოვედით, თაყუანის-ვსცეთ და შეუვრდეთ თჳთ ქრისტესა მეუფესა და ღმერთსა ჩუენსა.
ფსალმუნი 50
1 მიწყალე მე, ღმერთო, დიდითა წყალობითა შენითა და მრავლითა მოწყალებითა შენითა ახოცე უშჯულოებაი ჩემი.
2 უფროის განმბანე მე უშჯულოებისა ჩემისაგან და ცოდვათა ჩემთაგან განმწმიდე მე.
3 რამეთუ უშჯულოებაი ჩემი მე უწყი, და ცოდვაი ჩემი წინაშე ჩემსა არს მარადის.
4 შენ მხოლოსა შეგცოდე და ბოროტი შენ წინაშე ვყავ; რაითა განმართლდე სიტყუათაგან შენთა და სძლო შჯასა შენსა.
5 რამეთუ ესერა უშჯულოებათა შინა მიუდგა და ცოდვათა შინა მშვა მე დედამან ჩემმან.
6 რამეთუ ესერა ჭეშმარიტებაი შეიყუარე, უჩინონი და დაფარულნი სიბრძნისა შენისანი გამომიცხადენ მე.
7 მასხურო მე უსუპითა და განვწმიდნე მე, განმბანო მე და უფროის თოვლისა განვსპეტაკნე.
8 მასმინო მე გალობაი და სიხარული, და იხარებდენ ძუალნი დამდაბლებულნი.
9 გარე-მიაქციე პირი შენი ცოდვათა ჩემთაგან და ყოველნი უშჯულოებანი ჩემნი ახოცენ.
10 გული წმიდაი დაჰბადე ჩემ თანა, ღმერთო, და სული წრფელი განმიახლე გუამსა ჩემსა.
11 ნუ განმაგდებ მე პირისა შენისაგან და სულსა წმიდასა შენსა ნუ მიმიღებ ჩემგან.
12 მომეც მე სიხარული მაცხოვარებისა შენისაი და სულითა მთავრობისათა დამამტკიცე მე.
13 ვასწავლნე უშჯულოთა გზანი შენნი და უღმრთონი შენდა მოიქცენ.
14 მიხსენ მე სისხლთაგან, ღმერთო, ღმერთო ცხორებისა ჩემისაო, იხარებდეს ენაი ჩემი სიმართლესა შენსა.
15 უფალო, ბაგენი ჩემნი აღახუნე, და პირი ჩემი უთხრობდეს ქებულებასა შენსა.
16 რამეთუ უკეთუმცა გენება, მსხუერპლი შე-მცა-მეწირა, არამედ საკუერთხი არა გთნდეს.
17 მსხუერპლი ღმრთისა არს სული შემუსრვილი, გული შემუსრვილი და დამდაბლებული ღმერთმან არა შეურაცხ-ჰყოს.
18 კეთილი უყავ, უფალო, ნებითა შენითა სიონსა და აღეშენნენ ზღუდენი იერუსალემისანი.
19 მაშინ გთნდეს მსხუერპლი სიმართლისაი, შესაწირავი და ყოვლად-დასაწუელი; მაშინ შეიწირნენ საკურთხეველსა შენსა ზედა ზუარაკნი.
გაქებ შენ სამებაო ერთო ღმერთ-მთავრობაო
კჳრიაკესა, შუაღამესა ზედა, კანონი სამებისა, რომლისა კიდურ-წერილობაჲ.
გაქებ შენ სამებაო ერთო ღმერთ-მთავრობაო.
მხოლოო სახიერო, უ҃ო-მთავარო, და ერთო სამებით ღმერთ-მთავრობაო…
მიტროფანესი. გალობა ა. ჴმა გ. სძლისპირი. რომელმან წამის-ყოფით.
მხოლოო სახიერო, უ҃ო-მთავარო, და ერთო სამებით ღმერთ-მთავრობაო, სამ-ბრწყინუალითა ნათლითა შენითა ღირს-მყავ რათა, დაუცხრომელად გიგალობდე ყოვლად ძლიერო ღმერთო, რომელსა გადიდებენ სამ-წმიდაობით ანგელოსნი:
უსხეულოთა ბანაკნი, ღმრთიუ-შუენიერად, ვითარცა შემოქმედსა და მიზეზსა, დაბადებულთასა სამ-ნათელსა გიგალობენ, სამებაო წმიდაო, რომელთა თანა ჩუენცა, მიწისაგანნი ესე გადიდებთ დაუცხრომელად:
ღმრთის-მეტყუელნი ჯეროვნად, გამოსახჳთა, გონებად სიტყუად და სულად გადიდებენ, და უვნებელად შობასა შენსა მოასწავებენ, მამაო უშობელო, და სულისა გამოსლუასა, სამებაო ღმერთო, ყოველთაო ერთ-მთავრობაო:
არსებაჲ კაცობრივი კაცთ-მოყუარებით, შეიმოსე სიტყუაო მამისაო, და…
ღმრთის-მშობლისა.
არსებაჲ კაცობრივი კაცთ-მოყუარებით, შეიმოსე სიტყუაო მამისაო, და ერთ-ღუთაებისა ნათელი არსებით, და სამ-ბრწყინუალედ, გამოაბრწყინუე დედა შენი, უხრწნელი დიდებულ-ჰყავ, უფროს ყოველთა დაბადებულთა:
სამ-გზის დასხმითა, წყლისათა მსხუერპლთა ზედა, გამოსახა ილია…
გალობა გ. სძლისპირი. რომელმან სიტყჳთ.
სამ-გზის დასხმითა, წყლისათა მსხუერპლთა ზედა, გამოსახა ილია, სამებისა გუამოვნებაჲ, ერთ-არსებისთ ქებული უფალთ-მთავარი, ღმერთი ყოვლად ძლიერი:
კაცთა ბუნება, მოკუდავი გიგალობს შენ, ერთსა სამ-ბრწყინუალესა, ყოველთა დამბადებელსა, და იტყჳს მეუფეო, მრავალ-სახეთა, განსაცდელთაგან მიჴსენ:
ვეწამებით ჩუენ, წინასწარ-მეტყუელთა, და მოციქულთა მოძღურებასა, და მწყემსთა და ქადაგთასა, და ერთ-ღუთაებად სრულად, ღმრთის-გმეტყუელებთ შენ, ყოვლად ძლიერო ღმერთო:
საყდართა მათგან მაღალთა, გარდამოჰჴდა, სიტყუა კაცთ-მოყუარებით, და…
ღმრთის-მშობლისა.
საყდართა მათგან მაღალთა, გარდამოჰჴდა, სიტყუა კაცთ-მოყუარებით, და კაცებაჲ აღამაღლა, შენ მიერ დედოფალო, და სამ-ბრწყინუალჱ ნათელი მოჰფინა კაცთა:
არსებით ერთო ღმერთო ქრისტე, შობილო დაუსაბამოჲსა მამისაგან…
წარდგომა, ჴმა გ.
არსებით ერთო ღმერთო ქრისტე, შობილო დაუსაბამოჲსა მამისაგან, და სულისა წმიდისა თანა ჰსწორო, შეგჳწყალენ მონანი შენნი, რამეთუ ყოველთავე შეგცოდეთ შენ, არამედ არა განდგომილ-ვართ შენგან, ამისთჳს გევედრებით სამებაო წმიდაო ვითარცა გაქუს ჴელმწიფებაჲ, დაბადებულსა შენსა ზედა, გჳჴსნენ ყოვლისა ბოროტისაგან:
ყოვლად არსი ღმერთი და უფალი, შენგან განჴორციელდა…
დიდება, აწდა. ღმრთის-მშობლისა.
ყოვლად არსი ღმერთი და უფალი, შენგან განჴორციელდა სახიერებისათჳს, ჩუენებრ არს ქმნილი, დადგრომილი რომელი იყო, ვინაცა ღმერთ-მამა-კაცად პატივის-მცემელნი მისნი ყოვლად უბიწოო შენ უქორწინებელსა ღმრთის-მშობლად გქადაგებთ, და ვედიდებთ დიდსა საკჳრუელებასა უთესლოსა შობისა შენისასა:
ვითარცა მორჩნი, თანა არსნი ღმრთიუ-დანერგულნი ძირთაგან მამულთა…
გალობა დ. სძლისპირი. ჰყავ სიყუარული.
ვითარცა მორჩნი, თანა არსნი ღმრთიუ-დანერგულნი ძირთაგან მამულთა აღმოჰჴდეს, ძე მხოლოდ შობილი და სული წმიდა, და ყუავილნი თანა დაუსაბამონი, რამეთუ სამ-ნათელ-არს ღუთაება:
ვითარცა მორჩნი, თანა არსნი ღმრთიუ-დანერგულნი ძირთაგან მამულთა აღმოჰჴდეს, ძე მხოლოდ შობილი და სული წმიდა, და ყუავილნი თანა დაუსაბამონი, რამეთუ სამ-ნათელ-არს ღუთაება:
ძალნი ცათანი დაუცხრომელად, გიგალობენ შენ გარე შეუწერელსა ღმერთსა, მათ თანა ჩუენცა გადიდებთ და ვიტყჳთ, არსებით მიუწთომელო სამებაო, მონანი შენნი დაგჳცუენ წყალობით:
ჰყავ სიყუარული, სიმტკიცისა სიტყუაო ღმრთისაო, რაჟამს უქცეველად…
ღმრთის-მშობლისა.
ჰყავ სიყუარული, სიმტკიცისა სიტყუაო ღმრთისაო, რაჟამს უქცეველად კაც-იქმენ, ჩუეთჳს ქალწულისაგან და სამ-ბრწყინუალება, ერთი ღუთაებისა ჭეშმარიტად გუასწავე, დიდება ძალსა შენსა უფალო:
ჩუენებით ისაია, იხილა რა უფალი, უფლებათა ღმერთი…
გალობა ე. სძლისპირი ჩუენებით ისაია.
ჩუენებით ისაია, იხილა რა უფალი, უფლებათა ღმერთი, სამ-პირებით დიდებული სერაფიმთაგან, ჰქადაგა ჴმითა მაღლითა ღმრთის-მეტყუელებით სამ-ნათელი ბუნებაჲ, ერთ-არსებისა სამ-გვამოვნად და სამ-ბრწყინუალებად:
ჩუენებით ისაია, იხილა რა უფალი, უფლებათა ღმერთი, სამ-პირებით დიდებული სერაფიმთაგან, ჰქადგა ჴმითა მაღლითა ღმრთის-მეტყუელებით სამ-ნათელი ბუნებაჲ, ერთ-არსებისა სამ-გვამოვნად და სამ-ბრწყინუალებად:
რომელმან ხილულთა, და უხილავთა ყოველთა ბუნებანი შეჰქმნენ, და არარაჲსაგან არსებად მოიყუანენ, მხოლოო, სამ-ბრწყინუალეო რომელნი, ერთ-ღუთაებად აღგიარებენ, ყოველთა განსაცდელთაგან იჴსნენ და ადიდენ:
სასძლოდ ნათლით-შემოსილ, გამოჰსჩნდი ქრისტეს ღმრთისა, ქაწლულო უბიწოო…
ღმრთის-მშობლისა.
სასძლოდ ნათლით-შემოსილ, გამოჰსჩნდი ქრისტეს ღმრთისა, ქაწლულო უბიწოო, ამისთჳს გიგალობთ და სურჳიელად გნატრით შენ, რამეთუ შენგან იშუა ერთი სამებისაგანი, ორითა ბუნებითა და ორითა საქმითა:
ღირს-იქმნა, აბრაამ ხილუად ღმრთისა, რაჟამს იგი მწირობდა…
გალობით ვ. სძლისპირი. სიღრმეთა.
ღირს-იქმნა, აბრაამ ხილუად ღმრთისა, რაჟამს იგი მწირობდა, სახითა სამთა კაცთათა, და სამგუამოვნება თჳსი უჩუენა განცხადებულად, და მეუფება, ერთ უფლებით გამოუცხადა:
ღირს-იქმნა, აბრაამ ხილუად ღმრთისა, რაჟამს იგი მწირობდა, სახითა სამთა კაცთათა, და სამგუამოვნება თჳსი უჩუენა განცხადებულად, და მეუფება, ერთ უფლებით გამოუცხადა:
წარმართენ, გულნი მონათა შენთანი, ნათლად შეუხებელად, დიდებისა შენისა ქრისტე, და ბრწყინუალებაჲ შენი, მოანიჭე სულთა ჩუენთა, რათა ვხედჳდეთ სიკეთესა შენსა საღმრთოსა:
განმიჴუენ, ბჭენი სინანულისანი, შენგან შობილისანი, ყოვლად წმიდაო…
ღმრთის-მშობლისა.
განმიჴუენ, ბჭენი სინანულისანი, შენგან შობილისანი, ყოვლად წმიდაო ქალწულო, რათა სამ-მნათობსა მას ნათელსა ღუთაებისასა განჳცდიდე, და გადიდებდე შენ დედოფალო:
საღმრთოთა ბუნებითა ერთ-არსო, სამ-მზეო, სურჳლით გიგალობთ შენ…
წარდგომა, ჴმა გ. სძლისპირი. საღმრთოსა სარწმუ.
საღმრთოთა ბუნებითა ერთ-არსო, სამ-მზეო, სურჳლით გიგალობთ შენ, და სამ-წმიდაობისა ჴმითა გიღაღადებთ, წმიდა-არს მამა დაუსაბამო, წმიდა-არს ძე თანა დაუსაბამო, და წმიდა-არს სული წმიდა განუყოფელი ღმერთი, და ყოველთა შემოქმედი და კაცთ-მოყუარე:
დიდი საკჳრუელი, რამეთუ ვითარიმე უკუე დამჭირულ-იქმნა, დაუტევნელი…
დიდება, აწდა. ღმრთის-მშობლისა. მსგავსნი.
დიდი საკჳრუელი, რამეთუ ვითარიმე უკუე დამჭირულ-იქმნა, დაუტევნელი საშოსა შინა შენსა, განხორციელდა, და გამოსჩნდა ვითარცა კაცი, არა თავს-მდებელი შერწყმისა, ანუ განყოფისა სამღთოჲსა და უქცეველისა ღუთაებისა, ყრმააო ყოვლად უბიწოო, ვინაცა ღმრთის-მშობლად გქადაგებთ შენ მარადის სარწმუნოდ, და გადიდებთ:
ტაძრად გამომაჩინე, ღუთაებისა შენისა, სამ-ბრწყინუალისა მეუფეო, და…
გალობა ზ. სძლისპირი. ვითარცა სამთა ყრმათა.
ტაძრად გამომაჩინე, ღუთაებისა შენისა, სამ-ბრწყინუალისა მეუფეო, და ვნებათა წყუდიადსა, ზესთა აღმატებულ-მყავ, საღმრთოსა ნათლისა შენისა, ბრწყინუალისა ზიარებითა:
ძალსა ღუთაებისასა, ერთსა აღჳარებთ ჩუენ, სამთა შინა გუამოვნებათა, და განყოფილთა მათ, თჳთებათა წმიდათა, მამისა და ძისა, და სულისა წმიდისათა, და ვაკურთხევთ უკუნისამდე:
გამოუჩნდა აბრაამს ღმერთი სამ-გუამოვანი, ძუელ-ოდესმე მუხასა თანა მამბრესსა, სასყიდლად უცხოთმოყუარებისა წყალობით მიმცემელი მისდა ისაკისა, რომელსა ეწცა ვადიდებთ ვითარცა ღმერთსა მამათა ჩუენთასა:
გამოჩნდა ქუეყანასა, ზედა რაჟამს განკაცნა, შემოქმედი სახიერებით, ქალწულებრივისა, უხრწნელისა მუცლისა, და განაღთო კაცებაჲ, მარადის კურთხეულმან, ღმერთმან მამათა ჩუენთამან:
დაუსაბამოჲსაგან, მამისა გამოუთქმელად, გამობრწყინდა ძე და სული…
გალობა ჱ. სძლისპირი. ცეცხლი იგი.
დაუსაბამოჲსაგან, მამისა გამოუთქმელად, გამობრწყინდა ძე და სული ცხოველი, პირუელ ჟამთა, და უწინარეს ყოველთა საუკუნეთა, და აჩუენეს, სამებისა ძალი და მთავრობაჲ:
დაუსაბამოჲსაგან, მამისა გამოუთქმელად, გამობრწყინდა ძე და სული ცხოველი, პირუელ ჟამთა, და უწინარეს ყოველთა საუკუნეთა, და აჩუენეს, სამებისა ძალი და მთავრობაჲ:
განანათლებ ბრწყინუალედ, ძალთა ზეცისათა გალობად, სამწმიდაობისა გალობითა, მამაო, და სიტყუაო და სულო სამძლიერებაო, მათ თანავე, ჩუენცა აღგამაღლებთ ღმერთო ღმერთთაო:
უწყებითა სამღთოჲთა, წინასწარ-მეტყუელნი პირუელუე ხედჳდეს, და შეასხმიდეს…
ღმრთის-მშობლისა.
უწყებითა სამღთოჲთა, წინასწარ-მეტყუელნი პირუელუე ხედჳდეს, და შეასხმიდეს შობასა შენსა ღმრთის-მშობელო, რომელმან უთესლოდ ჰშევ დამბადებელი შენი, მათ თანავე, გაქებთ და გადიდებთ უკუნისამდე:
სიტყუა ღმრთისა უხილავი, უთესლოდ გჳშევ ჩუენ ქალწულო…
გალობა თ. სძლის-პირი.
სიტყუა ღმრთისა უხილავი, უთესლოდ გჳშევ ჩუენ ქალწულო უბიწოო, რომელი ზეცას უდედოდ, და ქუეყანასა ზედა უმამოდ, რომელსა თაყუანის-ვჰსცემთ, და შენ დაუცხრომელად გადიდებთ:
ხილუად დიდებისა შენისა, სამ-ბრწყინუალისა ვერ იკადრებენ ზეცისა ძალნი, არამედ ფრთითა იფარუენ, პირთა მათთა და დაუცხრომელად, გიგალობენ სახიერ, მათთანა ჩუენცა სამებით გადიდებთ:
ხილუად დიდებისა შენისა, სამ-ბრწყინუალისა ვერ იკადრებენ ზეცისა ძალნი, არამედ ფრთითა იფარუენ, პირთა მათთა და დაუცხრომელად, გიგალობენ სახიერ, მათთანა ჩუენცა სამებით გადიდებთ:
სურჳელად გიგალობთ შენ, რომელთა მოვიღეთ შენგან სული სიტყჳერი, ღმერთო ყოვლისა-მპყრობელო, ერთ-ბუნებად და სამ-გუამოვნებით, გულნი ჩუენნი შეზღუდენ, შიშითა შენითა ყოვლად ძლიერო:
ტაძრად გამომაჩინე მე, სამ-ბრწყინუალისა სამ-გუამოვნებისა შენისა, რათა…
ღმრთის-მშობლისა.
ტაძრად გამომაჩინე მე, სამ-ბრწყინუალისა სამ-გუამოვნებისა შენისა, რათა სიწმიდით გმონებდე, დამბადებელო ყოველთაო, დედოფლისა ოხითა, რათა დაუცხრომელად გადიდებდე:
სამებისა საგალობლები
კანონის შემდეგ სამებისა საგალობლები.
ღირს არს ჭეშმარიტად, რაითა გადიდებდეთ შენ, ღმრთისა სიტყუასა, რომლისაგან ძრწიან და ეშინის ქერობინთა, და გადიდებენ შენ ძალნი ზეცათანი, რომელი აღსდეგ მესამესა დღესა საფლავით, ქრისტესა, ცხორების მომცემელსა, შიშით გადიდებთ.
უგალობდეთ ყოველნი ღმრთივშუენიერად ქებითა საღმრთოითა მამასა და ძესა და სულსა წმიდასა, სამგუამოვანსა, ყოვლისა მპყრობელსა, ერთსა მეუფებასა და უფლებასა.
რომელსა გიგალობენ ყოველნი ტომნი და გადიდებენ ძალნი ზეცათანი, რომელი ყოველთა მორწმუნეთაგან თაყუანის-იცემები, მხოლოო, ერთარსებით და სამგუამოვნებით.
უფალთმთავარსა ქერობინთასა და ღმერთმთავარსა სერაბინთასა და განუყოფელსა სამებასა, მხოლოსა ღმერთსა დაუსაბამოსა შიშით გადიდებთ შენ. მამასა დაუსაბამოსა ღმერთსა და თანადაუსაბამოსა სიტყუასა და თანაარსსა სულსა წმიდასა თაყუანის-ვსცემთ განუყოფელად ერთარსებით, სამგუამოვნებით, მხოლოსა ქებით პატივვსცემთ.
ბრწყინვალებითა ელვარებისა შენისაითა განმაბრწყინვე მე, ღმერთო ჩემო სამგუამოვანო, ყოველთა შემოქმედო, და გამომაჩინე მე ტაძრად შენისა მიუწთომელისა დიდებისა, უხრწნელ და ელვარე ნათლით შემოსილ. რომლისაგან ძრწიან და ეშინის ქერობინთა, და გადიდებენ შენ ანგელოზთა მხედრობანი, რომელი ქალწულისაგან გამოუთქუმელად განჰხორციელდი, ქრისტე, ცხორების მომცემელო, შიშით გადიდებთ.
წმიდაო ღმერთო
3-გზის
წმიდაო ღმერთო, წმიდაო ძლიერო, წმიდაო უკვდავო, შეგვიწყალენ ჩვენ.
დიდება, აწ და მარადის
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ყოვლადწმიდაო სამებაო
ყოვლადწმიდაო სამებაო, შეგვიწყალენ ჩვენ, უფალო, გვიხსენ და გვილხინე ცოდვათა ჩვენთაგან,მეუფეო, შეგვინდევ უსჯულოებანი ჩვენნი, წმიდაო, მოიხილე და განჰკურნენ უძლურებანი ჩვენნი სახელისა შენისათვის.
უფალო, შეგვიწყალენ
3-გზის
უფალო, შეგვიწყალენ.
დიდება, აწ და მარადის
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
მამაო ჩვენო
მამაო ჩვენო, რომელი ხარ ცათა შინა, წმიდა იყავნ სახელი შენი, მოვედინ სუფევა შენი, იყავნ ნება შენი, ვითარცა ცათა შინა, ეგრეცა ქვეყანასა ზედა, პური ჩვენი არსობისა მომეც ჩვენ დღეს, და მომიტევენ ჩვენ თანანადებნი ჩვენნი, ვითარცა ჩვენ მივუტევებთ თანამდებთა მათ ჩვენთა, და ნუ შემიყვანებ ჩვენ განსაცდელსა, არამედ მიხსენ ჩვენ ბოროტისაგან.
ასამაღლებელი
რამეთუ შენი არს სუფევა და ძალი და დიდება მამისა და ძისა და წმიდისა სულისა, აწ და მარადის და უკუნითი უკუნისამდე. ამინ.
იპაკოი
კვირის ხმის იპაკოი; აქ რვავეა მოცემული.
ხმა 1: ავაზაკისა სინანულმან სამოთხე მიიპარა, ხოლო ტირილმან და გოდებამან მენელსაცხებელთა სიხარული აუწყა, ვითარმედ აღდგა ქრისტე და მოანიჭა სოფელსა დიდი წყალობაჲ:
ხმა 2: შემდგომად ვნებისა წარჳდეს დედანი, საფლავად შემურუად ჴორცთა შენთა ქრისტე ღმერთო, და საფლავსა შინა იხილეს ანგელოსნი და განჰკრთეს, რამეთუ ჴმა ესმოდა მათ მიერ, ვითარმედ აღდგა უფალი, და მოანიჭა სოფელსა დიდი წყალობაჲ:
ხმა 3: განაჰკრთობდა ხილჳთა და შეაცურევდა სიტყჳთა, ელუარე იგი ანგელოსი, რომელი მენელსაცხებლეთა ეტყოდა, საფლავსა შინა ეძიებდ ცხოველსა მას, ხრწნილებისა შემცუალებელსა, და ღუთაებით უცუალებელსა, უწყოდეთ რამეთუ აღდგა და დააცალიერნა საფლავნი, არქუთ ღმერთსა ვითარ საშინელ-არი _ ან, საქმენი შენნი, რომელთა მი _ ერ აცხოვნე ნათესავი კაცთა:
ხმა 4: დიდებულისა და საკჳრუელისა აღდგომისა შენისა, წინა-მსრბოლად წარივლინნეს დედანი, და მოციქულთა უქადაგეს, ვითარმედ აღდგა უფალი, და მოანიჭა სოფელსა დიდი-წყალობაჲ:
ხმა 5: ანგელოსისა ხილჳთა გონებითა განკჳრუებულნი, და ღმრთისა აღდგომისათჳს სულითა განათლებულნი, მენელსაცხებლენი დედანი მოციქულთა ახარებდეს, უქადაგეთ წარმართთა აღდგომაჲ უფალისა, თანა შეწევნითა, უფალისათა სასწაულთა მიერ, რომელი მოანიჭებს სოფელსა დიდსა წყალობასა:
ხმა 6: ნებსით სიკუდილითა შენითა ცხოველს მყოფელითა, ბჭენი ჯოჯოხეთისანი შემუსრენ ქრისტე ღმერთო, და კარი სამოთხისა განგჳღე ჩუენ, და აღდგომითა შენითა იჴსენ, ხრწნილებისაგან ცხოვრებაჲ ჩუენი:
ხმა 7: რომელმან მსგავსება ჩუენი შეიმოსე და ჴორცითა ჯუარცმა დაითმინე მაცხოვნე მე აღდგომითა შენითა, ქრისტე ღმერთო ვითარცა მოწყალე-ხარ:
ხმა 8: მენელსაცხებლენი ცხოველს მყოფელსა საფლავსა მოვიდეს, და მკუდართა თანა ეძიებდეს უკუდავსა მეუფესა, და სიხარულისა ხარება ანგელოსისაგან ისწავეს, და მოციქულთა ახარებდეს და ეტყოდეს, ვითარმედ აღდგა ქრისტე უფალი, და მოანიჭა სოფელსა დიდი-წყალობაჲ:
უფალო, შეგვიწყალენ
40-გზის
უფალო, შეგვიწყალენ.
დიდება, აწდა
დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
„უპატიოსნესსა ქერუბიმთასა“
უპატიოსნესსა ქერუბიმთასა და აღმატებით უზესთაესსა სერაბინთასა, განუხრწნელად მშობელსა სიტყჳსა ღმრთისასა, მხოლოსა ღმრთისმშობელსა გალობით გადიდებდეთ.
„ღმერთმან შეგვიწყალენ“
ღმერთო, მიწყალენ ჩუენ და მაკურთხენ ჩუენ, გამოაჩინე პირი შენი ჩუენ ზედა და მიწყალენ ჩუენ.
ლოცვა ყოვლადწმიდა სამებისადმი
ყოვლისა შემძლებელო და ცხოველსმყოფელო სამებაო წმიდაო, ნათელო დაუსაბამოო, რომელმან ყოველი სოფელი და პირველ სოფლისა შექმნილნი მხოლოითა განზრახვითა და ძლიერებითა არაარსისაგან არსად მოიყვანენ, რომელმან გამოუთქუმელითა ქველისმოქმედებითა შენითა ქუეყანისა ნათესავთა უძლურებისათვის ხორცთაისა სინანული მოგუანიჭე ვიდრე სიკუდილადმდე, ნუ დამიტევებ ჩუენ უბადრუკთა სიბოროტისა საქმეთა შინა ჩუენთა სიკუდიდ, ნუცა ბოროტთა მთავართა, მოშურნეთა და მომსრველთა სულისა ჩუენისათა, საცინელ მყოფ, რამეთუ ჰხედავ, ბუნებით სახიერო, რაოდენთა საბრხეთა დაგვირწყუმენ მტერნი იგი ჩუენნი, ხოლო ჩუენ ვნებულ, დახსნილ და უკრძალველ ვართ, არამედ გევედრებით: ყოველსა დღესა და ყოველსა ჟამსა ყავ ჩუენ ზედა მოუკლებელი კეთილი შენი, რამეთუ განგარისხეთ შენ პატიოსნისა და ცხოველსმყოფელისა მცნებისა შენისა გარდასლვითა, ყოველთა უკუე ყოვლადვე, და ესრეთ წარვვლეთ ცხორებაი ჩუენი შეცოდებათა შინა ჩუენთა ვიდრე ამად ჟამადმდე, საქმით ანუ სიტყვით ანუ განზრახვით, არამედ შენ შემინდვენ, მომიტევე, და შემდგომსა ცხორებასა ღირს მყვენ სინანულითა და ლმობიერებითა აღსრულებად, დამარხვითა წმიდათა ბრძანებათა შენთათა, უკუეთუ სიტკბოებისა საცთურითა მრავალსახედ გცოდეთ, ანუ საძაგელისა და ურგებისა და მავნებელისა გულისთქუმითა მოვინადირენით, უკუეთუ პირუტყულითა რისხვითა და გულისწყრომითა აღძრვითა ძმასა ვისმე ჩუენსა ვაჭირვეთ, უკუეთუ დაუპყრობელითა ენითა და ფიცხელითა საფრხითა ძლიერად გარემოცულ ვიქმნენით, გინა რომლითამე საცნობელითა ჩუენითა ანუ ყოვლითა ნებითა, ანუ თუ უნებლიეთ, ცნობით ანუ უმეცრებით, წარტაცებით ანუ განზრახვით, და უგუნურებისა შებრკოლებით, უკუეთუ გულისსიტყვით და ამაოისა ზრახვითა შევიგინენით, ანუ თუ სხვითა რომლითამე სახითა შეგცოდეთ, პირველითგანვე ბოროტისა ჩუეულებისა მიღებითა, ყოველივე შეგვინდევ და მოგვიტევე, ყოველთა შემწყნარებელო, ყოვლად-ნეტარო და მრავალმოწყალეო. და მომანიჭე შემდგომისა ჟამისად სიმხნე და ძალი, რომელსა შინა ვყოთ ნებაი შენი, სათნოი და სრული, რაითა ღამისა და ბნელისა სიბოროტჱ ნათლისსახედ სინანულისა შევცვალოთ, და ვითარცა დღესა შინა კეთილსახედ ვიდოდეთ და განწმედილად ვჩნდეთ კაცთმოყუარებისა შენისადმი უღირსნი, და გიგალობდეთ შენ და გადიდებდეთ უკუნითი-უკუნისამდე, ამინ.
განტევება
კვირას განტევება იწყება სიტყვებით: „მკვდრეთით აღდგომილმან ქრისტემან…“
ქრისტემან ჭეშმარიტმან ღმერთმან ჩუენმან, მეოხებითა ყოვლად-უხრწნელისა დედისა თვისისაითა, ღირსთა და ღმერთშემოსილთა მამათა ჩუენთა და ყოველთა წმიდათა მისთაითა, შეგვიწყალნეს და გუაცხოვნნეს ჩუენ, ვითარცა სახიერმან და კაცთმოყუარემან.
შენდობის წესი და კვერექსი
ჩვეულებრივი შენდობის წესი; შემდეგ მღვდელი ლოცულობს და ყოველ თხოვნაზე ყველანი მიუგებენ: „უფალო, შეგვიწყალენ“.
მაკურთხენით, მამანო, და შემინდვენით მე, ცოდვილსა ამას.
ვილოცოთ უწმიდესისა და უნეტარესისა, სრულიად საქართველოის კათოლიკოსპატრიარქისა, მცხეთა-ტფილისის მთავარეპისკოპოსისა, ბიჭვინთისა და ცხუმაფხაზეთის მიტროპოლიტისა, დიდისა მეუფისა და მამისა ჩუენისა შიოსათვის.
და ყოვლად-სამღდელოისა მიტროპოლიტისა (გინა ეპისკოპოსისა, სახელით მოიხსენოს მწყემსთმთავარი მის სამწყსოისაი) და ყოველთა ქრისტეს-მიერთა ძმათა ჩუენთათვის.
ღმრთივდაცულისა ერისა ჩუენისათვის, და კეთილმორწმუნეთა ხელისუფალთა და განმგებელთა მისთათვის.
წარმართებისათვის და განძლიერებისა ქრისტეს მოყუარეთა მხედრობათაისა.
მოყუარეთა და მწყალობელთა და კეთილისმყოფელთა ჩუენთათვის. მოძულეთა და მაჭირვებელთა ჩუენთათვის.
ყოველთათვის, რომელნი შემოვედრებულ არიან ლოცვათა ჩუენ უღირსთასა.
გამოხსნისათვის ტყუეთაისა.
ამიერ წარსრულთათვის მამათა და ძმათა ჩუენთა.
ყოველთათვის, რომელნი ზღუასა შინა კეთილად იჭირვიან.
რომელნი შურებიან ნაყოფთათვის ქუეყანისათა.
ყოვლისა სულისათვის მართლმადიდებელთა ქრისტიანეთაისა.
რომელნი სნეულებათა შინა მდებარე არიან.
სანატრელთა და კეთილადმოხსენებულთა მართლმადიდებელთა მეფეთათვის.
მართლმადიდებელთა მღდელთმთავართათვის.
აღმაშენებელთათვის წმიდისა ამის ეკლესიისათა.
მშობელთა ჩუენთათვის და მოძღუართა, და ყოველთა პირველ წარსრულთა მამათა და ძმათა ჩუენთათვის, აქა მდებარეთა და ყოველგან, მართლმადიდებლობით აღსრულებულთა.
ღმერთმან სანატრელ ყოს და განუსუენოს მათ.
ვთქუათ ყოველთა ამათთვის, უფალოშემიწყალენ.
ლოცვითა წმიდათა მამათა ჩუენთაითა, უფალო იესუ ქრისტე, ღმერთო ჩუენო, შემიწყალენ ჩუენ, ამინ.
„ლოცვითა წმიდათა მამათა ჩვენთათა“
ლოცვითა წმიდათა მამათა ჩვენთათა, უფალო, იესუ ქრისტე, ღმერთო ჩვენო, შეგვიწყალენ ჩვენ.